Sri Maha Vishnu Sahasranama stotram from Maha Bharatham

 ശ്രീവിഷ്ണുസഹസ്രനാമസ്തോത്രം 

(മഹാ ഭാരതത്തിൽ നിന്നും)

നാരായണം നമസ്കൃത്യ നരം ചൈവ നരോത്തമം .

ദേവീം സരസ്വതീം വ്യാസം തതോ ജയമുദീരയേത് ..

ഓം അഥ സകലസൗഭാഗ്യദായക ശ്രീവിഷ്ണുസഹസ്രനാമസ്തോത്രം .

ശുക്ലാംബരധരം വിഷ്ണും ശശിവർണം ചതുർഭുജം .

പ്രസന്നവദനം ധ്യായേത് സർവവിഘ്നോപശാന്തയേ .. 1..

യസ്യ ദ്വിരദവക്ത്രാദ്യാഃ പാരിഷദ്യാഃ പരഃ ശതം .

വിഘ്നം നിഘ്നന്തി സതതം വിഷ്വക്സേനം തമാശ്രയേ .. 2..

വ്യാസം വസിഷ്ഠനപ്താരം ശക്തേഃ പൗത്രമകല്മഷം .

പരാശരാത്മജം വന്ദേ ശുകതാതം തപോനിധിം .. 3..

വ്യാസായ വിഷ്ണുരൂപായ വ്യാസരൂപായ വിഷ്ണവേ .

നമോ വൈ ബ്രഹ്മനിധയേ വാസിഷ്ഠായ നമോ നമഃ .. 4..

അവികാരായ ശുദ്ധായ നിത്യായ പരമാത്മനേ .

സദൈകരൂപരൂപായ വിഷ്ണവേ സർവജിഷ്ണവേ .. 5..

യസ്യ സ്മരണമാത്രേണ ജന്മസംസാരബന്ധനാത് .

വിമുച്യതേ നമസ്തസ്മൈ വിഷ്ണവേ പ്രഭവിഷ്ണവേ .. 6..

ഓം നമോ വിഷ്ണവേ പ്രഭവിഷ്ണവേ .

     ശ്രീവൈശമ്പായന ഉവാച ---

ശ്രുത്വാ ധർമാനശേഷേണ പാവനാനി ച സർവശഃ .

യുധിഷ്ഠിരഃ ശാന്തനവം പുനരേവാഭ്യഭാഷത .. 7..

     യുധിഷ്ഠിര ഉവാച ---

കിമേകം ദൈവതം ലോകേ കിം വാപ്യേകം പരായണം .

സ്തുവന്തഃ കം കമർചന്തഃ പ്രാപ്നുയുർമാനവാഃ ശുഭം .. 8..

കോ ധർമഃ സർവധർമാണാം ഭവതഃ പരമോ മതഃ .

കിം ജപന്മുച്യതേ ജന്തുർജന്മസംസാരബന്ധനാത് .. 9..

     ഭീഷ്മ ഉവാച ---

ജഗത്പ്രഭും ദേവദേവമനന്തം പുരുഷോത്തമം .

സ്തുവൻ നാമസഹസ്രേണ പുരുഷഃ സതതോത്ഥിതഃ .. 10..

തമേവ ചാർചയന്നിത്യം  ഭക്ത്യാ പുരുഷമവ്യയം .

ധ്യായൻ സ്തുവൻ നമസ്യംശ്ച യജമാനസ്തമേവ ച .. 11..

അനാദിനിധനം വിഷ്ണും സർവലോകമഹേശ്വരം .

ലോകാധ്യക്ഷം സ്തുവന്നിത്യം സർവദുഃഖാതിഗോ ഭവേത് .. 12..

ബ്രഹ്മണ്യം സർവധർമജ്ഞം ലോകാനാം കീർതിവർധനം .

ലോകനാഥം മഹദ്ഭൂതം സർവഭൂതഭവോദ്ഭവം .. 13..

ഏഷ മേ സർവധർമാണാം ധർമോഽധികതമോ മതഃ .

യദ്ഭക്ത്യാ പുണ്ഡരീകാക്ഷം സ്തവൈരർചേന്നരഃ സദാ .. 14..

പരമം യോ മഹത്തേജഃ പരമം യോ മഹത്തപഃ .

പരമം യോ മഹദ്ബ്രഹ്മ പരമം യഃ പരായണം .. 15..

പവിത്രാണാം പവിത്രം യോ മംഗലാനാം ച മംഗലം .

ദൈവതം ദൈവതാനാം ച ഭൂതാനാം യോഽവ്യയഃ പിതാ .. 16..

യതഃ സർവാണി ഭൂതാനി ഭവന്ത്യാദിയുഗാഗമേ .

യസ്മിംശ്ച പ്രലയം യാന്തി പുനരേവ യുഗക്ഷയേ .. 17..

തസ്യ ലോകപ്രധാനസ്യ ജഗന്നാഥസ്യ ഭൂപതേ .

വിഷ്ണോർനാമസഹസ്രം മേ ശൃണു പാപഭയാപഹം .. 18..

യാനി നാമാനി ഗൗണാനി വിഖ്യാതാനി മഹാത്മനഃ .

ഋഷിഭിഃ പരിഗീതാനി താനി വക്ഷ്യാമി ഭൂതയേ .. 19..

ഋഷിർനാമ്നാം സഹസ്രസ്യ വേദവ്യാസോ മഹാമുനിഃ ..

ഛന്ദോഽനുഷ്ടുപ് തഥാ ദേവോ ഭഗവാൻ ദേവകീസുതഃ .. 20..

അമൃതാംശൂദ്ഭവോ ബീജം ശക്തിർദേവകിനന്ദനഃ .

ത്രിസാമാ ഹൃദയം തസ്യ ശാന്ത്യർഥേ വിനിയോജ്യതേ .. 21..

വിഷ്ണും ജിഷ്ണും മഹാവിഷ്ണും പ്രഭവിഷ്ണും മഹേശ്വരം ..

അനേകരൂപ ദൈത്യാന്തം നമാമി പുരുഷോത്തമം .. 22 ..

           പൂർവന്യാസഃ .

     ശ്രീവേദവ്യാസ ഉവാച ---

ഓം അസ്യ ശ്രീവിഷ്ണോർദിവ്യസഹസ്രനാമസ്തോത്രമഹാമന്ത്രസ്യ .

ശ്രീ വേദവ്യാസോ ഭഗവാൻ ഋഷിഃ .

അനുഷ്ടുപ് ഛന്ദഃ .

ശ്രീമഹാവിഷ്ണുഃ പരമാത്മാ ശ്രീമന്നാരായണോ ദേവതാ .

അമൃതാംശൂദ്ഭവോ ഭാനുരിതി ബീജം .

ദേവകീനന്ദനഃ സ്രഷ്ടേതി ശക്തിഃ .

ഉദ്ഭവഃ ക്ഷോഭണോ ദേവ ഇതി പരമോ മന്ത്രഃ .

ശംഖഭൃന്നന്ദകീ ചക്രീതി കീലകം .

ശാർങ്ഗധന്വാ ഗദാധര ഇത്യസ്ത്രം .

രഥാംഗപാണിരക്ഷോഭ്യ ഇതി നേത്രം .

ത്രിസാമാ സാമഗഃ സാമേതി കവചം .

ആനന്ദം പരബ്രഹ്മേതി യോനിഃ .

ഋതുഃ സുദർശനഃ കാല ഇതി ദിഗ്ബന്ധഃ ..

ശ്രീവിശ്വരൂപ ഇതി ധ്യാനം .

ശ്രീമഹാവിഷ്ണുപ്രീത്യർഥേ സഹസ്രനാമസ്തോത്രപാഠേ വിനിയോഗഃ ..

           അഥ ന്യാസഃ .

ഓം ശിരസി വേദവ്യാസഋഷയേ നമഃ .

മുഖേ അനുഷ്ടുപ്ഛന്ദസേ നമഃ .

ഹൃദി ശ്രീകൃഷ്ണപരമാത്മദേവതായൈ നമഃ .

ഗുഹ്യേ അമൃതാംശൂദ്ഭവോ ഭാനുരിതി ബീജായ നമഃ .

പാദയോർദേവകീനന്ദനഃ സ്രഷ്ടേതി ശക്തയേ നമഃ .

സർവാംഗേ ശംഖഭൃന്നന്ദകീ ചക്രീതി കീലകായ നമഃ .

കരസമ്പൂടേ മമ ശ്രീകൃഷ്ണപ്രീത്യർഥേ ജപേ വിനിയോഗായ നമഃ ..

ഇതി ഋഷയാദിന്യാസഃ ..

           അഥ കരന്യാസഃ .

ഓം വിശ്വം വിഷ്ണുർവഷട്കാര ഇത്യംഗുഷ്ഠാഭ്യാം നമഃ .

അമൃതാംശൂദ്ഭവോ ഭാനുരിതി തർജനീഭ്യാം നമഃ .

ബ്രഹ്മണ്യോ ബ്രഹ്മകൃദ്ബ്രഹ്മേതി മധ്യമാഭ്യാം നമഃ .

സുവർണബിന്ദുരക്ഷോഭ്യ ഇത്യനാമികാഭ്യാം നമഃ .

നിമിഷോഽനിമിഷഃ സ്രഗ്വീതി കനിഷ്ഠികാഭ്യാം നമഃ .

രഥാംഗപാണിരക്ഷോഭ്യ ഇതി കരതലകരപൃഷ്ഠാഭ്യാം നമഃ .

ഇതി കരന്യാസഃ .

           അഥ ഷഡംഗന്യാസഃ .

ഓം വിശ്വം വിഷ്ണുർവഷട്കാര ഇതി ഹൃദയായ നമഃ .

അമൃതാംശൂദ്ഭവോ ഭാനുരിതി ശിരസേ സ്വാഹാ .

ബ്രഹ്മണ്യോ ബ്രഹ്മകൃദ്ബ്രഹ്മേതി ശിഖായൈ വഷട് .

സുവർണബിന്ദുരക്ഷോഭ്യ ഇതി കവചായ ഹും .

നിമിഷോഽനിമിഷഃ സ്രഗ്വീതി നേത്രത്രയായ വൗഷട് .

രഥാംഗപാണിരക്ഷോഭ്യ ഇത്യസ്ത്രായ ഫട് .

ഇതി ഷഡംഗന്യാസഃ ..

ശ്രീകൃഷ്ണപ്രീത്യർഥേ വിഷ്ണോർദിവ്യസഹസ്രനാമജപമഹം

കരിഷ്യേ ഇതി സങ്കല്പഃ .

           അഥ ധ്യാനം .

ക്ഷീരോദന്വത്പ്രദേശേ ശുചിമണിവിലസത്സൈകതേർമൗക്തികാനാം

മാലാകൢപ്താസനസ്ഥഃ സ്ഫടികമണിനിഭൈർമൗക്തികൈർമണ്ഡിതാംഗഃ .

ശുഭ്രൈരഭ്രൈരദഭ്രൈരുപരിവിരചിതൈർമുക്തപീയൂഷ വർഷൈഃ

ആനന്ദീ നഃ പുനീയാദരിനലിനഗദാ ശംഖപാണിർമുകുന്ദഃ .. 1..

ഭൂഃ പാദൗ യസ്യ നാഭിർവിയദസുരനിലശ്ചന്ദ്ര സൂര്യൗ ച നേത്രേ

കർണാവാശാഃ ശിരോ ദ്യൗർമുഖമപി ദഹനോ യസ്യ വാസ്തേയമബ്ധിഃ .

അന്തഃസ്ഥം യസ്യ വിശ്വം സുരനരഖഗഗോഭോഗിഗന്ധർവദൈത്യൈഃ

ചിത്രം രംരമ്യതേ തം ത്രിഭുവന വപുഷം വിഷ്ണുമീശം നമാമി .. 2..

ഓം ശാന്താകാരം ഭുജഗശയനം പദ്മനാഭം സുരേശം

വിശ്വാധാരം ഗഗനസദൃശം മേഘവർണം ശുഭാംഗം .

ലക്ഷ്മീകാന്തം കമലനയനം യോഗിഭിർധ്യാനഗമ്യം  var  യോഗിഹൃദ്ധ്യാനഗമ്യം

വന്ദേ വിഷ്ണും ഭവഭയഹരം സർവലോകൈകനാഥം .. 3..

മേഘശ്യാമം പീതകൗശേയവാസം

ശ്രീവത്സാങ്കം കൗസ്തുഭോദ്ഭാസിതാംഗം .

പുണ്യോപേതം പുണ്ഡരീകായതാക്ഷം

വിഷ്ണും വന്ദേ സർവലോകൈകനാഥം .. 4..

നമഃ സമസ്തഭൂതാനാമാദിഭൂതായ ഭൂഭൃതേ .

അനേകരൂപരൂപായ വിഷ്ണവേ പ്രഭവിഷ്ണവേ .. 5..

സശംഖചക്രം സകിരീടകുണ്ഡലം

സപീതവസ്ത്രം സരസീരുഹേക്ഷണം .

സഹാരവക്ഷഃസ്ഥലകൗസ്തുഭശ്രിയം  var  സ്ഥലശോഭികൗസ്തുഭം

നമാമി വിഷ്ണും ശിരസാ ചതുർഭുജം .. 6..

ഛായായാം പാരിജാതസ്യ ഹേമസിംഹാസനോപരി

ആസീനമംബുദശ്യാമമായതാക്ഷമലങ്കൃതം .

ചന്ദ്രാനനം ചതുർബാഹും ശ്രീവത്സാങ്കിത വക്ഷസം

രുക്മിണീ സത്യഭാമാഭ്യാം സഹിതം കൃഷ്ണമാശ്രയേ .. 7..

      സ്തോത്രം .

           ഹരിഃ ഓം .

വിശ്വം വിഷ്ണുർവഷട്കാരോ ഭൂതഭവ്യഭവത്പ്രഭുഃ .

ഭൂതകൃദ്ഭൂതഭൃദ്ഭാവോ ഭൂതാത്മാ ഭൂതഭാവനഃ .. 1..

പൂതാത്മാ പരമാത്മാ ച മുക്താനാം പരമാ ഗതിഃ .

അവ്യയഃ പുരുഷഃ സാക്ഷീ ക്ഷേത്രജ്ഞോഽക്ഷര ഏവ ച .. 2..

യോഗോ യോഗവിദാം നേതാ പ്രധാനപുരുഷേശ്വരഃ .

നാരസിംഹവപുഃ ശ്രീമാൻ കേശവഃ പുരുഷോത്തമഃ .. 3..

സർവഃ ശർവഃ ശിവഃ സ്ഥാണുർഭൂതാദിർനിധിരവ്യയഃ .

സംഭവോ ഭാവനോ ഭർതാ പ്രഭവഃ പ്രഭുരീശ്വരഃ .. 4..

സ്വയംഭൂഃ ശംഭുരാദിത്യഃ പുഷ്കരാക്ഷോ മഹാസ്വനഃ .

അനാദിനിധനോ ധാതാ വിധാതാ ധാതുരുത്തമഃ .. 5..

അപ്രമേയോ ഹൃഷീകേശഃ പദ്മനാഭോഽമരപ്രഭുഃ .

വിശ്വകർമാ മനുസ്ത്വഷ്ടാ സ്ഥവിഷ്ഠഃ സ്ഥവിരോ ധ്രുവഃ .. 6..

അഗ്രാഹ്യഃ ശാശ്വതഃ കൃഷ്ണോ ലോഹിതാക്ഷഃ പ്രതർദനഃ .

പ്രഭൂതസ്ത്രികകുബ്ധാമ പവിത്രം മംഗലം പരം .. 7..

ഈശാനഃ പ്രാണദഃ പ്രാണോ ജ്യേഷ്ഠഃ ശ്രേഷ്ഠഃ പ്രജാപതിഃ .

ഹിരണ്യഗർഭോ ഭൂഗർഭോ മാധവോ മധുസൂദനഃ .. 8..

ഈശ്വരോ വിക്രമീ ധന്വീ മേധാവീ വിക്രമഃ ക്രമഃ .

അനുത്തമോ ദുരാധർഷഃ കൃതജ്ഞഃ കൃതിരാത്മവാൻ .. 9..

സുരേശഃ ശരണം ശർമ വിശ്വരേതാഃ പ്രജാഭവഃ .

അഹഃ സംവത്സരോ വ്യാലഃ പ്രത്യയഃ സർവദർശനഃ .. 10..

അജഃ സർവേശ്വരഃ സിദ്ധഃ സിദ്ധിഃ സർവാദിരച്യുതഃ .

വൃഷാകപിരമേയാത്മാ സർവയോഗവിനിഃസൃതഃ .. 11..

വസുർവസുമനാഃ സത്യഃ സമാത്മാഽസമ്മിതഃ സമഃ .

അമോഘഃ പുണ്ഡരീകാക്ഷോ വൃഷകർമാ വൃഷാകൃതിഃ .. 12..

രുദ്രോ ബഹുശിരാ ബഭ്രുർവിശ്വയോനിഃ ശുചിശ്രവാഃ .

അമൃതഃ ശാശ്വതസ്ഥാണുർവരാരോഹോ മഹാതപാഃ .. 13..

സർവഗഃ സർവവിദ്ഭാനുർവിഷ്വക്സേനോ ജനാർദനഃ .

വേദോ വേദവിദവ്യംഗോ വേദാംഗോ വേദവിത് കവിഃ .. 14..

ലോകാധ്യക്ഷഃ സുരാധ്യക്ഷോ ധർമാധ്യക്ഷഃ കൃതാകൃതഃ .

ചതുരാത്മാ ചതുർവ്യൂഹശ്ചതുർദംഷ്ട്രശ്ചതുർഭുജഃ .. 15..

ഭ്രാജിഷ്ണുർഭോജനം ഭോക്താ സഹിഷ്ണുർജഗദാദിജഃ .

അനഘോ വിജയോ ജേതാ വിശ്വയോനിഃ പുനർവസുഃ .. 16..

ഉപേന്ദ്രോ വാമനഃ പ്രാംശുരമോഘഃ ശുചിരൂർജിതഃ .

അതീന്ദ്രഃ സംഗ്രഹഃ സർഗോ ധൃതാത്മാ നിയമോ യമഃ .. 17..

വേദ്യോ വൈദ്യഃ സദായോഗീ വീരഹാ മാധവോ മധുഃ .

അതീന്ദ്രിയോ മഹാമായോ മഹോത്സാഹോ മഹാബലഃ .. 18..

മഹാബുദ്ധിർമഹാവീര്യോ മഹാശക്തിർമഹാദ്യുതിഃ .

അനിർദേശ്യവപുഃ ശ്രീമാനമേയാത്മാ മഹാദ്രിധൃക് .. 19..

മഹേഷ്വാസോ മഹീഭർതാ ശ്രീനിവാസഃ സതാം ഗതിഃ .

അനിരുദ്ധഃ സുരാനന്ദോ ഗോവിന്ദോ ഗോവിദാം പതിഃ .. 20..

മരീചിർദമനോ ഹംസഃ സുപർണോ ഭുജഗോത്തമഃ .

ഹിരണ്യനാഭഃ സുതപാഃ പദ്മനാഭഃ പ്രജാപതിഃ .. 21..

അമൃത്യുഃ സർവദൃക് സിംഹഃ സന്ധാതാ സന്ധിമാൻ സ്ഥിരഃ .

അജോ ദുർമർഷണഃ ശാസ്താ വിശ്രുതാത്മാ സുരാരിഹാ .. 22..

ഗുരുർഗുരുതമോ ധാമ സത്യഃ സത്യപരാക്രമഃ .

നിമിഷോഽനിമിഷഃ സ്രഗ്വീ വാചസ്പതിരുദാരധീഃ .. 23..

അഗ്രണീർഗ്രാമണീഃ ശ്രീമാൻ ന്യായോ നേതാ സമീരണഃ .

സഹസ്രമൂർധാ വിശ്വാത്മാ സഹസ്രാക്ഷഃ സഹസ്രപാത് .. 24..

ആവർതനോ നിവൃത്താത്മാ സംവൃതഃ സമ്പ്രമർദനഃ .

അഹഃ സംവർതകോ വഹ്നിരനിലോ ധരണീധരഃ .. 25..

സുപ്രസാദഃ പ്രസന്നാത്മാ വിശ്വധൃഗ്വിശ്വഭുഗ്വിഭുഃ .

സത്കർതാ സത്കൃതഃ സാധുർജഹ്നുർനാരായണോ നരഃ .. 26..

അസംഖ്യേയോഽപ്രമേയാത്മാ വിശിഷ്ടഃ ശിഷ്ടകൃച്ഛുചിഃ .

സിദ്ധാർഥഃ സിദ്ധസങ്കല്പഃ സിദ്ധിദഃ സിദ്ധിസാധനഃ .. 27..

വൃഷാഹീ വൃഷഭോ വിഷ്ണുർവൃഷപർവാ വൃഷോദരഃ .

വർധനോ വർധമാനശ്ച വിവിക്തഃ ശ്രുതിസാഗരഃ .. 28..

സുഭുജോ ദുർധരോ വാഗ്മീ മഹേന്ദ്രോ വസുദോ വസുഃ .

നൈകരൂപോ ബൃഹദ്രൂപഃ ശിപിവിഷ്ടഃ പ്രകാശനഃ .. 29..

ഓജസ്തേജോദ്യുതിധരഃ പ്രകാശാത്മാ പ്രതാപനഃ .

ഋദ്ധഃ സ്പഷ്ടാക്ഷരോ മന്ത്രശ്ചന്ദ്രാംശുർഭാസ്കരദ്യുതിഃ .. 30..

അമൃതാംശൂദ്ഭവോ ഭാനുഃ ശശബിന്ദുഃ സുരേശ്വരഃ .

ഔഷധം ജഗതഃ സേതുഃ സത്യധർമപരാക്രമഃ .. 31..

ഭൂതഭവ്യഭവന്നാഥഃ പവനഃ പാവനോഽനലഃ .

കാമഹാ കാമകൃത്കാന്തഃ കാമഃ കാമപ്രദഃ പ്രഭുഃ .. 32..

യുഗാദികൃദ്യുഗാവർതോ നൈകമായോ മഹാശനഃ .

അദൃശ്യോ വ്യക്തരൂപശ്ച സഹസ്രജിദനന്തജിത് .. 33..

ഇഷ്ടോഽവിശിഷ്ടഃ ശിഷ്ടേഷ്ടഃ ശിഖണ്ഡീ നഹുഷോ വൃഷഃ .

ക്രോധഹാ ക്രോധകൃത്കർതാ വിശ്വബാഹുർമഹീധരഃ .. 34..

അച്യുതഃ പ്രഥിതഃ പ്രാണഃ പ്രാണദോ വാസവാനുജഃ .

അപാംനിധിരധിഷ്ഠാനമപ്രമത്തഃ പ്രതിഷ്ഠിതഃ .. 35..

സ്കന്ദഃ സ്കന്ദധരോ ധുര്യോ വരദോ വായുവാഹനഃ .

വാസുദേവോ ബൃഹദ്ഭാനുരാദിദേവഃ പുരന്ദരഃ .. 36..

അശോകസ്താരണസ്താരഃ ശൂരഃ ശൗരിർജനേശ്വരഃ .

അനുകൂലഃ ശതാവർതഃ പദ്മീ പദ്മനിഭേക്ഷണഃ .. 37..

പദ്മനാഭോഽരവിന്ദാക്ഷഃ പദ്മഗർഭഃ ശരീരഭൃത് .

മഹർദ്ധിരൃദ്ധോ വൃദ്ധാത്മാ മഹാക്ഷോ ഗരുഡധ്വജഃ .. 38..

അതുലഃ ശരഭോ ഭീമഃ സമയജ്ഞോ ഹവിർഹരിഃ .

സർവലക്ഷണലക്ഷണ്യോ ലക്ഷ്മീവാൻ സമിതിഞ്ജയഃ .. 39..

വിക്ഷരോ രോഹിതോ മാർഗോ ഹേതുർദാമോദരഃ സഹഃ .

മഹീധരോ മഹാഭാഗോ വേഗവാനമിതാശനഃ .. 40..

ഉദ്ഭവഃ ക്ഷോഭണോ ദേവഃ ശ്രീഗർഭഃ പരമേശ്വരഃ .

കരണം കാരണം കർതാ വികർതാ ഗഹനോ ഗുഹഃ .. 41..

വ്യവസായോ വ്യവസ്ഥാനഃ സംസ്ഥാനഃ സ്ഥാനദോ ധ്രുവഃ .

പരർദ്ധിഃ പരമസ്പഷ്ടസ്തുഷ്ടഃ പുഷ്ടഃ ശുഭേക്ഷണഃ .. 42..

രാമോ വിരാമോ വിരജോ മാർഗോ നേയോ നയോഽനയഃ . or വിരാമോ വിരതോ

വീരഃ ശക്തിമതാം ശ്രേഷ്ഠോ ധർമോ ധർമവിദുത്തമഃ .. 43..

വൈകുണ്ഠഃ പുരുഷഃ പ്രാണഃ പ്രാണദഃ പ്രണവഃ പൃഥുഃ .

ഹിരണ്യഗർഭഃ ശത്രുഘ്നോ വ്യാപ്തോ വായുരധോക്ഷജഃ .. 44..

ഋതുഃ സുദർശനഃ കാലഃ പരമേഷ്ഠീ പരിഗ്രഹഃ .

ഉഗ്രഃ സംവത്സരോ ദക്ഷോ വിശ്രാമോ വിശ്വദക്ഷിണഃ .. 45..

വിസ്താരഃ സ്ഥാവരസ്ഥാണുഃ പ്രമാണം ബീജമവ്യയം .

അർഥോഽനർഥോ മഹാകോശോ മഹാഭോഗോ മഹാധനഃ .. 46..

അനിർവിണ്ണഃ സ്ഥവിഷ്ഠോഽഭൂർധർമയൂപോ മഹാമഖഃ .

നക്ഷത്രനേമിർനക്ഷത്രീ ക്ഷമഃ ക്ഷാമഃ സമീഹനഃ .. 47..

യജ്ഞ ഇജ്യോ മഹേജ്യശ്ച ക്രതുഃ സത്രം സതാം ഗതിഃ .

സർവദർശീ വിമുക്താത്മാ സർവജ്ഞോ ജ്ഞാനമുത്തമം .. 48..

സുവ്രതഃ സുമുഖഃ സൂക്ഷ്മഃ സുഘോഷഃ സുഖദഃ സുഹൃത് .

മനോഹരോ ജിതക്രോധോ വീരബാഹുർവിദാരണഃ .. 49..

സ്വാപനഃ സ്വവശോ വ്യാപീ നൈകാത്മാ നൈകകർമകൃത് .

വത്സരോ വത്സലോ വത്സീ രത്നഗർഭോ ധനേശ്വരഃ .. 50..

ധർമഗുബ്ധർമകൃദ്ധർമീ സദസത്ക്ഷരമക്ഷരം .

അവിജ്ഞാതാ സഹസ്രാംശുർവിധാതാ കൃതലക്ഷണഃ .. 51..

ഗഭസ്തിനേമിഃ സത്ത്വസ്ഥഃ സിംഹോ ഭൂതമഹേശ്വരഃ .

ആദിദേവോ മഹാദേവോ ദേവേശോ ദേവഭൃദ്ഗുരുഃ .. 52..

ഉത്തരോ ഗോപതിർഗോപ്താ ജ്ഞാനഗമ്യഃ പുരാതനഃ .

ശരീരഭൂതഭൃദ്ഭോക്താ കപീന്ദ്രോ ഭൂരിദക്ഷിണഃ .. 53..

സോമപോഽമൃതപഃ സോമഃ പുരുജിത്പുരുസത്തമഃ .

വിനയോ ജയഃ സത്യസന്ധോ ദാശാർഹഃ സാത്വതാമ്പതിഃ .. 54.. വിനിയോജ്യഃ

ജീവോ വിനയിതാ സാക്ഷീ മുകുന്ദോഽമിതവിക്രമഃ .

അംഭോനിധിരനന്താത്മാ മഹോദധിശയോഽന്തകഃ .. 55..

അജോ മഹാർഹഃ സ്വാഭാവ്യോ ജിതാമിത്രഃ പ്രമോദനഃ .

ആനന്ദോ നന്ദനോ നന്ദഃ സത്യധർമാ ത്രിവിക്രമഃ .. 56..

മഹർഷിഃ കപിലാചാര്യഃ കൃതജ്ഞോ മേദിനീപതിഃ .

ത്രിപദസ്ത്രിദശാധ്യക്ഷോ മഹാശൃംഗഃ കൃതാന്തകൃത് .. 57..

മഹാവരാഹോ ഗോവിന്ദഃ സുഷേണഃ കനകാംഗദീ .

ഗുഹ്യോ ഗഭീരോ ഗഹനോ ഗുപ്തശ്ചക്രഗദാധരഃ .. 58..

വേധാഃ സ്വാംഗോഽജിതഃ കൃഷ്ണോ ദൃഢഃ സങ്കർഷണോഽച്യുതഃ .

വരുണോ വാരുണോ വൃക്ഷഃ പുഷ്കരാക്ഷോ മഹാമനാഃ .. 59..

ഭഗവാൻ ഭഗഹാഽഽനന്ദീ വനമാലീ ഹലായുധഃ .

ആദിത്യോ ജ്യോതിരാദിത്യഃ സഹിഷ്ണുർഗതിസത്തമഃ .. 60..

സുധന്വാ ഖണ്ഡപരശുർദാരുണോ ദ്രവിണപ്രദഃ .

ദിവസ്പൃക് സർവദൃഗ്വ്യാസോ വാചസ്പതിരയോനിജഃ .. 61..  var  ദിവിസ്പൃക്

ത്രിസാമാ സാമഗഃ സാമ നിർവാണം ഭേഷജം ഭിഷക് .

സംന്യാസകൃച്ഛമഃ ശാന്തോ നിഷ്ഠാ ശാന്തിഃ പരായണം .. 62..

ശുഭാംഗഃ ശാന്തിദഃ സ്രഷ്ടാ കുമുദഃ കുവലേശയഃ .

ഗോഹിതോ ഗോപതിർഗോപ്താ വൃഷഭാക്ഷോ വൃഷപ്രിയഃ .. 63..

അനിവർതീ നിവൃത്താത്മാ സങ്ക്ഷേപ്താ ക്ഷേമകൃച്ഛിവഃ .

ശ്രീവത്സവക്ഷാഃ ശ്രീവാസഃ ശ്രീപതിഃ ശ്രീമതാംവരഃ .. 64..

ശ്രീദഃ ശ്രീശഃ ശ്രീനിവാസഃ ശ്രീനിധിഃ ശ്രീവിഭാവനഃ .

ശ്രീധരഃ ശ്രീകരഃ ശ്രേയഃ ശ്രീമാഁല്ലോകത്രയാശ്രയഃ .. 65..

സ്വക്ഷഃ സ്വംഗഃ ശതാനന്ദോ നന്ദിർജ്യോതിർഗണേശ്വരഃ .

വിജിതാത്മാഽവിധേയാത്മാ സത്കീർതിശ്ഛിന്നസംശയഃ .. 66..

ഉദീർണഃ സർവതശ്ചക്ഷുരനീശഃ ശാശ്വതസ്ഥിരഃ .

ഭൂശയോ ഭൂഷണോ ഭൂതിർവിശോകഃ ശോകനാശനഃ .. 67..

അർചിഷ്മാനർചിതഃ കുംഭോ വിശുദ്ധാത്മാ വിശോധനഃ .

അനിരുദ്ധോഽപ്രതിരഥഃ പ്രദ്യുമ്നോഽമിതവിക്രമഃ .. 68..

കാലനേമിനിഹാ വീരഃ ശൗരിഃ ശൂരജനേശ്വരഃ .

ത്രിലോകാത്മാ ത്രിലോകേശഃ കേശവഃ കേശിഹാ ഹരിഃ .. 69..

കാമദേവഃ കാമപാലഃ കാമീ കാന്തഃ കൃതാഗമഃ .

അനിർദേശ്യവപുർവിഷ്ണുർവീരോഽനന്തോ ധനഞ്ജയഃ .. 70..

ബ്രഹ്മണ്യോ ബ്രഹ്മകൃദ് ബ്രഹ്മാ ബ്രഹ്മ ബ്രഹ്മവിവർധനഃ .

ബ്രഹ്മവിദ് ബ്രാഹ്മണോ ബ്രഹ്മീ ബ്രഹ്മജ്ഞോ ബ്രാഹ്മണപ്രിയഃ .. 71..

മഹാക്രമോ മഹാകർമാ മഹാതേജാ മഹോരഗഃ .

മഹാക്രതുർമഹായജ്വാ മഹായജ്ഞോ മഹാഹവിഃ .. 72..

സ്തവ്യഃ സ്തവപ്രിയഃ സ്തോത്രം സ്തുതിഃ സ്തോതാ രണപ്രിയഃ .

പൂർണഃ പൂരയിതാ പുണ്യഃ പുണ്യകീർതിരനാമയഃ .. 73..

മനോജവസ്തീർഥകരോ വസുരേതാ വസുപ്രദഃ .

വസുപ്രദോ വാസുദേവോ വസുർവസുമനാ ഹവിഃ .. 74..

സദ്ഗതിഃ സത്കൃതിഃ സത്താ സദ്ഭൂതിഃ സത്പരായണഃ .

ശൂരസേനോ യദുശ്രേഷ്ഠഃ സന്നിവാസഃ സുയാമുനഃ .. 75..

ഭൂതാവാസോ വാസുദേവഃ സർവാസുനിലയോഽനലഃ .

ദർപഹാ ദർപദോ ദൃപ്തോ ദുർധരോഽഥാപരാജിതഃ .. 76..

വിശ്വമൂർതിർമഹാമൂർതിർദീപ്തമൂർതിരമൂർതിമാൻ .

അനേകമൂർതിരവ്യക്തഃ ശതമൂർതിഃ ശതാനനഃ .. 77..

ഏകോ നൈകഃ സവഃ കഃ കിം യത് തത്പദമനുത്തമം .

ലോകബന്ധുർലോകനാഥോ മാധവോ ഭക്തവത്സലഃ .. 78..

സുവർണവർണോ ഹേമാംഗോ വരാംഗശ്ചന്ദനാംഗദീ .

വീരഹാ വിഷമഃ ശൂന്യോ ഘൃതാശീരചലശ്ചലഃ .. 79..

അമാനീ മാനദോ മാന്യോ ലോകസ്വാമീ ത്രിലോകധൃക് .

സുമേധാ മേധജോ ധന്യഃ സത്യമേധാ ധരാധരഃ .. 80..

തേജോവൃഷോ ദ്യുതിധരഃ സർവശസ്ത്രഭൃതാം വരഃ .

പ്രഗ്രഹോ നിഗ്രഹോ വ്യഗ്രോ നൈകശൃംഗോ ഗദാഗ്രജഃ .. 81..

ചതുർമൂർതിശ്ചതുർബാഹുശ്ചതുർവ്യൂഹശ്ചതുർഗതിഃ .

ചതുരാത്മാ ചതുർഭാവശ്ചതുർവേദവിദേകപാത് .. 82..

സമാവർതോഽനിവൃത്താത്മാ ദുർജയോ ദുരതിക്രമഃ .

ദുർലഭോ ദുർഗമോ ദുർഗോ ദുരാവാസോ ദുരാരിഹാ .. 83..

ശുഭാംഗോ ലോകസാരംഗഃ സുതന്തുസ്തന്തുവർധനഃ .

ഇന്ദ്രകർമാ മഹാകർമാ കൃതകർമാ കൃതാഗമഃ .. 84..

ഉദ്ഭവഃ സുന്ദരഃ സുന്ദോ രത്നനാഭഃ സുലോചനഃ .

അർകോ വാജസനഃ ശൃംഗീ ജയന്തഃ സർവവിജ്ജയീ .. 85..

സുവർണബിന്ദുരക്ഷോഭ്യഃ സർവവാഗീശ്വരേശ്വരഃ .

മഹാഹ്രദോ മഹാഗർതോ മഹാഭൂതോ മഹാനിധിഃ .. 86..

കുമുദഃ കുന്ദരഃ കുന്ദഃ പർജന്യഃ പാവനോഽനിലഃ .

അമൃതാശോഽമൃതവപുഃ സർവജ്ഞഃ സർവതോമുഖഃ .. 87..

സുലഭഃ സുവ്രതഃ സിദ്ധഃ ശത്രുജിച്ഛത്രുതാപനഃ .

ന്യഗ്രോധോഽദുംബരോഽശ്വത്ഥശ്ചാണൂരാന്ധ്രനിഷൂദനഃ .. 88..

സഹസ്രാർചിഃ സപ്തജിഹ്വഃ സപ്തൈധാഃ സപ്തവാഹനഃ .

അമൂർതിരനഘോഽചിന്ത്യോ ഭയകൃദ്ഭയനാശനഃ .. 89..

അണുർബൃഹത്കൃശഃ സ്ഥൂലോ ഗുണഭൃന്നിർഗുണോ മഹാൻ .

അധൃതഃ സ്വധൃതഃ സ്വാസ്യഃ പ്രാഗ്വംശോ വംശവർധനഃ .. 90..

ഭാരഭൃത് കഥിതോ യോഗീ യോഗീശഃ സർവകാമദഃ .

ആശ്രമഃ ശ്രമണഃ ക്ഷാമഃ സുപർണോ വായുവാഹനഃ .. 91..

ധനുർധരോ ധനുർവേദോ ദണ്ഡോ ദമയിതാ ദമഃ .

അപരാജിതഃ സർവസഹോ നിയന്താഽനിയമോഽയമഃ .. 92..

സത്ത്വവാൻ സാത്ത്വികഃ സത്യഃ സത്യധർമപരായണഃ .

അഭിപ്രായഃ പ്രിയാർഹോഽർഹഃ പ്രിയകൃത് പ്രീതിവർധനഃ .. 93..

വിഹായസഗതിർജ്യോതിഃ സുരുചിർഹുതഭുഗ്വിഭുഃ .

രവിർവിരോചനഃ സൂര്യഃ സവിതാ രവിലോചനഃ .. 94..

അനന്തോ ഹുതഭുഗ്ഭോക്താ സുഖദോ നൈകജോഽഗ്രജഃ .

അനിർവിണ്ണഃ സദാമർഷീ ലോകാധിഷ്ഠാനമദ്ഭുതഃ .. 95..

സനാത്സനാതനതമഃ കപിലഃ കപിരവ്യയഃ .

സ്വസ്തിദഃ സ്വസ്തികൃത്സ്വസ്തി സ്വസ്തിഭുക്സ്വസ്തിദക്ഷിണഃ .. 96..

അരൗദ്രഃ കുണ്ഡലീ ചക്രീ വിക്രമ്യൂർജിതശാസനഃ .

ശബ്ദാതിഗഃ ശബ്ദസഹഃ ശിശിരഃ ശർവരീകരഃ .. 97..

അക്രൂരഃ പേശലോ ദക്ഷോ ദക്ഷിണഃ ക്ഷമിണാംവരഃ .

വിദ്വത്തമോ വീതഭയഃ പുണ്യശ്രവണകീർതനഃ .. 98..

ഉത്താരണോ ദുഷ്കൃതിഹാ പുണ്യോ ദുഃസ്വപ്നനാശനഃ .

വീരഹാ രക്ഷണഃ സന്തോ ജീവനഃ പര്യവസ്ഥിതഃ .. 99..

അനന്തരൂപോഽനന്തശ്രീർജിതമന്യുർഭയാപഹഃ .

ചതുരശ്രോ ഗഭീരാത്മാ വിദിശോ വ്യാദിശോ ദിശഃ .. 100..

അനാദിർഭൂർഭുവോ ലക്ഷ്മീഃ സുവീരോ രുചിരാംഗദഃ .

ജനനോ ജനജന്മാദിർഭീമോ ഭീമപരാക്രമഃ .. 101..

ആധാരനിലയോഽധാതാ പുഷ്പഹാസഃ പ്രജാഗരഃ .

ഊർധ്വഗഃ സത്പഥാചാരഃ പ്രാണദഃ പ്രണവഃ പണഃ .. 102..

പ്രമാണം പ്രാണനിലയഃ പ്രാണഭൃത്പ്രാണജീവനഃ .

തത്ത്വം തത്ത്വവിദേകാത്മാ ജന്മമൃത്യുജരാതിഗഃ .. 103..

ഭൂർഭുവഃസ്വസ്തരുസ്താരഃ സവിതാ പ്രപിതാമഹഃ .

യജ്ഞോ യജ്ഞപതിര്യജ്വാ യജ്ഞാംഗോ യജ്ഞവാഹനഃ .. 104..

യജ്ഞഭൃദ് യജ്ഞകൃദ് യജ്ഞീ യജ്ഞഭുഗ് യജ്ഞസാധനഃ .

യജ്ഞാന്തകൃദ് യജ്ഞഗുഹ്യമന്നമന്നാദ ഏവ ച .. 105..

ആത്മയോനിഃ സ്വയഞ്ജാതോ വൈഖാനഃ സാമഗായനഃ .

ദേവകീനന്ദനഃ സ്രഷ്ടാ ക്ഷിതീശഃ പാപനാശനഃ .. 106..

ശംഖഭൃന്നന്ദകീ ചക്രീ ശാർങ്ഗധന്വാ ഗദാധരഃ .

രഥാംഗപാണിരക്ഷോഭ്യഃ സർവപ്രഹരണായുധഃ .. 107..

സർവപ്രഹരണായുധ ഓം നമ ഇതി .

വനമാലീ ഗദീ ശാർങ്ഗീ ശംഖീ ചക്രീ ച നന്ദകീ .

ശ്രീമാൻ നാരായണോ വിഷ്ണുർവാസുദേവോഽഭിരക്ഷതു .. 108..

ശ്രീ വാസുദേവോഽഭിരക്ഷതു ഓം നമ ഇതി .

           ഉത്തരന്യാസഃ .

     ഭീഷ്മ ഉവാച ---

ഇതീദം കീർതനീയസ്യ കേശവസ്യ മഹാത്മനഃ .

നാമ്നാം സഹസ്രം ദിവ്യാനാമശേഷേണ പ്രകീർതിതം .. 1..

യ ഇദം ശൃണുയാന്നിത്യം യശ്ചാപി പരികീർതയേത് .

നാശുഭം പ്രാപ്നുയാത്കിഞ്ചിത്സോഽമുത്രേഹ ച മാനവഃ .. 2..

വേദാന്തഗോ ബ്രാഹ്മണഃ സ്യാത്ക്ഷത്രിയോ വിജയീ ഭവേത് .

വൈശ്യോ ധനസമൃദ്ധഃ സ്യാച്ഛൂദ്രഃ സുഖമവാപ്നുയാത് .. 3..

ധർമാർഥീ പ്രാപ്നുയാദ്ധർമമർഥാർഥീ ചാർഥമാപ്നുയാത് .

കാമാനവാപ്നുയാത്കാമീ പ്രജാർഥീ പ്രാപ്നുയാത്പ്രജാം .. 4..

ഭക്തിമാൻ യഃ സദോത്ഥായ ശുചിസ്തദ്ഗതമാനസഃ .

സഹസ്രം വാസുദേവസ്യ നാമ്നാമേതത്പ്രകീർതയേത് .. 5..

യശഃ പ്രാപ്നോതി വിപുലം ജ്ഞാതിപ്രാധാന്യമേവ ച .

അചലാം ശ്രിയമാപ്നോതി ശ്രേയഃ പ്രാപ്നോത്യനുത്തമം .. 6..

ന ഭയം ക്വചിദാപ്നോതി വീര്യം തേജശ്ച വിന്ദതി .

ഭവത്യരോഗോ ദ്യുതിമാൻബലരൂപഗുണാന്വിതഃ .. 7..

രോഗാർതോ മുച്യതേ രോഗാദ്ബദ്ധോ മുച്യേത ബന്ധനാത് .

ഭയാന്മുച്യേത ഭീതസ്തു മുച്യേതാപന്ന ആപദഃ .. 8..

ദുർഗാണ്യതിതരത്യാശു പുരുഷഃ പുരുഷോത്തമം .

സ്തുവന്നാമസഹസ്രേണ നിത്യം ഭക്തിസമന്വിതഃ .. 9..

വാസുദേവാശ്രയോ മർത്യോ വാസുദേവപരായണഃ .

സർവപാപവിശുദ്ധാത്മാ യാതി ബ്രഹ്മ സനാതനം .. 10..

ന വാസുദേവഭക്താനാമശുഭം വിദ്യതേ ക്വചിത് .

ജന്മമൃത്യുജരാവ്യാധിഭയം നൈവോപജായതേ .. 11..

ഇമം സ്തവമധീയാനഃ ശ്രദ്ധാഭക്തിസമന്വിതഃ .

യുജ്യേതാത്മസുഖക്ഷാന്തിശ്രീധൃതിസ്മൃതികീർതിഭിഃ .. 12..

ന ക്രോധോ ന ച മാത്സര്യം ന ലോഭോ നാശുഭാ മതിഃ .

ഭവന്തി കൃത പുണ്യാനാം ഭക്താനാം പുരുഷോത്തമേ .. 13..

ദ്യൗഃ സചന്ദ്രാർകനക്ഷത്രാ ഖം ദിശോ ഭൂർമഹോദധിഃ .

വാസുദേവസ്യ വീര്യേണ വിധൃതാനി മഹാത്മനഃ .. 14..

സസുരാസുരഗന്ധർവം സയക്ഷോരഗരാക്ഷസം .

ജഗദ്വശേ വർതതേദം കൃഷ്ണസ്യ സചരാചരം .. 15..

ഇന്ദ്രിയാണി മനോ ബുദ്ധിഃ സത്ത്വം തേജോ ബലം ധൃതിഃ .

വാസുദേവാത്മകാന്യാഹുഃ ക്ഷേത്രം ക്ഷേത്രജ്ഞ ഏവ ച .. 16..

സർവാഗമാനാമാചാരഃ പ്രഥമം പരികല്പ്യതേ . var??  കല്പതേ

ആചാരപ്രഭവോ ധർമോ ധർമസ്യ പ്രഭുരച്യുതഃ .. 17..

ഋഷയഃ പിതരോ ദേവാ മഹാഭൂതാനി ധാതവഃ .

ജംഗമാജംഗമം ചേദം ജഗന്നാരായണോദ്ഭവം .. 18..

യോഗോ ജ്ഞാനം തഥാ സാംഖ്യം വിദ്യാഃ ശില്പാദി കർമ ച .

വേദാഃ ശാസ്ത്രാണി വിജ്ഞാനമേതത്സർവം ജനാർദനാത് .. 19..

ഏകോ വിഷ്ണുർമഹദ്ഭൂതം പൃഥഗ്ഭൂതാന്യനേകശഃ .

ത്രീംല്ലോകാന്വ്യാപ്യ ഭൂതാത്മാ ഭുങ്ക്തേ വിശ്വഭുഗവ്യയഃ .. 20..

ഇമം സ്തവം ഭഗവതോ വിഷ്ണോർവ്യാസേന കീർതിതം .

പഠേദ്യ ഇച്ഛേത്പുരുഷഃ ശ്രേയഃ പ്രാപ്തും സുഖാനി ച .. 21..

വിശ്വേശ്വരമജം ദേവം ജഗതഃ പ്രഭുമവ്യയം .

ഭജന്തി യേ പുഷ്കരാക്ഷം ന തേ യാന്തി പരാഭവം .. 22..

ന തേ യാന്തി പരാഭവം ഓം നമ ഇതി .

     അർജുന ഉവാച ---

പദ്മപത്രവിശാലാക്ഷ പദ്മനാഭ സുരോത്തമ .

ഭക്താനാമനുരക്താനാം ത്രാതാ ഭവ ജനാർദന .. 23..

ശ്രീഭഗവാനുവാച ---

യോ മാം നാമസഹസ്രേണ സ്തോതുമിച്ഛതി പാണ്ഡവ .

സോഹഽമേകേന ശ്ലോകേന സ്തുത ഏവ ന സംശയഃ .. 24..

സ്തുത ഏവ ന സംശയ ഓം നമ ഇതി .

     വ്യാസ ഉവാച ---

വാസനാദ്വാസുദേവസ്യ വാസിതം ഭുവനത്രയം .

സർവഭൂതനിവാസോഽസി വാസുദേവ നമോഽസ്തു തേ .. 25..

ശ്രീ വാസുദേവ നമോഽസ്തുത ഓം നമ ഇതി .

പാർവത്യുവാച ---

കേനോപായേന ലഘുനാ വിഷ്ണോർനാമസഹസ്രകം .

പഠ്യതേ പണ്ഡിതൈർനിത്യം ശ്രോതുമിച്ഛാമ്യഹം പ്രഭോ .. 26..

     ഈശ്വര ഉവാച ---

ശ്രീരാമ രാമ രാമേതി രമേ രാമേ മനോരമേ .

സഹസ്രനാമ തത്തുല്യം രാമ നാമ വരാനനേ .. 27..

ശ്രീരാമനാമ വരാനന ഓം നമ ഇതി .

     ബ്രഹ്മോവാച ---

നമോഽസ്ത്വനന്തായ സഹസ്രമൂർതയേ

സഹസ്രപാദാക്ഷിശിരോരുബാഹവേ .

സഹസ്രനാമ്നേ പുരുഷായ ശാശ്വതേ

സഹസ്രകോടിയുഗധാരിണേ നമഃ .. 28..

സഹസ്രകോടിയുഗധാരിണേ ഓം നമ ഇതി .

ഓം തത്സദിതി ശ്രീമഹാഭാരതേ ശതസാഹസ്ര്യാം സംഹിതായാം വൈയാസിക്യാമാനുശാസനികേ

പർവണി ഭീഷ്മയുധിഷ്ഠിരസംവാദേ ശ്രീവിഷ്ണോർദിവ്യസഹസ്രനാമസ്തോത്രം ..

     സഞ്ജയ ഉവാച ---

യത്ര യോഗേശ്വരഃ കൃഷ്ണോ യത്ര പാർഥോ ധനുർധരഃ .

തത്ര ശ്രീർവിജയോ ഭൂതിർധ്രുവാ നീതിർമതിർമമ .. 29..

ശ്രീഭഗവാനുവാച ---

അനന്യാശ്ചിന്തയന്തോ മാം യേ ജനാഃ പര്യുപാസതേ .

തേഷാം നിത്യാഭിയുക്താനാം യോഗക്ഷേമം വഹാമ്യഹം .. 30..

പരിത്രാണായ സാധൂനാം വിനാശായ ച ദുഷ്കൃതാം .

ധർമസംസ്ഥാപനാർഥായ സംഭവാമി യുഗേ യുഗേ .. 31..

ആർതാഃ വിഷണ്ണാഃ ശിഥിലാശ്ച ഭീതാഃ ഘോരേഷു ച വ്യാധിഷു വർതമാനാഃ .

സങ്കീർത്യ നാരായണശബ്ദമാത്രം വിമുക്തദുഃഖാഃ സുഖിനോ ഭവന്തി .. 32.. var  ഭവന്തു

കായേന വാചാ മനസേന്ദ്രിയൈർവാ ബുദ്ധ്യാത്മനാ വാ പ്രകൃതേഃ സ്വഭാവാത് . var  പ്രകൃതിസ്വഭാവാത് .

കരോമി യദ്യത് സകലം പരസ്മൈ നാരായണായേതി സമർപയാമി .. 33..

  ഇതി ശ്രീവിഷ്ണോർദിവ്യസഹസ്രനാമസ്തോത്രം സമ്പൂർണം .

           ഓം തത് സത് .

മഹാഭാരതേ അനുശാസനപർവണി

 Additional Concluding Shlokas 

ഓം ആപദാമപഹർതാരം ദാതാരം സർവസമ്പദാം .

ലോകാഭിരാമം ശ്രീരാമം ഭൂയോ ഭൂയോ നമാമ്യഹം ..

ആർതാനാമാർതിഹന്താരം ഭീതാനാം ഭീതിനാശനം .

ദ്വിഷതാം കാലദണ്ഡം തം രാമചന്ദ്രം നമാമ്യഹം ..

നമഃ കോദണ്ഡഹസ്തായ സന്ധീകൃതശരായ ച .

ഖണ്ഡിതാഖിലദൈത്യായ രാമായഽഽപന്നിവാരിണേ ..

രാമായ രാമഭദ്രായ രാമചന്ദ്രായ വേധസേ .

രഘുനാഥായ നാഥായ സീതായാഃ പതയേ നമഃ ..

അഗ്രതഃ പൃഷ്ഠതശ്ചൈവ പാർശ്വതശ്ച മഹാബലൗ .

ആകർണപൂർണധന്വാനൗ രക്ഷേതാം രാമലക്ഷ്മണൗ ..

സന്നദ്ധഃ കവചീ ഖഡ്ഗീ ചാപബാണധരോ യുവാ .

ഗച്ഛൻ മമാഗ്രതോ നിത്യം രാമഃ പാതു സലക്ഷ്മണഃ ..

അച്യുതാനന്തഗോവിന്ദ നാമോച്ചാരണഭേഷജാത് .

നശ്യന്തി സകലാ രോഗാസ്സത്യം സത്യം വദാമ്യഹം ..

സത്യം സത്യം പുനസ്സത്യമുദ്ധൃത്യ ഭുജമുച്യതേ .

വേദാച്ഛാസ്ത്രം പരം നാസ്തി ന ദേവം കേശവാത്പരം ..

ശരീരേ ജർഝരീഭൂതേ വ്യാധിഗ്രസ്തേ കളേവരേ .

ഔഷധം ജാഹ്നവീതോയം വൈദ്യോ നാരായണോ ഹരിഃ ..

ആലോഡ്യ സർവശാസ്ത്രാണി വിചാര്യ ച പുനഃ പുനഃ .

ഇദമേകം സുനിഷ്പന്നം ധ്യേയോ നാരായണോ ഹരിഃ ..

യദക്ഷരപദഭ്രഷ്ടം മാത്രാഹീനം തു യദ്ഭവേത് .

തത്സർവം ക്ഷമ്യതാം ദേവ നാരായണ നമോഽസ്തു തേ ..

വിസർഗബിന്ദുമാത്രാണി പദപാദാക്ഷരാണി ച .

ന്യൂനാനി ചാതിരിക്താനി ക്ഷമസ്വ പുരുഷോത്തമ ..

 Alternate Concluding Shlokas 

നമഃ കമലനാഭായ നമസ്തേ ജലശായിനേ .

നമസ്തേ കേശവാനന്ത വാസുദേവ നമോഽസ്തുതേ ..

നമോ ബ്രഹ്മണ്യദേവായ ഗോബ്രാഹ്മണഹിതായ ച .

ജഗദ്ധിതായ കൃഷ്ണായ ഗോവിന്ദായ നമോ നമഃ ..

ആകാശാത്പതിതം തോയം യഥാ ഗച്ഛതി സാഗരം .

സർവദേവനമസ്കാരഃ കേശവം പ്രതി ഗച്ഛതി ..

ഏഷ നിഷ്കണ്ടകഃ പന്ഥാ യത്ര സമ്പൂജ്യതേ ഹരിഃ .

കുപഥം തം വിജാനീയാദ് ഗോവിന്ദരഹിതാഗമം ..

സർവവേദേഷു യത്പുണ്യം സർവതീർഥേഷു യത്ഫലം .

തത്ഫലം സമവാപ്നോതി സ്തുത്വാ ദേവം ജനാർദനം ..

യോ നരഃ പഠതേ നിത്യം ത്രികാലം കേശവാലയേ .

ദ്വികാലമേകകാലം വാ ക്രൂരം സർവം വ്യപോഹതി ..

ദഹ്യന്തേ രിപവസ്തസ്യ സൗമ്യാഃ സർവേ സദാ ഗ്രഹാഃ .

വിലീയന്തേ ച പാപാനി സ്തവേ ഹ്യസ്മിൻ പ്രകീർതിതേ ..

യേനേ ധ്യാതഃ ശ്രുതോ യേന യേനായം പഠ്യതേ സ്തവഃ .

ദത്താനി സർവദാനാനി സുരാഃ സർവേ സമർചിതാഃ ..

ഇഹ ലോകേ പരേ വാപി ന ഭയം വിദ്യതേ ക്വചിത് .

നാമ്നാം സഹസ്രം യോഽധീതേ ദ്വാദശ്യാം മമ സന്നിധൗ ..

ശനൈർദഹന്തി പാപാനി കല്പകോടീശതാനി ച .

അശ്വത്ഥസന്നിധൗ പാർഥ ധ്യാത്വാ മനസി കേശവം ..

പഠേന്നാമസഹസ്രം തു ഗവാം കോടിഫലം ലഭേത് .

ശിവാലയേ പഠേനിത്യം തുലസീവനസംസ്ഥിതഃ ..

നരോ മുക്തിമവാപ്നോതി ചക്രപാണേർവചോ യഥാ .

ബ്രഹ്മഹത്യാദികം ഘോരം സർവപാപം വിനശ്യതി ..

വിലയം യാന്തി പാപാനി ചാന്യപാപസ്യ കാ കഥാ .

സർവപാപവിനിർമുക്തോ വിഷ്ണുലോകം സ ഗച്ഛതി ..

           .. ഹരിഃ ഓം തത്സത് ..

 shreevishnusahasranaamastotram 

naaraayanam namaskri'tya naram chaiva narottamam .

deveem sarasvateem vyaasam tato jayamudeerayet ..

om atha sakalasaubhaagyadaayaka shreevishnusahasranaamastotram .

shuklaambaradharam vishnum shashivarnam chaturbhujam .

prasannavadanam dhyaayet sarvavighnopashaantaye .. 1..

yasya dviradavaktraadyaah' paarishadyaah' parah' shatam .

vighnam nighnanti satatam vishvaksenam tamaashraye .. 2..

vyaasam vasisht'hanaptaaram shakteh' pautramakalmasham .

paraasharaatmajam vande shukataatam taponidhim .. 3..

vyaasaaya vishnuroopaaya vyaasaroopaaya vishnave .

namo vai brahmanidhaye vaasisht'haaya namo namah' .. 4..

avikaaraaya shuddhaaya nityaaya paramaatmane .

sadaikarooparoopaaya vishnave sarvajishnave .. 5..

yasya smaranamaatrena janmasamsaarabandhanaat .

vimuchyate namastasmai vishnave prabhavishnave .. 6..

om namo vishnave prabhavishnave .

     shreevaishampaayana uvaacha ---

shrutvaa dharmaanasheshena paavanaani cha sarvashah' .

yudhisht'hirah' shaantanavam punarevaabhyabhaashata .. 7..

     yudhisht'hira uvaacha ---

kimekam daivatam loke kim vaapyekam paraayanam .

stuvantah' kam kamarchantah' praapnuyurmaanavaah' shubham .. 8..

ko dharmah' sarvadharmaanaam bhavatah' paramo matah' .

kim japanmuchyate janturjanmasamsaarabandhanaat .. 9..

     bheeshma uvaacha ---

jagatprabhum devadevamanantam purushottamam .

stuvan naamasahasrena purushah' satatotthitah' .. 10..

tameva chaarchayannityam  bhaktyaa purushamavyayam .

dhyaayan stuvan namasyamshcha yajamaanastameva cha .. 11..

anaadinidhanam vishnum sarvalokamaheshvaram .

lokaadhyaksham stuvannityam sarvaduh'khaatigo bhavet .. 12..

brahmanyam sarvadharmajnyam lokaanaam keertivardhanam .

lokanaatham mahadbhootam sarvabhootabhavodbhavam .. 13..

esha me sarvadharmaanaam dharmo'dhikatamo matah' .

yadbhaktyaa pund'areekaaksham stavairarchennarah' sadaa .. 14..

paramam yo mahattejah' paramam yo mahattapah' .

paramam yo mahadbrahma paramam yah' paraayanam .. 15..

pavitraanaam pavitram yo mangalaanaam cha mangalam .

daivatam daivataanaam cha bhootaanaam yo'vyayah' pitaa .. 16..

yatah' sarvaani bhootaani bhavantyaadiyugaagame .

yasmimshcha pralayam yaanti punareva yugakshaye .. 17..

tasya lokapradhaanasya jagannaathasya bhoopate .

vishnornaamasahasram me shri'nu paapabhayaapaham .. 18..

yaani naamaani gaunaani vikhyaataani mahaatmanah' .

ri'shibhih' parigeetaani taani vakshyaami bhootaye .. 19..

ri'shirnaamnaam sahasrasya vedavyaaso mahaamunih' ..

chhando'nusht'up tathaa devo bhagavaan devakeesutah' .. 20..

amri'taamshoodbhavo beejam shaktirdevakinandanah' .

trisaamaa hri'dayam tasya shaantyarthe viniyojyate .. 21..

vishnum jishnum mahaavishnum prabhavishnum maheshvaram ..

anekaroopa daityaantam namaami purushottamam .. 22 ..

           poorvanyaasah' .

     shreevedavyaasa uvaacha ---

om asya shreevishnordivyasahasranaamastotramahaamantrasya .

shree vedavyaaso bhagavaan ri'shih' .

anusht'up chhandah' .

shreemahaavishnuh' paramaatmaa shreemannaaraayano devataa .

amri'taamshoodbhavo bhaanuriti beejam .

devakeenandanah' srasht'eti shaktih' .

udbhavah' kshobhano deva iti paramo mantrah' .

shankhabhri'nnandakee chakreeti keelakam .

shaarngadhanvaa gadaadhara ityastram .

rathaangapaanirakshobhya iti netram .

trisaamaa saamagah' saameti kavacham .

aanandam parabrahmeti yonih' .

ri'tuh' sudarshanah' kaala iti digbandhah' ..

shreevishvaroopa iti dhyaanam .

shreemahaavishnupreetyarthe sahasranaamastotrapaat'he viniyogah' ..

           atha nyaasah' .

om shirasi vedavyaasari'shaye namah' .

mukhe anusht'upchhandase namah' .

hri'di shreekri'shnaparamaatmadevataayai namah' .

guhye amri'taamshoodbhavo bhaanuriti beejaaya namah' .

paadayordevakeenandanah' srasht'eti shaktaye namah' .

sarvaange shankhabhri'nnandakee chakreeti keelakaaya namah' .

karasampoot'e mama shreekri'shnapreetyarthe jape viniyogaaya namah' ..

iti ri'shayaadinyaasah' ..

           atha karanyaasah' .

om vishvam vishnurvashat'kaara ityangusht'haabhyaam namah' .

amri'taamshoodbhavo bhaanuriti tarjaneebhyaam namah' .

brahmanyo brahmakri'dbrahmeti madhyamaabhyaam namah' .

suvarnabindurakshobhya ityanaamikaabhyaam namah' .

nimisho'nimishah' sragveeti kanisht'hikaabhyaam namah' .

rathaangapaanirakshobhya iti karatalakarapri'sht'haabhyaam namah' .

iti karanyaasah' .

           atha shad'anganyaasah' .

om vishvam vishnurvashat'kaara iti hri'dayaaya namah' .

amri'taamshoodbhavo bhaanuriti shirase svaahaa .

brahmanyo brahmakri'dbrahmeti shikhaayai vashat' .

suvarnabindurakshobhya iti kavachaaya hum .

nimisho'nimishah' sragveeti netratrayaaya vaushat' .

rathaangapaanirakshobhya ityastraaya phat' .

iti shad'anganyaasah' ..

shreekri'shnapreetyarthe vishnordivyasahasranaamajapamaham

karishye iti sankalpah' .

           atha dhyaanam .

ksheerodanvatpradeshe shuchimanivilasatsaikatermauktikaanaam

maalaakli'ptaasanasthah' sphat'ikamaninibhairmauktikairmand'itaangah' .

shubhrairabhrairadabhrairuparivirachitairmuktapeeyoosha varshaih'

aanandee nah' puneeyaadarinalinagadaa shankhapaanirmukundah' .. 1..

bhooh' paadau yasya naabhirviyadasuranilashchandra sooryau cha netre

karnaavaashaah' shiro dyaurmukhamapi dahano yasya vaasteyamabdhih' .

antah'stham yasya vishvam suranarakhagagobhogigandharvadaityaih'

chitram ramramyate tam tribhuvana vapusham vishnumeesham namaami .. 2..

om shaantaakaaram bhujagashayanam padmanaabham suresham

vishvaadhaaram gaganasadri'sham meghavarnam shubhaangam .

lakshmeekaantam kamalanayanam yogibhirdhyaanagamyam  var  yogihri'ddhyaanagamyam

vande vishnum bhavabhayaharam sarvalokaikanaatham .. 3..

meghashyaamam peetakausheyavaasam

shreevatsaankam kaustubhodbhaasitaangam .

punyopetam pund'areekaayataaksham

vishnum vande sarvalokaikanaatham .. 4..

namah' samastabhootaanaamaadibhootaaya bhoobhri'te .

anekarooparoopaaya vishnave prabhavishnave .. 5..

sashankhachakram sakireet'akund'alam

sapeetavastram saraseeruhekshanam .

sahaaravakshah'sthalakaustubhashriyam  var  sthalashobhikaustubham

namaami vishnum shirasaa chaturbhujam .. 6..

chhaayaayaam paarijaatasya hemasimhaasanopari

aaseenamambudashyaamamaayataakshamalankri'tam .

chandraananam chaturbaahum shreevatsaankita vakshasam

rukminee satyabhaamaabhyaam sahitam kri'shnamaashraye .. 7..

      stotram .

           harih' om .

vishvam vishnurvashat'kaaro bhootabhavyabhavatprabhuh' .

bhootakri'dbhootabhri'dbhaavo bhootaatmaa bhootabhaavanah' .. 1..

pootaatmaa paramaatmaa cha muktaanaam paramaa gatih' .

avyayah' purushah' saakshee kshetrajnyo'kshara eva cha .. 2..

yogo yogavidaam netaa pradhaanapurusheshvarah' .

naarasimhavapuh' shreemaan keshavah' purushottamah' .. 3..

sarvah' sharvah' shivah' sthaanurbhootaadirnidhiravyayah' .

sambhavo bhaavano bhartaa prabhavah' prabhureeshvarah' .. 4..

svayambhooh' shambhuraadityah' pushkaraaksho mahaasvanah' .

anaadinidhano dhaataa vidhaataa dhaaturuttamah' .. 5..

aprameyo hri'sheekeshah' padmanaabho'maraprabhuh' .

vishvakarmaa manustvasht'aa sthavisht'hah' sthaviro dhruvah' .. 6..

agraahyah' shaashvatah' kri'shno lohitaakshah' pratardanah' .

prabhootastrikakubdhaama pavitram mangalam param .. 7..

eeshaanah' praanadah' praano jyesht'hah' shresht'hah' prajaapatih' .

hiranyagarbho bhoogarbho maadhavo madhusoodanah' .. 8..

eeshvaro vikramee dhanvee medhaavee vikramah' kramah' .

anuttamo duraadharshah' kri'tajnyah' kri'tiraatmavaan .. 9..

sureshah' sharanam sharma vishvaretaah' prajaabhavah' .

ahah' samvatsaro vyaalah' pratyayah' sarvadarshanah' .. 10..

ajah' sarveshvarah' siddhah' siddhih' sarvaadirachyutah' .

vri'shaakapirameyaatmaa sarvayogavinih'sri'tah' .. 11..

vasurvasumanaah' satyah' samaatmaa'sammitah' samah' .

amoghah' pund'areekaaksho vri'shakarmaa vri'shaakri'tih' .. 12..

rudro bahushiraa babhrurvishvayonih' shuchishravaah' .

amri'tah' shaashvatasthaanurvaraaroho mahaatapaah' .. 13..

sarvagah' sarvavidbhaanurvishvakseno janaardanah' .

vedo vedavidavyango vedaango vedavit kavih' .. 14..

lokaadhyakshah' suraadhyaksho dharmaadhyakshah' kri'taakri'tah' .

chaturaatmaa chaturvyoohashchaturdamsht'rashchaturbhujah' .. 15..

bhraajishnurbhojanam bhoktaa sahishnurjagadaadijah' .

anagho vijayo jetaa vishvayonih' punarvasuh' .. 16..

upendro vaamanah' praamshuramoghah' shuchiroorjitah' .

ateendrah' sangrahah' sargo dhri'taatmaa niyamo yamah' .. 17..

vedyo vaidyah' sadaayogee veerahaa maadhavo madhuh' .

ateendriyo mahaamaayo mahotsaaho mahaabalah' .. 18..

mahaabuddhirmahaaveeryo mahaashaktirmahaadyutih' .

anirdeshyavapuh' shreemaanameyaatmaa mahaadridhri'k .. 19..

maheshvaaso maheebhartaa shreenivaasah' sataam gatih' .

aniruddhah' suraanando govindo govidaam patih' .. 20..

mareechirdamano hamsah' suparno bhujagottamah' .

hiranyanaabhah' sutapaah' padmanaabhah' prajaapatih' .. 21..

amri'tyuh' sarvadri'k simhah' sandhaataa sandhimaan sthirah' .

ajo durmarshanah' shaastaa vishrutaatmaa suraarihaa .. 22..

gururgurutamo dhaama satyah' satyaparaakramah' .

nimisho'nimishah' sragvee vaachaspatirudaaradheeh' .. 23..

agraneergraamaneeh' shreemaan nyaayo netaa sameeranah' .

sahasramoordhaa vishvaatmaa sahasraakshah' sahasrapaat .. 24..

aavartano nivri'ttaatmaa samvri'tah' sampramardanah' .

ahah' samvartako vahniranilo dharaneedharah' .. 25..

suprasaadah' prasannaatmaa vishvadhri'gvishvabhugvibhuh' .

satkartaa satkri'tah' saadhurjahnurnaaraayano narah' .. 26..

asankhyeyo'prameyaatmaa vishisht'ah' shisht'akri'chchhuchih' .

siddhaarthah' siddhasankalpah' siddhidah' siddhisaadhanah' .. 27..

vri'shaahee vri'shabho vishnurvri'shaparvaa vri'shodarah' .

vardhano vardhamaanashcha viviktah' shrutisaagarah' .. 28..

subhujo durdharo vaagmee mahendro vasudo vasuh' .

naikaroopo bri'hadroopah' shipivisht'ah' prakaashanah' .. 29..

ojastejodyutidharah' prakaashaatmaa prataapanah' .

ri'ddhah' spasht'aaksharo mantrashchandraamshurbhaaskaradyutih' .. 30..

amri'taamshoodbhavo bhaanuh' shashabinduh' sureshvarah' .

aushadham jagatah' setuh' satyadharmaparaakramah' .. 31..

bhootabhavyabhavannaathah' pavanah' paavano'nalah' .

kaamahaa kaamakri'tkaantah' kaamah' kaamapradah' prabhuh' .. 32..

yugaadikri'dyugaavarto naikamaayo mahaashanah' .

adri'shyo vyaktaroopashcha sahasrajidanantajit .. 33..

isht'o'vishisht'ah' shisht'esht'ah' shikhand'ee nahusho vri'shah' .

krodhahaa krodhakri'tkartaa vishvabaahurmaheedharah' .. 34..

achyutah' prathitah' praanah' praanado vaasavaanujah' .

apaamnidhiradhisht'haanamapramattah' pratisht'hitah' .. 35..

skandah' skandadharo dhuryo varado vaayuvaahanah' .

vaasudevo bri'hadbhaanuraadidevah' purandarah' .. 36..

ashokastaaranastaarah' shoorah' shaurirjaneshvarah' .

anukoolah' shataavartah' padmee padmanibhekshanah' .. 37..

padmanaabho'ravindaakshah' padmagarbhah' shareerabhri't .

maharddhirri'ddho vri'ddhaatmaa mahaaksho garud'adhvajah' .. 38..

atulah' sharabho bheemah' samayajnyo havirharih' .

sarvalakshanalakshanyo lakshmeevaan samitinjayah' .. 39..

viksharo rohito maargo heturdaamodarah' sahah' .

maheedharo mahaabhaago vegavaanamitaashanah' .. 40..

udbhavah' kshobhano devah' shreegarbhah' parameshvarah' .

karanam kaaranam kartaa vikartaa gahano guhah' .. 41..

vyavasaayo vyavasthaanah' samsthaanah' sthaanado dhruvah' .

pararddhih' paramaspasht'astusht'ah' pusht'ah' shubhekshanah' .. 42..

raamo viraamo virajo maargo neyo nayo'nayah' . or viraamo virato

veerah' shaktimataam shresht'ho dharmo dharmaviduttamah' .. 43..

vaikunt'hah' purushah' praanah' praanadah' pranavah' pri'thuh' .

hiranyagarbhah' shatrughno vyaapto vaayuradhokshajah' .. 44..

ri'tuh' sudarshanah' kaalah' paramesht'hee parigrahah' .

ugrah' samvatsaro daksho vishraamo vishvadakshinah' .. 45..

vistaarah' sthaavarasthaanuh' pramaanam beejamavyayam .

artho'nartho mahaakosho mahaabhogo mahaadhanah' .. 46..

anirvinnah' sthavisht'ho'bhoordharmayoopo mahaamakhah' .

nakshatranemirnakshatree kshamah' kshaamah' sameehanah' .. 47..

yajnya ijyo mahejyashcha kratuh' satram sataam gatih' .

sarvadarshee vimuktaatmaa sarvajnyo jnyaanamuttamam .. 48..

suvratah' sumukhah' sookshmah' sughoshah' sukhadah' suhri't .

manoharo jitakrodho veerabaahurvidaaranah' .. 49..

svaapanah' svavasho vyaapee naikaatmaa naikakarmakri't .

vatsaro vatsalo vatsee ratnagarbho dhaneshvarah' .. 50..

dharmagubdharmakri'ddharmee sadasatksharamaksharam .

avijnyaataa sahasraamshurvidhaataa kri'talakshanah' .. 51..

gabhastinemih' sattvasthah' simho bhootamaheshvarah' .

aadidevo mahaadevo devesho devabhri'dguruh' .. 52..

uttaro gopatirgoptaa jnyaanagamyah' puraatanah' .

shareerabhootabhri'dbhoktaa kapeendro bhooridakshinah' .. 53..

somapo'mri'tapah' somah' purujitpurusattamah' .

vinayo jayah' satyasandho daashaarhah' saatvataampatih' .. 54.. viniyojyah'

jeevo vinayitaa saakshee mukundo'mitavikramah' .

ambhonidhiranantaatmaa mahodadhishayo'ntakah' .. 55..

ajo mahaarhah' svaabhaavyo jitaamitrah' pramodanah' .

aanando nandano nandah' satyadharmaa trivikramah' .. 56..

maharshih' kapilaachaaryah' kri'tajnyo medineepatih' .

tripadastridashaadhyaksho mahaashri'ngah' kri'taantakri't .. 57..

mahaavaraaho govindah' sushenah' kanakaangadee .

guhyo gabheero gahano guptashchakragadaadharah' .. 58..

vedhaah' svaango'jitah' kri'shno dri'd'hah' sankarshano'chyutah' .

varuno vaaruno vri'kshah' pushkaraaksho mahaamanaah' .. 59..

bhagavaan bhagahaa''nandee vanamaalee halaayudhah' .

aadityo jyotiraadityah' sahishnurgatisattamah' .. 60..

sudhanvaa khand'aparashurdaaruno dravinapradah' .

divaspri'k sarvadri'gvyaaso vaachaspatirayonijah' .. 61..  var  divispri'k

trisaamaa saamagah' saama nirvaanam bheshajam bhishak .

samnyaasakri'chchhamah' shaanto nisht'haa shaantih' paraayanam .. 62..

shubhaangah' shaantidah' srasht'aa kumudah' kuvaleshayah' .

gohito gopatirgoptaa vri'shabhaaksho vri'shapriyah' .. 63..

anivartee nivri'ttaatmaa sanksheptaa kshemakri'chchhivah' .

shreevatsavakshaah' shreevaasah' shreepatih' shreemataamvarah' .. 64..

shreedah' shreeshah' shreenivaasah' shreenidhih' shreevibhaavanah' .

shreedharah' shreekarah' shreyah' shreemaam'llokatrayaashrayah' .. 65..

svakshah' svangah' shataanando nandirjyotirganeshvarah' .

vijitaatmaa'vidheyaatmaa satkeertishchhinnasamshayah' .. 66..

udeernah' sarvatashchakshuraneeshah' shaashvatasthirah' .

bhooshayo bhooshano bhootirvishokah' shokanaashanah' .. 67..

archishmaanarchitah' kumbho vishuddhaatmaa vishodhanah' .

aniruddho'pratirathah' pradyumno'mitavikramah' .. 68..

kaalaneminihaa veerah' shaurih' shoorajaneshvarah' .

trilokaatmaa trilokeshah' keshavah' keshihaa harih' .. 69..

kaamadevah' kaamapaalah' kaamee kaantah' kri'taagamah' .

anirdeshyavapurvishnurveero'nanto dhananjayah' .. 70..

brahmanyo brahmakri'd brahmaa brahma brahmavivardhanah' .

brahmavid braahmano brahmee brahmajnyo braahmanapriyah' .. 71..

mahaakramo mahaakarmaa mahaatejaa mahoragah' .

mahaakraturmahaayajvaa mahaayajnyo mahaahavih' .. 72..

stavyah' stavapriyah' stotram stutih' stotaa ranapriyah' .

poornah' poorayitaa punyah' punyakeertiranaamayah' .. 73..

manojavasteerthakaro vasuretaa vasupradah' .

vasuprado vaasudevo vasurvasumanaa havih' .. 74..

sadgatih' satkri'tih' sattaa sadbhootih' satparaayanah' .

shooraseno yadushresht'hah' sannivaasah' suyaamunah' .. 75..

bhootaavaaso vaasudevah' sarvaasunilayo'nalah' .

darpahaa darpado dri'pto durdharo'thaaparaajitah' .. 76..

vishvamoortirmahaamoortirdeeptamoortiramoortimaan .

anekamoortiravyaktah' shatamoortih' shataananah' .. 77..

eko naikah' savah' kah' kim yat tatpadamanuttamam .

lokabandhurlokanaatho maadhavo bhaktavatsalah' .. 78..

suvarnavarno hemaango varaangashchandanaangadee .

veerahaa vishamah' shoonyo ghri'taasheerachalashchalah' .. 79..

amaanee maanado maanyo lokasvaamee trilokadhri'k .

sumedhaa medhajo dhanyah' satyamedhaa dharaadharah' .. 80..

tejovri'sho dyutidharah' sarvashastrabhri'taam varah' .

pragraho nigraho vyagro naikashri'ngo gadaagrajah' .. 81..

chaturmoortishchaturbaahushchaturvyoohashchaturgatih' .

chaturaatmaa chaturbhaavashchaturvedavidekapaat .. 82..

samaavarto'nivri'ttaatmaa durjayo duratikramah' .

durlabho durgamo durgo duraavaaso duraarihaa .. 83..

shubhaango lokasaarangah' sutantustantuvardhanah' .

indrakarmaa mahaakarmaa kri'takarmaa kri'taagamah' .. 84..

udbhavah' sundarah' sundo ratnanaabhah' sulochanah' .

arko vaajasanah' shri'ngee jayantah' sarvavijjayee .. 85..

suvarnabindurakshobhyah' sarvavaageeshvareshvarah' .

mahaahrado mahaagarto mahaabhooto mahaanidhih' .. 86..

kumudah' kundarah' kundah' parjanyah' paavano'nilah' .

amri'taasho'mri'tavapuh' sarvajnyah' sarvatomukhah' .. 87..

sulabhah' suvratah' siddhah' shatrujichchhatrutaapanah' .

nyagrodho'dumbaro'shvatthashchaanooraandhranishoodanah' .. 88..

sahasraarchih' saptajihvah' saptaidhaah' saptavaahanah' .

amoortiranagho'chintyo bhayakri'dbhayanaashanah' .. 89..

anurbri'hatkri'shah' sthoolo gunabhri'nnirguno mahaan .

adhri'tah' svadhri'tah' svaasyah' praagvamsho vamshavardhanah' .. 90..

bhaarabhri't kathito yogee yogeeshah' sarvakaamadah' .

aashramah' shramanah' kshaamah' suparno vaayuvaahanah' .. 91..

dhanurdharo dhanurvedo dand'o damayitaa damah' .

aparaajitah' sarvasaho niyantaa'niyamo'yamah' .. 92..

sattvavaan saattvikah' satyah' satyadharmaparaayanah' .

abhipraayah' priyaarho'rhah' priyakri't preetivardhanah' .. 93..

vihaayasagatirjyotih' suruchirhutabhugvibhuh' .

ravirvirochanah' sooryah' savitaa ravilochanah' .. 94..

ananto hutabhugbhoktaa sukhado naikajo'grajah' .

anirvinnah' sadaamarshee lokaadhisht'haanamadbhutah' .. 95..

sanaatsanaatanatamah' kapilah' kapiravyayah' .

svastidah' svastikri'tsvasti svastibhuksvastidakshinah' .. 96..

araudrah' kund'alee chakree vikramyoorjitashaasanah' .

shabdaatigah' shabdasahah' shishirah' sharvareekarah' .. 97..

akroorah' peshalo daksho dakshinah' kshaminaamvarah' .

vidvattamo veetabhayah' punyashravanakeertanah' .. 98..

uttaarano dushkri'tihaa punyo duh'svapnanaashanah' .

veerahaa rakshanah' santo jeevanah' paryavasthitah' .. 99..

anantaroopo'nantashreerjitamanyurbhayaapahah' .

chaturashro gabheeraatmaa vidisho vyaadisho dishah' .. 100..

anaadirbhoorbhuvo lakshmeeh' suveero ruchiraangadah' .

janano janajanmaadirbheemo bheemaparaakramah' .. 101..

aadhaaranilayo'dhaataa pushpahaasah' prajaagarah' .

oordhvagah' satpathaachaarah' praanadah' pranavah' panah' .. 102..

pramaanam praananilayah' praanabhri'tpraanajeevanah' .

tattvam tattvavidekaatmaa janmamri'tyujaraatigah' .. 103..

bhoorbhuvah'svastarustaarah' savitaa prapitaamahah' .

yajnyo yajnyapatiryajvaa yajnyaango yajnyavaahanah' .. 104..

yajnyabhri'd yajnyakri'd yajnyee yajnyabhug yajnyasaadhanah' .

yajnyaantakri'd yajnyaguhyamannamannaada eva cha .. 105..

aatmayonih' svayanjaato vaikhaanah' saamagaayanah' .

devakeenandanah' srasht'aa kshiteeshah' paapanaashanah' .. 106..

shankhabhri'nnandakee chakree shaarngadhanvaa gadaadharah' .

rathaangapaanirakshobhyah' sarvapraharanaayudhah' .. 107..

sarvapraharanaayudha om nama iti .

vanamaalee gadee shaarngee shankhee chakree cha nandakee .

shreemaan naaraayano vishnurvaasudevo'bhirakshatu .. 108..

shree vaasudevo'bhirakshatu om nama iti .

           uttaranyaasah' .

     bheeshma uvaacha ---

iteedam keertaneeyasya keshavasya mahaatmanah' .

naamnaam sahasram divyaanaamasheshena prakeertitam .. 1..

ya idam shri'nuyaannityam yashchaapi parikeertayet .

naashubham praapnuyaatkinchitso'mutreha cha maanavah' .. 2..

vedaantago braahmanah' syaatkshatriyo vijayee bhavet .

vaishyo dhanasamri'ddhah' syaachchhoodrah' sukhamavaapnuyaat .. 3..

dharmaarthee praapnuyaaddharmamarthaarthee chaarthamaapnuyaat .

kaamaanavaapnuyaatkaamee prajaarthee praapnuyaatprajaam .. 4..

bhaktimaan yah' sadotthaaya shuchistadgatamaanasah' .

sahasram vaasudevasya naamnaametatprakeertayet .. 5..

yashah' praapnoti vipulam jnyaatipraadhaanyameva cha .

achalaam shriyamaapnoti shreyah' praapnotyanuttamam .. 6..

na bhayam kvachidaapnoti veeryam tejashcha vindati .

bhavatyarogo dyutimaanbalaroopagunaanvitah' .. 7..

rogaarto muchyate rogaadbaddho muchyeta bandhanaat .

bhayaanmuchyeta bheetastu muchyetaapanna aapadah' .. 8..

durgaanyatitaratyaashu purushah' purushottamam .

stuvannaamasahasrena nityam bhaktisamanvitah' .. 9..

vaasudevaashrayo martyo vaasudevaparaayanah' .

sarvapaapavishuddhaatmaa yaati brahma sanaatanam .. 10..

na vaasudevabhaktaanaamashubham vidyate kvachit .

janmamri'tyujaraavyaadhibhayam naivopajaayate .. 11..

imam stavamadheeyaanah' shraddhaabhaktisamanvitah' .

yujyetaatmasukhakshaantishreedhri'tismri'tikeertibhih' .. 12..

na krodho na cha maatsaryam na lobho naashubhaa matih' .

bhavanti kri'ta punyaanaam bhaktaanaam purushottame .. 13..

dyauh' sachandraarkanakshatraa kham disho bhoormahodadhih' .

vaasudevasya veeryena vidhri'taani mahaatmanah' .. 14..

sasuraasuragandharvam sayakshoragaraakshasam .

jagadvashe vartatedam kri'shnasya sacharaacharam .. 15..

indriyaani mano buddhih' sattvam tejo balam dhri'tih' .

vaasudevaatmakaanyaahuh' kshetram kshetrajnya eva cha .. 16..

sarvaagamaanaamaachaarah' prathamam parikalpyate . var??  kalpate

aachaaraprabhavo dharmo dharmasya prabhurachyutah' .. 17..

ri'shayah' pitaro devaa mahaabhootaani dhaatavah' .

jangamaajangamam chedam jagannaaraayanodbhavam .. 18..

yogo jnyaanam tathaa saankhyam vidyaah' shilpaadi karma cha .

vedaah' shaastraani vijnyaanametatsarvam janaardanaat .. 19..

eko vishnurmahadbhootam pri'thagbhootaanyanekashah' .

treemllokaanvyaapya bhootaatmaa bhunkte vishvabhugavyayah' .. 20..

imam stavam bhagavato vishnorvyaasena keertitam .

pat'hedya ichchhetpurushah' shreyah' praaptum sukhaani cha .. 21..

vishveshvaramajam devam jagatah' prabhumavyayam .

bhajanti ye pushkaraaksham na te yaanti paraabhavam .. 22..

na te yaanti paraabhavam om nama iti .

     arjuna uvaacha ---

padmapatravishaalaaksha padmanaabha surottama .

bhaktaanaamanuraktaanaam traataa bhava janaardana .. 23..

shreebhagavaanuvaacha ---

yo maam naamasahasrena stotumichchhati paand'ava .

soha'mekena shlokena stuta eva na samshayah' .. 24..

stuta eva na samshaya om nama iti .

     vyaasa uvaacha ---

vaasanaadvaasudevasya vaasitam bhuvanatrayam .

sarvabhootanivaaso'si vaasudeva namo'stu te .. 25..

shree vaasudeva namo'stuta om nama iti .

paarvatyuvaacha ---

kenopaayena laghunaa vishnornaamasahasrakam .

pat'hyate pand'itairnityam shrotumichchhaamyaham prabho .. 26..

     eeshvara uvaacha ---

shreeraama raama raameti rame raame manorame .

sahasranaama tattulyam raama naama varaanane .. 27..

shreeraamanaama varaanana om nama iti .

     brahmovaacha ---

namo'stvanantaaya sahasramoortaye

sahasrapaadaakshishirorubaahave .

sahasranaamne purushaaya shaashvate

sahasrakot'iyugadhaarine namah' .. 28..

sahasrakot'iyugadhaarine om nama iti .

om tatsaditi shreemahaabhaarate shatasaahasryaam samhitaayaam vaiyaasikyaamaanushaasanike

parvani bheeshmayudhisht'hirasamvaade shreevishnordivyasahasranaamastotram ..

     sanjaya uvaacha ---

yatra yogeshvarah' kri'shno yatra paartho dhanurdharah' .

tatra shreervijayo bhootirdhruvaa neetirmatirmama .. 29..

shreebhagavaanuvaacha ---

ananyaashchintayanto maam ye janaah' paryupaasate .

teshaam nityaabhiyuktaanaam yogakshemam vahaamyaham .. 30..

paritraanaaya saadhoonaam vinaashaaya cha dushkri'taam .

dharmasamsthaapanaarthaaya sambhavaami yuge yuge .. 31..

aartaah' vishannaah' shithilaashcha bheetaah' ghoreshu cha vyaadhishu vartamaanaah' .

sankeertya naaraayanashabdamaatram vimuktaduh'khaah' sukhino bhavanti .. 32.. var  bhavantu

kaayena vaachaa manasendriyairvaa buddhyaatmanaa vaa prakri'teh' svabhaavaat . var  prakri'tisvabhaavaat .

karomi yadyat sakalam parasmai naaraayanaayeti samarpayaami .. 33..

  iti shreevishnordivyasahasranaamastotram sampoornam .

           om tat sat .

mahaabhaarate anushaasanaparvani

 Additional Concluding Shlokas 

om aapadaamapahartaaram daataaram sarvasampadaam .

lokaabhiraamam shreeraamam bhooyo bhooyo namaamyaham ..

aartaanaamaartihantaaram bheetaanaam bheetinaashanam .

dvishataam kaaladand'am tam raamachandram namaamyaham ..

namah' kodand'ahastaaya sandheekri'tasharaaya cha .

khand'itaakhiladaityaaya raamaaya''pannivaarine ..

raamaaya raamabhadraaya raamachandraaya vedhase .

raghunaathaaya naathaaya seetaayaah' pataye namah' ..

agratah' pri'sht'hatashchaiva paarshvatashcha mahaabalau .

aakarnapoornadhanvaanau rakshetaam raamalakshmanau ..

sannaddhah' kavachee khad'gee chaapabaanadharo yuvaa .

gachchhan mamaagrato nityam raamah' paatu salakshmanah' ..

achyutaanantagovinda naamochchaaranabheshajaat .

nashyanti sakalaa rogaassatyam satyam vadaamyaham ..

satyam satyam punassatyamuddhri'tya bhujamuchyate .

vedaachchhaastram param naasti na devam keshavaatparam ..

shareere jarjhareebhoote vyaadhigraste kal'evare .

aushadham jaahnaveetoyam vaidyo naaraayano harih' ..

aalod'ya sarvashaastraani vichaarya cha punah' punah' .

idamekam sunishpannam dhyeyo naaraayano harih' ..

yadaksharapadabhrasht'am maatraaheenam tu yadbhavet .

tatsarvam kshamyataam deva naaraayana namo'stu te ..

visargabindumaatraani padapaadaaksharaani cha .

nyoonaani chaatiriktaani kshamasva purushottama ..

 Alternate Concluding Shlokas 

namah' kamalanaabhaaya namaste jalashaayine .

namaste keshavaananta vaasudeva namo'stute ..

namo brahmanyadevaaya gobraahmanahitaaya cha .

jagaddhitaaya kri'shnaaya govindaaya namo namah' ..

aakaashaatpatitam toyam yathaa gachchhati saagaram .

sarvadevanamaskaarah' keshavam prati gachchhati ..

esha nishkant'akah' panthaa yatra sampoojyate harih' .

kupatham tam vijaaneeyaad govindarahitaagamam ..

sarvavedeshu yatpunyam sarvateertheshu yatphalam .

tatphalam samavaapnoti stutvaa devam janaardanam ..

yo narah' pat'hate nityam trikaalam keshavaalaye .

dvikaalamekakaalam vaa krooram sarvam vyapohati ..

dahyante ripavastasya saumyaah' sarve sadaa grahaah' .

vileeyante cha paapaani stave hyasmin prakeertite ..

yene dhyaatah' shruto yena yenaayam pat'hyate stavah' .

dattaani sarvadaanaani suraah' sarve samarchitaah' ..

iha loke pare vaapi na bhayam vidyate kvachit .

naamnaam sahasram yo'dheete dvaadashyaam mama sannidhau ..

shanairdahanti paapaani kalpakot'eeshataani cha .

ashvatthasannidhau paartha dhyaatvaa manasi keshavam ..

pat'hennaamasahasram tu gavaam kot'iphalam labhet .

shivaalaye pat'henityam tulaseevanasamsthitah' ..

naro muktimavaapnoti chakrapaanervacho yathaa .

brahmahatyaadikam ghoram sarvapaapam vinashyati ..

vilayam yaanti paapaani chaanyapaapasya kaa kathaa .

sarvapaapavinirmukto vishnulokam sa gachchhati ..

           .. harih' om tatsat ..

 श्रीविष्णुसहस्रनामस्तोत्रम् 

नारायणं नमस्कृत्य नरं चैव नरोत्तमम् ।

देवीं सरस्वतीं व्यासं ततो जयमुदीरयेत् ॥

ॐ अथ सकलसौभाग्यदायक श्रीविष्णुसहस्रनामस्तोत्रम् ।

शुक्लाम्बरधरं विष्णुं शशिवर्णं चतुर्भुजम् ।

प्रसन्नवदनं ध्यायेत् सर्वविघ्नोपशान्तये ॥ १॥

यस्य द्विरदवक्त्राद्याः पारिषद्याः परः शतम् ।

विघ्नं निघ्नन्ति सततं विष्वक्सेनं तमाश्रये ॥ २॥

व्यासं वसिष्ठनप्तारं शक्तेः पौत्रमकल्मषम् ।

पराशरात्मजं वन्दे शुकतातं तपोनिधिम् ॥ ३॥

व्यासाय विष्णुरूपाय व्यासरूपाय विष्णवे ।

नमो वै ब्रह्मनिधये वासिष्ठाय नमो नमः ॥ ४॥

अविकाराय शुद्धाय नित्याय परमात्मने ।

सदैकरूपरूपाय विष्णवे सर्वजिष्णवे ॥ ५॥

यस्य स्मरणमात्रेण जन्मसंसारबन्धनात् ।

विमुच्यते नमस्तस्मै विष्णवे प्रभविष्णवे ॥ ६॥

ॐ नमो विष्णवे प्रभविष्णवे ।

     श्रीवैशम्पायन उवाच ---

श्रुत्वा धर्मानशेषेण पावनानि च सर्वशः ।

युधिष्ठिरः शान्तनवं पुनरेवाभ्यभाषत ॥ ७॥

     युधिष्ठिर उवाच ---

किमेकं दैवतं लोके किं वाप्येकं परायणम् ।

स्तुवन्तः कं कमर्चन्तः प्राप्नुयुर्मानवाः शुभम् ॥ ८॥

को धर्मः सर्वधर्माणां भवतः परमो मतः ।

किं जपन्मुच्यते जन्तुर्जन्मसंसारबन्धनात् ॥ ९॥

     भीष्म उवाच ---

जगत्प्रभुं देवदेवमनन्तं पुरुषोत्तमम् ।

स्तुवन् नामसहस्रेण पुरुषः सततोत्थितः ॥ १०॥

तमेव चार्चयन्नित्यं  भक्त्या पुरुषमव्ययम् ।

ध्यायन् स्तुवन् नमस्यंश्च यजमानस्तमेव च ॥ ११॥

अनादिनिधनं विष्णुं सर्वलोकमहेश्वरम् ।

लोकाध्यक्षं स्तुवन्नित्यं सर्वदुःखातिगो भवेत् ॥ १२॥

ब्रह्मण्यं सर्वधर्मज्ञं लोकानां कीर्तिवर्धनम् ।

लोकनाथं महद्भूतं सर्वभूतभवोद्भवम् ॥ १३॥

एष मे सर्वधर्माणां धर्मोऽधिकतमो मतः ।

यद्भक्त्या पुण्डरीकाक्षं स्तवैरर्चेन्नरः सदा ॥ १४॥

परमं यो महत्तेजः परमं यो महत्तपः ।

परमं यो महद्ब्रह्म परमं यः परायणम् ॥ १५॥

पवित्राणां पवित्रं यो मङ्गलानां च मङ्गलम् ।

दैवतं दैवतानां च भूतानां योऽव्ययः पिता ॥ १६॥

यतः सर्वाणि भूतानि भवन्त्यादियुगागमे ।

यस्मिंश्च प्रलयं यान्ति पुनरेव युगक्षये ॥ १७॥

तस्य लोकप्रधानस्य जगन्नाथस्य भूपते ।

विष्णोर्नामसहस्रं मे शृणु पापभयापहम् ॥ १८॥

यानि नामानि गौणानि विख्यातानि महात्मनः ।

ऋषिभिः परिगीतानि तानि वक्ष्यामि भूतये ॥ १९॥

ऋषिर्नाम्नां सहस्रस्य वेदव्यासो महामुनिः ॥

छन्दोऽनुष्टुप् तथा देवो भगवान् देवकीसुतः ॥ २०॥

अमृतांशूद्भवो बीजं शक्तिर्देवकिनन्दनः ।

त्रिसामा हृदयं तस्य शान्त्यर्थे विनियोज्यते ॥ २१॥

विष्णुं जिष्णुं महाविष्णुं प्रभविष्णुं महेश्वरम् ॥

अनेकरूप दैत्यान्तं नमामि पुरुषोत्तमं ॥ २२ ॥

           पूर्वन्यासः ।

     श्रीवेदव्यास उवाच ---

ॐ अस्य श्रीविष्णोर्दिव्यसहस्रनामस्तोत्रमहामन्त्रस्य ।

श्री वेदव्यासो भगवान् ऋषिः ।

अनुष्टुप् छन्दः ।

श्रीमहाविष्णुः परमात्मा श्रीमन्नारायणो देवता ।

अमृतांशूद्भवो भानुरिति बीजम् ।

देवकीनन्दनः स्रष्टेति शक्तिः ।

उद्भवः क्षोभणो देव इति परमो मन्त्रः ।

शङ्खभृन्नन्दकी चक्रीति कीलकम् ।

शार्ङ्गधन्वा गदाधर इत्यस्त्रम् ।

रथाङ्गपाणिरक्षोभ्य इति नेत्रम् ।

त्रिसामा सामगः सामेति कवचम् ।

आनन्दं परब्रह्मेति योनिः ।

ऋतुः सुदर्शनः काल इति दिग्बन्धः ॥

श्रीविश्वरूप इति ध्यानम् ।

श्रीमहाविष्णुप्रीत्यर्थे सहस्रनामस्तोत्रपाठे विनियोगः ॥

           अथ न्यासः ।

ॐ शिरसि वेदव्यासऋषये नमः ।

मुखे अनुष्टुप्छन्दसे नमः ।

हृदि श्रीकृष्णपरमात्मदेवतायै नमः ।

गुह्ये अमृतांशूद्भवो भानुरिति बीजाय नमः ।

पादयोर्देवकीनन्दनः स्रष्टेति शक्तये नमः ।

सर्वाङ्गे शङ्खभृन्नन्दकी चक्रीति कीलकाय नमः ।

करसम्पूटे मम श्रीकृष्णप्रीत्यर्थे जपे विनियोगाय नमः ॥

इति ऋषयादिन्यासः ॥

           अथ करन्यासः ।

ॐ विश्वं विष्णुर्वषट्कार इत्यङ्गुष्ठाभ्यां नमः ।

अमृतांशूद्भवो भानुरिति तर्जनीभ्यां नमः ।

ब्रह्मण्यो ब्रह्मकृद्ब्रह्मेति मध्यमाभ्यां नमः ।

सुवर्णबिन्दुरक्षोभ्य इत्यनामिकाभ्यां नमः ।

निमिषोऽनिमिषः स्रग्वीति कनिष्ठिकाभ्यां नमः ।

रथाङ्गपाणिरक्षोभ्य इति करतलकरपृष्ठाभ्यां नमः ।

इति करन्यासः ।

           अथ षडङ्गन्यासः ।

ॐ विश्वं विष्णुर्वषट्कार इति हृदयाय नमः ।

अमृतांशूद्भवो भानुरिति शिरसे स्वाहा ।

ब्रह्मण्यो ब्रह्मकृद्ब्रह्मेति शिखायै वषट् ।

सुवर्णबिन्दुरक्षोभ्य इति कवचाय हुम् ।

निमिषोऽनिमिषः स्रग्वीति नेत्रत्रयाय वौषट् ।

रथाङ्गपाणिरक्षोभ्य इत्यस्त्राय फट् ।

इति षडङ्गन्यासः ॥

श्रीकृष्णप्रीत्यर्थे विष्णोर्दिव्यसहस्रनामजपमहं

करिष्ये इति सङ्कल्पः ।

           अथ ध्यानम् ।

क्षीरोदन्वत्प्रदेशे शुचिमणिविलसत्सैकतेर्मौक्तिकानां

मालाकॢप्तासनस्थः स्फटिकमणिनिभैर्मौक्तिकैर्मण्डिताङ्गः ।

शुभ्रैरभ्रैरदभ्रैरुपरिविरचितैर्मुक्तपीयूष वर्षैः

आनन्दी नः पुनीयादरिनलिनगदा शङ्खपाणिर्मुकुन्दः ॥ १॥

भूः पादौ यस्य नाभिर्वियदसुरनिलश्चन्द्र सूर्यौ च नेत्रे

कर्णावाशाः शिरो द्यौर्मुखमपि दहनो यस्य वास्तेयमब्धिः ।

अन्तःस्थं यस्य विश्वं सुरनरखगगोभोगिगन्धर्वदैत्यैः

चित्रं रंरम्यते तं त्रिभुवन वपुषं विष्णुमीशं नमामि ॥ २॥

ॐ शान्ताकारं भुजगशयनं पद्मनाभं सुरेशं

विश्वाधारं गगनसदृशं मेघवर्णं शुभाङ्गम् ।

लक्ष्मीकान्तं कमलनयनं योगिभिर्ध्यानगम्यं  var  योगिहृद्ध्यानगम्यं

वन्दे विष्णुं भवभयहरं सर्वलोकैकनाथम् ॥ ३॥

मेघश्यामं पीतकौशेयवासं

श्रीवत्साङ्कं कौस्तुभोद्भासिताङ्गम् ।

पुण्योपेतं पुण्डरीकायताक्षं

विष्णुं वन्दे सर्वलोकैकनाथम् ॥ ४॥

नमः समस्तभूतानामादिभूताय भूभृते ।

अनेकरूपरूपाय विष्णवे प्रभविष्णवे ॥ ५॥

सशङ्खचक्रं सकिरीटकुण्डलं

सपीतवस्त्रं सरसीरुहेक्षणम् ।

सहारवक्षःस्थलकौस्तुभश्रियं  var  स्थलशोभिकौस्तुभं

नमामि विष्णुं शिरसा चतुर्भुजम् ॥ ६॥

छायायां पारिजातस्य हेमसिंहासनोपरि

आसीनमम्बुदश्याममायताक्षमलंकृतम् ।

चन्द्राननं चतुर्बाहुं श्रीवत्साङ्कित वक्षसं

रुक्मिणी सत्यभामाभ्यां सहितं कृष्णमाश्रये ॥ ७॥

      स्तोत्रम् ।

           हरिः ॐ ।

विश्वं विष्णुर्वषट्कारो भूतभव्यभवत्प्रभुः ।

भूतकृद्भूतभृद्भावो भूतात्मा भूतभावनः ॥ १॥

पूतात्मा परमात्मा च मुक्तानां परमा गतिः ।

अव्ययः पुरुषः साक्षी क्षेत्रज्ञोऽक्षर एव च ॥ २॥

योगो योगविदां नेता प्रधानपुरुषेश्वरः ।

नारसिंहवपुः श्रीमान् केशवः पुरुषोत्तमः ॥ ३॥

सर्वः शर्वः शिवः स्थाणुर्भूतादिर्निधिरव्ययः ।

सम्भवो भावनो भर्ता प्रभवः प्रभुरीश्वरः ॥ ४॥

स्वयम्भूः शम्भुरादित्यः पुष्कराक्षो महास्वनः ।

अनादिनिधनो धाता विधाता धातुरुत्तमः ॥ ५॥

अप्रमेयो हृषीकेशः पद्मनाभोऽमरप्रभुः ।

विश्वकर्मा मनुस्त्वष्टा स्थविष्ठः स्थविरो ध्रुवः ॥ ६॥

अग्राह्यः शाश्वतः कृष्णो लोहिताक्षः प्रतर्दनः ।

प्रभूतस्त्रिककुब्धाम पवित्रं मङ्गलं परम् ॥ ७॥

ईशानः प्राणदः प्राणो ज्येष्ठः श्रेष्ठः प्रजापतिः ।

हिरण्यगर्भो भूगर्भो माधवो मधुसूदनः ॥ ८॥

ईश्वरो विक्रमी धन्वी मेधावी विक्रमः क्रमः ।

अनुत्तमो दुराधर्षः कृतज्ञः कृतिरात्मवान् ॥ ९॥

सुरेशः शरणं शर्म विश्वरेताः प्रजाभवः ।

अहः संवत्सरो व्यालः प्रत्ययः सर्वदर्शनः ॥ १०॥

अजः सर्वेश्वरः सिद्धः सिद्धिः सर्वादिरच्युतः ।

वृषाकपिरमेयात्मा सर्वयोगविनिःसृतः ॥ ११॥

वसुर्वसुमनाः सत्यः समात्माऽसम्मितः समः ।

अमोघः पुण्डरीकाक्षो वृषकर्मा वृषाकृतिः ॥ १२॥

रुद्रो बहुशिरा बभ्रुर्विश्वयोनिः शुचिश्रवाः ।

अमृतः शाश्वतस्थाणुर्वरारोहो महातपाः ॥ १३॥

सर्वगः सर्वविद्भानुर्विष्वक्सेनो जनार्दनः ।

वेदो वेदविदव्यङ्गो वेदाङ्गो वेदवित् कविः ॥ १४॥

लोकाध्यक्षः सुराध्यक्षो धर्माध्यक्षः कृताकृतः ।

चतुरात्मा चतुर्व्यूहश्चतुर्दंष्ट्रश्चतुर्भुजः ॥ १५॥

भ्राजिष्णुर्भोजनं भोक्ता सहिष्णुर्जगदादिजः ।

अनघो विजयो जेता विश्वयोनिः पुनर्वसुः ॥ १६॥

उपेन्द्रो वामनः प्रांशुरमोघः शुचिरूर्जितः ।

अतीन्द्रः सङ्ग्रहः सर्गो धृतात्मा नियमो यमः ॥ १७॥

वेद्यो वैद्यः सदायोगी वीरहा माधवो मधुः ।

अतीन्द्रियो महामायो महोत्साहो महाबलः ॥ १८॥

महाबुद्धिर्महावीर्यो महाशक्तिर्महाद्युतिः ।

अनिर्देश्यवपुः श्रीमानमेयात्मा महाद्रिधृक् ॥ १९॥

महेष्वासो महीभर्ता श्रीनिवासः सतां गतिः ।

अनिरुद्धः सुरानन्दो गोविन्दो गोविदां पतिः ॥ २०॥

मरीचिर्दमनो हंसः सुपर्णो भुजगोत्तमः ।

हिरण्यनाभः सुतपाः पद्मनाभः प्रजापतिः ॥ २१॥

अमृत्युः सर्वदृक् सिंहः सन्धाता सन्धिमान् स्थिरः ।

अजो दुर्मर्षणः शास्ता विश्रुतात्मा सुरारिहा ॥ २२॥

गुरुर्गुरुतमो धाम सत्यः सत्यपराक्रमः ।

निमिषोऽनिमिषः स्रग्वी वाचस्पतिरुदारधीः ॥ २३॥

अग्रणीर्ग्रामणीः श्रीमान् न्यायो नेता समीरणः ।

सहस्रमूर्धा विश्वात्मा सहस्राक्षः सहस्रपात् ॥ २४॥

आवर्तनो निवृत्तात्मा संवृतः सम्प्रमर्दनः ।

अहः संवर्तको वह्निरनिलो धरणीधरः ॥ २५॥

सुप्रसादः प्रसन्नात्मा विश्वधृग्विश्वभुग्विभुः ।

सत्कर्ता सत्कृतः साधुर्जह्नुर्नारायणो नरः ॥ २६॥

असङ्ख्येयोऽप्रमेयात्मा विशिष्टः शिष्टकृच्छुचिः ।

सिद्धार्थः सिद्धसङ्कल्पः सिद्धिदः सिद्धिसाधनः ॥ २७॥

वृषाही वृषभो विष्णुर्वृषपर्वा वृषोदरः ।

वर्धनो वर्धमानश्च विविक्तः श्रुतिसागरः ॥ २८॥

सुभुजो दुर्धरो वाग्मी महेन्द्रो वसुदो वसुः ।

नैकरूपो बृहद्रूपः शिपिविष्टः प्रकाशनः ॥ २९॥

ओजस्तेजोद्युतिधरः प्रकाशात्मा प्रतापनः ।

ऋद्धः स्पष्टाक्षरो मन्त्रश्चन्द्रांशुर्भास्करद्युतिः ॥ ३०॥

अमृतांशूद्भवो भानुः शशबिन्दुः सुरेश्वरः ।

औषधं जगतः सेतुः सत्यधर्मपराक्रमः ॥ ३१॥

भूतभव्यभवन्नाथः पवनः पावनोऽनलः ।

कामहा कामकृत्कान्तः कामः कामप्रदः प्रभुः ॥ ३२॥

युगादिकृद्युगावर्तो नैकमायो महाशनः ।

अदृश्यो व्यक्तरूपश्च सहस्रजिदनन्तजित् ॥ ३३॥

इष्टोऽविशिष्टः शिष्टेष्टः शिखण्डी नहुषो वृषः ।

क्रोधहा क्रोधकृत्कर्ता विश्वबाहुर्महीधरः ॥ ३४॥

अच्युतः प्रथितः प्राणः प्राणदो वासवानुजः ।

अपांनिधिरधिष्ठानमप्रमत्तः प्रतिष्ठितः ॥ ३५॥

स्कन्दः स्कन्दधरो धुर्यो वरदो वायुवाहनः ।

वासुदेवो बृहद्भानुरादिदेवः पुरन्दरः ॥ ३६॥

अशोकस्तारणस्तारः शूरः शौरिर्जनेश्वरः ।

अनुकूलः शतावर्तः पद्मी पद्मनिभेक्षणः ॥ ३७॥

पद्मनाभोऽरविन्दाक्षः पद्मगर्भः शरीरभृत् ।

महर्द्धिरृद्धो वृद्धात्मा महाक्षो गरुडध्वजः ॥ ३८॥

अतुलः शरभो भीमः समयज्ञो हविर्हरिः ।

सर्वलक्षणलक्षण्यो लक्ष्मीवान् समितिञ्जयः ॥ ३९॥

विक्षरो रोहितो मार्गो हेतुर्दामोदरः सहः ।

महीधरो महाभागो वेगवानमिताशनः ॥ ४०॥

उद्भवः क्षोभणो देवः श्रीगर्भः परमेश्वरः ।

करणं कारणं कर्ता विकर्ता गहनो गुहः ॥ ४१॥

व्यवसायो व्यवस्थानः संस्थानः स्थानदो ध्रुवः ।

परर्द्धिः परमस्पष्टस्तुष्टः पुष्टः शुभेक्षणः ॥ ४२॥

रामो विरामो विरजो मार्गो नेयो नयोऽनयः । or विरामो विरतो

वीरः शक्तिमतां श्रेष्ठो धर्मो धर्मविदुत्तमः ॥ ४३॥

वैकुण्ठः पुरुषः प्राणः प्राणदः प्रणवः पृथुः ।

हिरण्यगर्भः शत्रुघ्नो व्याप्तो वायुरधोक्षजः ॥ ४४॥

ऋतुः सुदर्शनः कालः परमेष्ठी परिग्रहः ।

उग्रः संवत्सरो दक्षो विश्रामो विश्वदक्षिणः ॥ ४५॥

विस्तारः स्थावरस्थाणुः प्रमाणं बीजमव्ययम् ।

अर्थोऽनर्थो महाकोशो महाभोगो महाधनः ॥ ४६॥

अनिर्विण्णः स्थविष्ठोऽभूर्धर्मयूपो महामखः ।

नक्षत्रनेमिर्नक्षत्री क्षमः क्षामः समीहनः ॥ ४७॥

यज्ञ इज्यो महेज्यश्च क्रतुः सत्रं सतां गतिः ।

सर्वदर्शी विमुक्तात्मा सर्वज्ञो ज्ञानमुत्तमम् ॥ ४८॥

सुव्रतः सुमुखः सूक्ष्मः सुघोषः सुखदः सुहृत् ।

मनोहरो जितक्रोधो वीरबाहुर्विदारणः ॥ ४९॥

स्वापनः स्ववशो व्यापी नैकात्मा नैककर्मकृत् ।

वत्सरो वत्सलो वत्सी रत्नगर्भो धनेश्वरः ॥ ५०॥

धर्मगुब्धर्मकृद्धर्मी सदसत्क्षरमक्षरम् ।

अविज्ञाता सहस्रांशुर्विधाता कृतलक्षणः ॥ ५१॥

गभस्तिनेमिः सत्त्वस्थः सिंहो भूतमहेश्वरः ।

आदिदेवो महादेवो देवेशो देवभृद्गुरुः ॥ ५२॥

उत्तरो गोपतिर्गोप्ता ज्ञानगम्यः पुरातनः ।

शरीरभूतभृद्भोक्ता कपीन्द्रो भूरिदक्षिणः ॥ ५३॥

सोमपोऽमृतपः सोमः पुरुजित्पुरुसत्तमः ।

विनयो जयः सत्यसन्धो दाशार्हः सात्वताम्पतिः ॥ ५४॥ विनियोज्यः

जीवो विनयिता साक्षी मुकुन्दोऽमितविक्रमः ।

अम्भोनिधिरनन्तात्मा महोदधिशयोऽन्तकः ॥ ५५॥

अजो महार्हः स्वाभाव्यो जितामित्रः प्रमोदनः ।

आनन्दो नन्दनो नन्दः सत्यधर्मा त्रिविक्रमः ॥ ५६॥

महर्षिः कपिलाचार्यः कृतज्ञो मेदिनीपतिः ।

त्रिपदस्त्रिदशाध्यक्षो महाशृङ्गः कृतान्तकृत् ॥ ५७॥

महावराहो गोविन्दः सुषेणः कनकाङ्गदी ।

गुह्यो गभीरो गहनो गुप्तश्चक्रगदाधरः ॥ ५८॥

वेधाः स्वाङ्गोऽजितः कृष्णो दृढः सङ्कर्षणोऽच्युतः ।

वरुणो वारुणो वृक्षः पुष्कराक्षो महामनाः ॥ ५९॥

भगवान् भगहाऽऽनन्दी वनमाली हलायुधः ।

आदित्यो ज्योतिरादित्यः सहिष्णुर्गतिसत्तमः ॥ ६०॥

सुधन्वा खण्डपरशुर्दारुणो द्रविणप्रदः ।

दिवस्पृक् सर्वदृग्व्यासो वाचस्पतिरयोनिजः ॥ ६१॥  var  दिविस्पृक्

त्रिसामा सामगः साम निर्वाणं भेषजं भिषक् ।

संन्यासकृच्छमः शान्तो निष्ठा शान्तिः परायणम् ॥ ६२॥

शुभाङ्गः शान्तिदः स्रष्टा कुमुदः कुवलेशयः ।

गोहितो गोपतिर्गोप्ता वृषभाक्षो वृषप्रियः ॥ ६३॥

अनिवर्ती निवृत्तात्मा सङ्क्षेप्ता क्षेमकृच्छिवः ।

श्रीवत्सवक्षाः श्रीवासः श्रीपतिः श्रीमतांवरः ॥ ६४॥

श्रीदः श्रीशः श्रीनिवासः श्रीनिधिः श्रीविभावनः ।

श्रीधरः श्रीकरः श्रेयः श्रीमाँल्लोकत्रयाश्रयः ॥ ६५॥

स्वक्षः स्वङ्गः शतानन्दो नन्दिर्ज्योतिर्गणेश्वरः ।

विजितात्माऽविधेयात्मा सत्कीर्तिश्छिन्नसंशयः ॥ ६६॥

उदीर्णः सर्वतश्चक्षुरनीशः शाश्वतस्थिरः ।

भूशयो भूषणो भूतिर्विशोकः शोकनाशनः ॥ ६७॥

अर्चिष्मानर्चितः कुम्भो विशुद्धात्मा विशोधनः ।

अनिरुद्धोऽप्रतिरथः प्रद्युम्नोऽमितविक्रमः ॥ ६८॥

कालनेमिनिहा वीरः शौरिः शूरजनेश्वरः ।

त्रिलोकात्मा त्रिलोकेशः केशवः केशिहा हरिः ॥ ६९॥

कामदेवः कामपालः कामी कान्तः कृतागमः ।

अनिर्देश्यवपुर्विष्णुर्वीरोऽनन्तो धनञ्जयः ॥ ७०॥

ब्रह्मण्यो ब्रह्मकृद् ब्रह्मा ब्रह्म ब्रह्मविवर्धनः ।

ब्रह्मविद् ब्राह्मणो ब्रह्मी ब्रह्मज्ञो ब्राह्मणप्रियः ॥ ७१॥

महाक्रमो महाकर्मा महातेजा महोरगः ।

महाक्रतुर्महायज्वा महायज्ञो महाहविः ॥ ७२॥

स्तव्यः स्तवप्रियः स्तोत्रं स्तुतिः स्तोता रणप्रियः ।

पूर्णः पूरयिता पुण्यः पुण्यकीर्तिरनामयः ॥ ७३॥

मनोजवस्तीर्थकरो वसुरेता वसुप्रदः ।

वसुप्रदो वासुदेवो वसुर्वसुमना हविः ॥ ७४॥

सद्गतिः सत्कृतिः सत्ता सद्भूतिः सत्परायणः ।

शूरसेनो यदुश्रेष्ठः सन्निवासः सुयामुनः ॥ ७५॥

भूतावासो वासुदेवः सर्वासुनिलयोऽनलः ।

दर्पहा दर्पदो दृप्तो दुर्धरोऽथापराजितः ॥ ७६॥

विश्वमूर्तिर्महामूर्तिर्दीप्तमूर्तिरमूर्तिमान् ।

अनेकमूर्तिरव्यक्तः शतमूर्तिः शताननः ॥ ७७॥

एको नैकः सवः कः किं यत् तत्पदमनुत्तमम् ।

लोकबन्धुर्लोकनाथो माधवो भक्तवत्सलः ॥ ७८॥

सुवर्णवर्णो हेमाङ्गो वराङ्गश्चन्दनाङ्गदी ।

वीरहा विषमः शून्यो घृताशीरचलश्चलः ॥ ७९॥

अमानी मानदो मान्यो लोकस्वामी त्रिलोकधृक् ।

सुमेधा मेधजो धन्यः सत्यमेधा धराधरः ॥ ८०॥

तेजोवृषो द्युतिधरः सर्वशस्त्रभृतां वरः ।

प्रग्रहो निग्रहो व्यग्रो नैकशृङ्गो गदाग्रजः ॥ ८१॥

चतुर्मूर्तिश्चतुर्बाहुश्चतुर्व्यूहश्चतुर्गतिः ।

चतुरात्मा चतुर्भावश्चतुर्वेदविदेकपात् ॥ ८२॥

समावर्तोऽनिवृत्तात्मा दुर्जयो दुरतिक्रमः ।

दुर्लभो दुर्गमो दुर्गो दुरावासो दुरारिहा ॥ ८३॥

शुभाङ्गो लोकसारङ्गः सुतन्तुस्तन्तुवर्धनः ।

इन्द्रकर्मा महाकर्मा कृतकर्मा कृतागमः ॥ ८४॥

उद्भवः सुन्दरः सुन्दो रत्ननाभः सुलोचनः ।

अर्को वाजसनः शृङ्गी जयन्तः सर्वविज्जयी ॥ ८५॥

सुवर्णबिन्दुरक्षोभ्यः सर्ववागीश्वरेश्वरः ।

महाह्रदो महागर्तो महाभूतो महानिधिः ॥ ८६॥

कुमुदः कुन्दरः कुन्दः पर्जन्यः पावनोऽनिलः ।

अमृताशोऽमृतवपुः सर्वज्ञः सर्वतोमुखः ॥ ८७॥

सुलभः सुव्रतः सिद्धः शत्रुजिच्छत्रुतापनः ।

न्यग्रोधोऽदुम्बरोऽश्वत्थश्चाणूरान्ध्रनिषूदनः ॥ ८८॥

सहस्रार्चिः सप्तजिह्वः सप्तैधाः सप्तवाहनः ।

अमूर्तिरनघोऽचिन्त्यो भयकृद्भयनाशनः ॥ ८९॥

अणुर्बृहत्कृशः स्थूलो गुणभृन्निर्गुणो महान् ।

अधृतः स्वधृतः स्वास्यः प्राग्वंशो वंशवर्धनः ॥ ९०॥

भारभृत् कथितो योगी योगीशः सर्वकामदः ।

आश्रमः श्रमणः क्षामः सुपर्णो वायुवाहनः ॥ ९१॥

धनुर्धरो धनुर्वेदो दण्डो दमयिता दमः ।

अपराजितः सर्वसहो नियन्ताऽनियमोऽयमः ॥ ९२॥

सत्त्ववान् सात्त्विकः सत्यः सत्यधर्मपरायणः ।

अभिप्रायः प्रियार्होऽर्हः प्रियकृत् प्रीतिवर्धनः ॥ ९३॥

विहायसगतिर्ज्योतिः सुरुचिर्हुतभुग्विभुः ।

रविर्विरोचनः सूर्यः सविता रविलोचनः ॥ ९४॥

अनन्तो हुतभुग्भोक्ता सुखदो नैकजोऽग्रजः ।

अनिर्विण्णः सदामर्षी लोकाधिष्ठानमद्भुतः ॥ ९५॥

सनात्सनातनतमः कपिलः कपिरव्ययः ।

स्वस्तिदः स्वस्तिकृत्स्वस्ति स्वस्तिभुक्स्वस्तिदक्षिणः ॥ ९६॥

अरौद्रः कुण्डली चक्री विक्रम्यूर्जितशासनः ।

शब्दातिगः शब्दसहः शिशिरः शर्वरीकरः ॥ ९७॥

अक्रूरः पेशलो दक्षो दक्षिणः क्षमिणांवरः ।

विद्वत्तमो वीतभयः पुण्यश्रवणकीर्तनः ॥ ९८॥

उत्तारणो दुष्कृतिहा पुण्यो दुःस्वप्ननाशनः ।

वीरहा रक्षणः सन्तो जीवनः पर्यवस्थितः ॥ ९९॥

अनन्तरूपोऽनन्तश्रीर्जितमन्युर्भयापहः ।

चतुरश्रो गभीरात्मा विदिशो व्यादिशो दिशः ॥ १००॥

अनादिर्भूर्भुवो लक्ष्मीः सुवीरो रुचिराङ्गदः ।

जननो जनजन्मादिर्भीमो भीमपराक्रमः ॥ १०१॥

आधारनिलयोऽधाता पुष्पहासः प्रजागरः ।

ऊर्ध्वगः सत्पथाचारः प्राणदः प्रणवः पणः ॥ १०२॥

प्रमाणं प्राणनिलयः प्राणभृत्प्राणजीवनः ।

तत्त्वं तत्त्वविदेकात्मा जन्ममृत्युजरातिगः ॥ १०३॥

भूर्भुवःस्वस्तरुस्तारः सविता प्रपितामहः ।

यज्ञो यज्ञपतिर्यज्वा यज्ञाङ्गो यज्ञवाहनः ॥ १०४॥

यज्ञभृद् यज्ञकृद् यज्ञी यज्ञभुग् यज्ञसाधनः ।

यज्ञान्तकृद् यज्ञगुह्यमन्नमन्नाद एव च ॥ १०५॥

आत्मयोनिः स्वयञ्जातो वैखानः सामगायनः ।

देवकीनन्दनः स्रष्टा क्षितीशः पापनाशनः ॥ १०६॥

शङ्खभृन्नन्दकी चक्री शार्ङ्गधन्वा गदाधरः ।

रथाङ्गपाणिरक्षोभ्यः सर्वप्रहरणायुधः ॥ १०७॥

सर्वप्रहरणायुध ॐ नम इति ।

वनमाली गदी शार्ङ्गी शङ्खी चक्री च नन्दकी ।

श्रीमान् नारायणो विष्णुर्वासुदेवोऽभिरक्षतु ॥ १०८॥

श्री वासुदेवोऽभिरक्षतु ॐ नम इति ।

           उत्तरन्यासः ।

     भीष्म उवाच ---

इतीदं कीर्तनीयस्य केशवस्य महात्मनः ।

नाम्नां सहस्रं दिव्यानामशेषेण प्रकीर्तितम् ॥ १॥

य इदं शृणुयान्नित्यं यश्चापि परिकीर्तयेत् ।

नाशुभं प्राप्नुयात्किञ्चित्सोऽमुत्रेह च मानवः ॥ २॥

वेदान्तगो ब्राह्मणः स्यात्क्षत्रियो विजयी भवेत् ।

वैश्यो धनसमृद्धः स्याच्छूद्रः सुखमवाप्नुयात् ॥ ३॥

धर्मार्थी प्राप्नुयाद्धर्ममर्थार्थी चार्थमाप्नुयात् ।

कामानवाप्नुयात्कामी प्रजार्थी प्राप्नुयात्प्रजाम् ॥ ४॥

भक्तिमान् यः सदोत्थाय शुचिस्तद्गतमानसः ।

सहस्रं वासुदेवस्य नाम्नामेतत्प्रकीर्तयेत् ॥ ५॥

यशः प्राप्नोति विपुलं ज्ञातिप्राधान्यमेव च ।

अचलां श्रियमाप्नोति श्रेयः प्राप्नोत्यनुत्तमम् ॥ ६॥

न भयं क्वचिदाप्नोति वीर्यं तेजश्च विन्दति ।

भवत्यरोगो द्युतिमान्बलरूपगुणान्वितः ॥ ७॥

रोगार्तो मुच्यते रोगाद्बद्धो मुच्येत बन्धनात् ।

भयान्मुच्येत भीतस्तु मुच्येतापन्न आपदः ॥ ८॥

दुर्गाण्यतितरत्याशु पुरुषः पुरुषोत्तमम् ।

स्तुवन्नामसहस्रेण नित्यं भक्तिसमन्वितः ॥ ९॥

वासुदेवाश्रयो मर्त्यो वासुदेवपरायणः ।

सर्वपापविशुद्धात्मा याति ब्रह्म सनातनम् ॥ १०॥

न वासुदेवभक्तानामशुभं विद्यते क्वचित् ।

जन्ममृत्युजराव्याधिभयं नैवोपजायते ॥ ११॥

इमं स्तवमधीयानः श्रद्धाभक्तिसमन्वितः ।

युज्येतात्मसुखक्षान्तिश्रीधृतिस्मृतिकीर्तिभिः ॥ १२॥

न क्रोधो न च मात्सर्यं न लोभो नाशुभा मतिः ।

भवन्ति कृत पुण्यानां भक्तानां पुरुषोत्तमे ॥ १३॥

द्यौः सचन्द्रार्कनक्षत्रा खं दिशो भूर्महोदधिः ।

वासुदेवस्य वीर्येण विधृतानि महात्मनः ॥ १४॥

ससुरासुरगन्धर्वं सयक्षोरगराक्षसम् ।

जगद्वशे वर्ततेदं कृष्णस्य सचराचरम् ॥ १५॥

इन्द्रियाणि मनो बुद्धिः सत्त्वं तेजो बलं धृतिः ।

वासुदेवात्मकान्याहुः क्षेत्रं क्षेत्रज्ञ एव च ॥ १६॥

सर्वागमानामाचारः प्रथमं परिकल्प्यते । var??  कल्पते

आचारप्रभवो धर्मो धर्मस्य प्रभुरच्युतः ॥ १७॥

ऋषयः पितरो देवा महाभूतानि धातवः ।

जङ्गमाजङ्गमं चेदं जगन्नारायणोद्भवम् ॥ १८॥

योगो ज्ञानं तथा साङ्ख्यं विद्याः शिल्पादि कर्म च ।

वेदाः शास्त्राणि विज्ञानमेतत्सर्वं जनार्दनात् ॥ १९॥

एको विष्णुर्महद्भूतं पृथग्भूतान्यनेकशः ।

त्रींल्लोकान्व्याप्य भूतात्मा भुङ्क्ते विश्वभुगव्ययः ॥ २०॥

इमं स्तवं भगवतो विष्णोर्व्यासेन कीर्तितम् ।

पठेद्य इच्छेत्पुरुषः श्रेयः प्राप्तुं सुखानि च ॥ २१॥

विश्वेश्वरमजं देवं जगतः प्रभुमव्ययम् ।

भजन्ति ये पुष्कराक्षं न ते यान्ति पराभवम् ॥ २२॥

न ते यान्ति पराभवम् ॐ नम इति ।

     अर्जुन उवाच ---

पद्मपत्रविशालाक्ष पद्मनाभ सुरोत्तम ।

भक्तानामनुरक्तानां त्राता भव जनार्दन ॥ २३॥

श्रीभगवानुवाच ---

यो मां नामसहस्रेण स्तोतुमिच्छति पाण्डव ।

सोहऽमेकेन श्लोकेन स्तुत एव न संशयः ॥ २४॥

स्तुत एव न संशय ॐ नम इति ।

     व्यास उवाच ---

वासनाद्वासुदेवस्य वासितं भुवनत्रयम् ।

सर्वभूतनिवासोऽसि वासुदेव नमोऽस्तु ते ॥ २५॥

श्री वासुदेव नमोऽस्तुत ॐ नम इति ।

पार्वत्युवाच ---

केनोपायेन लघुना विष्णोर्नामसहस्रकम् ।

पठ्यते पण्डितैर्नित्यं श्रोतुमिच्छाम्यहं प्रभो ॥ २६॥

     ईश्वर उवाच ---

श्रीराम राम रामेति रमे रामे मनोरमे ।

सहस्रनाम तत्तुल्यं राम नाम वरानने ॥ २७॥

श्रीरामनाम वरानन ॐ नम इति ।

     ब्रह्मोवाच ---

नमोऽस्त्वनन्ताय सहस्रमूर्तये

सहस्रपादाक्षिशिरोरुबाहवे ।

सहस्रनाम्ने पुरुषाय शाश्वते

सहस्रकोटियुगधारिणे नमः ॥ २८॥

सहस्रकोटियुगधारिणे ॐ नम इति ।

ॐ तत्सदिति श्रीमहाभारते शतसाहस्र्यां संहितायां वैयासिक्यामानुशासनिके

पर्वणि भीष्मयुधिष्ठिरसंवादे श्रीविष्णोर्दिव्यसहस्रनामस्तोत्रम् ॥

     सञ्जय उवाच ---

यत्र योगेश्वरः कृष्णो यत्र पार्थो धनुर्धरः ।

तत्र श्रीर्विजयो भूतिर्ध्रुवा नीतिर्मतिर्मम ॥ २९॥

श्रीभगवानुवाच ---

अनन्याश्चिन्तयन्तो मां ये जनाः पर्युपासते ।

तेषां नित्याभियुक्तानां योगक्षेमं वहाम्यहम् ॥ ३०॥

परित्राणाय साधूनां विनाशाय च दुष्कृताम् ।

धर्मसंस्थापनार्थाय सम्भवामि युगे युगे ॥ ३१॥

आर्ताः विषण्णाः शिथिलाश्च भीताः घोरेषु च व्याधिषु वर्तमानाः ।

सङ्कीर्त्य नारायणशब्दमात्रं विमुक्तदुःखाः सुखिनो भवन्ति ॥ ३२॥ var  भवन्तु

कायेन वाचा मनसेन्द्रियैर्वा बुद्ध्यात्मना वा प्रकृतेः स्वभावात् । var  प्रकृतिस्वभावात् ।

करोमि यद्यत् सकलं परस्मै नारायणायेति समर्पयामि ॥ ३३॥

  इति श्रीविष्णोर्दिव्यसहस्रनामस्तोत्रं सम्पूर्णम् ।

           ॐ तत् सत् ।

महाभारते अनुशासनपर्वणि

 Additional Concluding Shlokas 

ॐ आपदामपहर्तारं दातारं सर्वसम्पदाम् ।

लोकाभिरामं श्रीरामं भूयो भूयो नमाम्यहम् ॥

आर्तानामार्तिहन्तारं भीतानां भीतिनाशनम् ।

द्विषतां कालदण्डं तं रामचन्द्रं नमाम्यहम् ॥

नमः कोदण्डहस्ताय सन्धीकृतशराय च ।

खण्डिताखिलदैत्याय रामायऽऽपन्निवारिणे ॥

रामाय रामभद्राय रामचन्द्राय वेधसे ।

रघुनाथाय नाथाय सीतायाः पतये नमः ॥

अग्रतः पृष्ठतश्चैव पार्श्वतश्च महाबलौ ।

आकर्णपूर्णधन्वानौ रक्षेतां रामलक्ष्मणौ ॥

सन्नद्धः कवची खड्गी चापबाणधरो युवा ।

गच्छन् ममाग्रतो नित्यं रामः पातु सलक्ष्मणः ॥

अच्युतानन्तगोविन्द नामोच्चारणभेषजात् ।

नश्यन्ति सकला रोगास्सत्यं सत्यं वदाम्यहम् ॥

सत्यं सत्यं पुनस्सत्यमुद्धृत्य भुजमुच्यते ।

वेदाच्छास्त्रं परं नास्ति न देवं केशवात्परम् ॥

शरीरे जर्झरीभूते व्याधिग्रस्ते कळेवरे ।

औषधं जाह्नवीतोयं वैद्यो नारायणो हरिः ॥

आलोड्य सर्वशास्त्राणि विचार्य च पुनः पुनः ।

इदमेकं सुनिष्पन्नं ध्येयो नारायणो हरिः ॥

यदक्षरपदभ्रष्टं मात्राहीनं तु यद्भवेत् ।

तत्सर्वं क्षम्यतां देव नारायण नमोऽस्तु ते ॥

विसर्गबिन्दुमात्राणि पदपादाक्षराणि च ।

न्यूनानि चातिरिक्तानि क्षमस्व पुरुषोत्तम ॥

 Alternate Concluding Shlokas 

नमः कमलनाभाय नमस्ते जलशायिने ।

नमस्ते केशवानन्त वासुदेव नमोऽस्तुते ॥

नमो ब्रह्मण्यदेवाय गोब्राह्मणहिताय च ।

जगद्धिताय कृष्णाय गोविन्दाय नमो नमः ॥

आकाशात्पतितं तोयं यथा गच्छति सागरम् ।

सर्वदेवनमस्कारः केशवं प्रति गच्छति ॥

एष निष्कण्टकः पन्था यत्र सम्पूज्यते हरिः ।

कुपथं तं विजानीयाद् गोविन्दरहितागमम् ॥

सर्ववेदेषु यत्पुण्यं सर्वतीर्थेषु यत्फलम् ।

तत्फलं समवाप्नोति स्तुत्वा देवं जनार्दनम् ॥

यो नरः पठते नित्यं त्रिकालं केशवालये ।

द्विकालमेककालं वा क्रूरं सर्वं व्यपोहति ॥

दह्यन्ते रिपवस्तस्य सौम्याः सर्वे सदा ग्रहाः ।

विलीयन्ते च पापानि स्तवे ह्यस्मिन् प्रकीर्तिते ॥

येने ध्यातः श्रुतो येन येनायं पठ्यते स्तवः ।

दत्तानि सर्वदानानि सुराः सर्वे समर्चिताः ॥

इह लोके परे वापि न भयं विद्यते क्वचित् ।

नाम्नां सहस्रं योऽधीते द्वादश्यां मम सन्निधौ ॥

शनैर्दहन्ति पापानि कल्पकोटीशतानि च ।

अश्वत्थसन्निधौ पार्थ ध्यात्वा मनसि केशवम् ॥

पठेन्नामसहस्रं तु गवां कोटिफलं लभेत् ।

शिवालये पठेनित्यं तुलसीवनसंस्थितः ॥

नरो मुक्तिमवाप्नोति चक्रपाणेर्वचो यथा ।

ब्रह्महत्यादिकं घोरं सर्वपापं विनश्यति ॥

विलयं यान्ति पापानि चान्यपापस्य का कथा ।

सर्वपापविनिर्मुक्तो विष्णुलोकं स गच्छति ॥

           ॥ हरिः ॐ तत्सत् ॥

 ஶ்ரீவிஷ்ணுஸஹஸ்ரநாமஸ்தோத்ரம் 

நாராயணம்ʼ நமஸ்க்ருʼத்ய நரம்ʼ சைவ நரோத்தமம் .

தே³வீம்ʼ ஸரஸ்வதீம்ʼ வ்யாஸம்ʼ ததோ ஜயமுதீ³ரயேத் ..

ௐ அத² ஸகலஸௌபா⁴க்³யதா³யக ஶ்ரீவிஷ்ணுஸஹஸ்ரநாமஸ்தோத்ரம் .

ஶுக்லாம்ப³ரத⁴ரம்ʼ விஷ்ணும்ʼ ஶஶிவர்ணம்ʼ சதுர்பு⁴ஜம் .

ப்ரஸன்னவத³னம்ʼ த்⁴யாயேத் ஸர்வவிக்⁴னோபஶாந்தயே .. 1..

யஸ்ய த்³விரத³வக்த்ராத்³யா꞉ பாரிஷத்³யா꞉ பர꞉ ஶதம் .

விக்⁴னம்ʼ நிக்⁴னந்தி ஸததம்ʼ விஷ்வக்ஸேனம்ʼ தமாஶ்ரயே .. 2..

வ்யாஸம்ʼ வஸிஷ்ட²னப்தாரம்ʼ ஶக்தே꞉ பௌத்ரமகல்மஷம் .

பராஶராத்மஜம்ʼ வந்தே³ ஶுகதாதம்ʼ தபோநிதி⁴ம் .. 3..

வ்யாஸாய விஷ்ணுரூபாய வ்யாஸரூபாய விஷ்ணவே .

நமோ வை ப்³ரஹ்மநித⁴யே வாஸிஷ்டா²ய நமோ நம꞉ .. 4..

அவிகாராய ஶுத்³தா⁴ய நித்யாய பரமாத்மனே .

ஸதை³கரூபரூபாய விஷ்ணவே ஸர்வஜிஷ்ணவே .. 5..

யஸ்ய ஸ்மரணமாத்ரேண ஜன்மஸம்ʼஸாரப³ந்த⁴னாத் .

விமுச்யதே நமஸ்தஸ்மை விஷ்ணவே ப்ரப⁴விஷ்ணவே .. 6..

ௐ நமோ விஷ்ணவே ப்ரப⁴விஷ்ணவே .

     ஶ்ரீவைஶம்பாயன உவாச ---

ஶ்ருத்வா த⁴ர்மானஶேஷேண பாவனானி ச ஸர்வஶ꞉ .

யுதி⁴ஷ்டி²ர꞉ ஶாந்தனவம்ʼ புனரேவாப்⁴யபா⁴ஷத .. 7..

     யுதி⁴ஷ்டி²ர உவாச ---

கிமேகம்ʼ தை³வதம்ʼ லோகே கிம்ʼ வாப்யேகம்ʼ பராயணம் .

ஸ்துவந்த꞉ கம்ʼ கமர்சந்த꞉ ப்ராப்னுயுர்மானவா꞉ ஶுப⁴ம் .. 8..

கோ த⁴ர்ம꞉ ஸர்வத⁴ர்மாணாம்ʼ ப⁴வத꞉ பரமோ மத꞉ .

கிம்ʼ ஜபன்முச்யதே ஜந்துர்ஜன்மஸம்ʼஸாரப³ந்த⁴னாத் .. 9..

     பீ⁴ஷ்ம உவாச ---

ஜக³த்ப்ரபு⁴ம்ʼ தே³வதே³வமனந்தம்ʼ புருஷோத்தமம் .

ஸ்துவன் நாமஸஹஸ்ரேண புருஷ꞉ ஸததோத்தி²த꞉ .. 10..

தமேவ சார்சயந்நித்யம்ʼ  ப⁴க்த்யா புருஷமவ்யயம் .

த்⁴யாயன் ஸ்துவன் நமஸ்யம்ʼஶ்ச யஜமானஸ்தமேவ ச .. 11..

அநாதி³நித⁴னம்ʼ விஷ்ணும்ʼ ஸர்வலோகமஹேஶ்வரம் .

லோகாத்⁴யக்ஷம்ʼ ஸ்துவந்நித்யம்ʼ ஸர்வது³꞉கா²திகோ³ ப⁴வேத் .. 12..

ப்³ரஹ்மண்யம்ʼ ஸர்வத⁴ர்மஜ்ஞம்ʼ லோகானாம்ʼ கீர்திவர்த⁴னம் .

லோகநாத²ம்ʼ மஹத்³பூ⁴தம்ʼ ஸர்வபூ⁴தப⁴வோத்³ப⁴வம் .. 13..

ஏஷ மே ஸர்வத⁴ர்மாணாம்ʼ த⁴ர்மோ(அ)தி⁴கதமோ மத꞉ .

யத்³ப⁴க்த்யா புண்ட³ரீகாக்ஷம்ʼ ஸ்தவைரர்சேன்னர꞉ ஸதா³ .. 14..

பரமம்ʼ யோ மஹத்தேஜ꞉ பரமம்ʼ யோ மஹத்தப꞉ .

பரமம்ʼ யோ மஹத்³ப்³ரஹ்ம பரமம்ʼ ய꞉ பராயணம் .. 15..

பவித்ராணாம்ʼ பவித்ரம்ʼ யோ மங்க³லானாம்ʼ ச மங்க³லம் .

தை³வதம்ʼ தை³வதானாம்ʼ ச பூ⁴தானாம்ʼ யோ(அ)வ்யய꞉ பிதா .. 16..

யத꞉ ஸர்வாணி பூ⁴தானி ப⁴வந்த்யாதி³யுகா³க³மே .

யஸ்மிம்ʼஶ்ச ப்ரலயம்ʼ யாந்தி புனரேவ யுக³க்ஷயே .. 17..

தஸ்ய லோகப்ரதா⁴னஸ்ய ஜக³ந்நாத²ஸ்ய பூ⁴பதே .

விஷ்ணோர்நாமஸஹஸ்ரம்ʼ மே ஶ்ருʼணு பாபப⁴யாபஹம் .. 18..

யானி நாமானி கௌ³ணானி விக்²யாதானி மஹாத்மன꞉ .

ருʼஷிபி⁴꞉ பரிகீ³தானி தானி வக்ஷ்யாமி பூ⁴தயே .. 19..

ருʼஷிர்நாம்னாம்ʼ ஸஹஸ்ரஸ்ய வேத³வ்யாஸோ மஹாமுனி꞉ ..

ச²ந்தோ³(அ)னுஷ்டுப் ததா² தே³வோ ப⁴க³வான் தே³வகீஸுத꞉ .. 20..

அம்ருʼதாம்ʼஶூத்³ப⁴வோ பீ³ஜம்ʼ ஶக்திர்தே³வகிநந்த³ன꞉ .

த்ரிஸாமா ஹ்ருʼத³யம்ʼ தஸ்ய ஶாந்த்யர்தே² விநியோஜ்யதே .. 21..

விஷ்ணும்ʼ ஜிஷ்ணும்ʼ மஹாவிஷ்ணும்ʼ ப்ரப⁴விஷ்ணும்ʼ மஹேஶ்வரம் ..

அனேகரூப தை³த்யாந்தம்ʼ நமாமி புருஷோத்தமம்ʼ .. 22 ..

           பூர்வந்யாஸ꞉ .

     ஶ்ரீவேத³வ்யாஸ உவாச ---

ௐ அஸ்ய ஶ்ரீவிஷ்ணோர்தி³வ்யஸஹஸ்ரநாமஸ்தோத்ரமஹாமந்த்ரஸ்ய .

ஶ்ரீ வேத³வ்யாஸோ ப⁴க³வான் ருʼஷி꞉ .

அனுஷ்டுப் ச²ந்த³꞉ .

ஶ்ரீமஹாவிஷ்ணு꞉ பரமாத்மா ஶ்ரீமந்நாராயணோ தே³வதா .

அம்ருʼதாம்ʼஶூத்³ப⁴வோ பா⁴னுரிதி பீ³ஜம் .

தே³வகீநந்த³ன꞉ ஸ்ரஷ்டேதி ஶக்தி꞉ .

உத்³ப⁴வ꞉ க்ஷோப⁴ணோ தே³வ இதி பரமோ மந்த்ர꞉ .

ஶங்க²ப்⁴ருʼன்னந்த³கீ சக்ரீதி கீலகம் .

ஶார்ங்க³த⁴ன்வா க³தா³த⁴ர இத்யஸ்த்ரம் .

ரதா²ங்க³பாணிரக்ஷோப்⁴ய இதி நேத்ரம் .

த்ரிஸாமா ஸாமக³꞉ ஸாமேதி கவசம் .

ஆனந்த³ம்ʼ பரப்³ரஹ்மேதி யோனி꞉ .

ருʼது꞉ ஸுத³ர்ஶன꞉ கால இதி தி³க்³ப³ந்த⁴꞉ ..

ஶ்ரீவிஶ்வரூப இதி த்⁴யானம் .

ஶ்ரீமஹாவிஷ்ணுப்ரீத்யர்தே² ஸஹஸ்ரநாமஸ்தோத்ரபாடே² விநியோக³꞉ ..

           அத² ந்யாஸ꞉ .

ௐ ஶிரஸி வேத³வ்யாஸருʼஷயே நம꞉ .

முகே² அனுஷ்டுப்ச²ந்த³ஸே நம꞉ .

ஹ்ருʼதி³ ஶ்ரீக்ருʼஷ்ணபரமாத்மதே³வதாயை நம꞉ .

கு³ஹ்யே அம்ருʼதாம்ʼஶூத்³ப⁴வோ பா⁴னுரிதி பீ³ஜாய நம꞉ .

பாத³யோர்தே³வகீநந்த³ன꞉ ஸ்ரஷ்டேதி ஶக்தயே நம꞉ .

ஸர்வாங்கே³ ஶங்க²ப்⁴ருʼன்னந்த³கீ சக்ரீதி கீலகாய நம꞉ .

கரஸம்பூடே மம ஶ்ரீக்ருʼஷ்ணப்ரீத்யர்தே² ஜபே விநியோகா³ய நம꞉ ..

இதி ருʼஷயாதி³ந்யாஸ꞉ ..

           அத² கரந்யாஸ꞉ .

ௐ விஶ்வம்ʼ விஷ்ணுர்வஷட்கார இத்யங்கு³ஷ்டா²ப்⁴யாம்ʼ நம꞉ .

அம்ருʼதாம்ʼஶூத்³ப⁴வோ பா⁴னுரிதி தர்ஜனீப்⁴யாம்ʼ நம꞉ .

ப்³ரஹ்மண்யோ ப்³ரஹ்மக்ருʼத்³ப்³ரஹ்மேதி மத்⁴யமாப்⁴யாம்ʼ நம꞉ .

ஸுவர்ணபி³ந்து³ரக்ஷோப்⁴ய இத்யநாமிகாப்⁴யாம்ʼ நம꞉ .

நிமிஷோ(அ)நிமிஷ꞉ ஸ்ரக்³வீதி கநிஷ்டி²காப்⁴யாம்ʼ நம꞉ .

ரதா²ங்க³பாணிரக்ஷோப்⁴ய இதி கரதலகரப்ருʼஷ்டா²ப்⁴யாம்ʼ நம꞉ .

இதி கரந்யாஸ꞉ .

           அத² ஷட³ங்க³ந்யாஸ꞉ .

ௐ விஶ்வம்ʼ விஷ்ணுர்வஷட்கார இதி ஹ்ருʼத³யாய நம꞉ .

அம்ருʼதாம்ʼஶூத்³ப⁴வோ பா⁴னுரிதி ஶிரஸே ஸ்வாஹா .

ப்³ரஹ்மண்யோ ப்³ரஹ்மக்ருʼத்³ப்³ரஹ்மேதி ஶிகா²யை வஷட் .

ஸுவர்ணபி³ந்து³ரக்ஷோப்⁴ய இதி கவசாய ஹும் .

நிமிஷோ(அ)நிமிஷ꞉ ஸ்ரக்³வீதி நேத்ரத்ரயாய வௌஷட் .

ரதா²ங்க³பாணிரக்ஷோப்⁴ய இத்யஸ்த்ராய ப²ட் .

இதி ஷட³ங்க³ந்யாஸ꞉ ..

ஶ்ரீக்ருʼஷ்ணப்ரீத்யர்தே² விஷ்ணோர்தி³வ்யஸஹஸ்ரநாமஜபமஹம்ʼ

கரிஷ்யே இதி ஸங்கல்ப꞉ .

           அத² த்⁴யானம் .

க்ஷீரோத³ன்வத்ப்ரதே³ஶே ஶுசிமணிவிலஸத்ஸைகதேர்மௌக்திகானாம்ʼ

மாலாக்லுʼப்தாஸனஸ்த²꞉ ஸ்ப²டிகமணினிபை⁴ர்மௌக்திகைர்மண்டி³தாங்க³꞉ .

ஶுப்⁴ரைரப்⁴ரைரத³ப்⁴ரைருபரிவிரசிதைர்முக்தபீயூஷ வர்ஷை꞉

ஆனந்தீ³ ந꞉ புனீயாத³ரிநலினக³தா³ ஶங்க²பாணிர்முகுந்த³꞉ .. 1..

பூ⁴꞉ பாதௌ³ யஸ்ய நாபி⁴ர்வியத³ஸுரனிலஶ்சந்த்³ர ஸூர்யௌ ச நேத்ரே

கர்ணாவாஶா꞉ ஶிரோ த்³யௌர்முக²மபி த³ஹனோ யஸ்ய வாஸ்தேயமப்³தி⁴꞉ .

அந்த꞉ஸ்த²ம்ʼ யஸ்ய விஶ்வம்ʼ ஸுரநரக²க³கோ³போ⁴கி³க³ந்த⁴ர்வதை³த்யை꞉

சித்ரம்ʼ ரம்ʼரம்யதே தம்ʼ த்ரிபு⁴வன வபுஷம்ʼ விஷ்ணுமீஶம்ʼ நமாமி .. 2..

ௐ ஶாந்தாகாரம்ʼ பு⁴ஜக³ஶயனம்ʼ பத்³மநாப⁴ம்ʼ ஸுரேஶம்ʼ

விஶ்வாதா⁴ரம்ʼ க³க³னஸத்³ருʼஶம்ʼ மேக⁴வர்ணம்ʼ ஶுபா⁴ங்க³ம் .

லக்ஷ்மீகாந்தம்ʼ கமலநயனம்ʼ யோகி³பி⁴ர்த்⁴யானக³ம்யம்ʼ  var  யோகி³ஹ்ருʼத்³த்⁴யானக³ம்யம்ʼ

வந்தே³ விஷ்ணும்ʼ ப⁴வப⁴யஹரம்ʼ ஸர்வலோகைகநாத²ம் .. 3..

மேக⁴ஶ்யாமம்ʼ பீதகௌஶேயவாஸம்ʼ

ஶ்ரீவத்ஸாங்கம்ʼ கௌஸ்துபோ⁴த்³பா⁴ஸிதாங்க³ம் .

புண்யோபேதம்ʼ புண்ட³ரீகாயதாக்ஷம்ʼ

விஷ்ணும்ʼ வந்தே³ ஸர்வலோகைகநாத²ம் .. 4..

நம꞉ ஸமஸ்தபூ⁴தாநாமாதி³பூ⁴தாய பூ⁴ப்⁴ருʼதே .

அனேகரூபரூபாய விஷ்ணவே ப்ரப⁴விஷ்ணவே .. 5..

ஸஶங்க²சக்ரம்ʼ ஸகிரீடகுண்ட³லம்ʼ

ஸபீதவஸ்த்ரம்ʼ ஸரஸீருஹேக்ஷணம் .

ஸஹாரவக்ஷ꞉ஸ்த²லகௌஸ்துப⁴ஶ்ரியம்ʼ  var  ஸ்த²லஶோபி⁴கௌஸ்துப⁴ம்ʼ

நமாமி விஷ்ணும்ʼ ஶிரஸா சதுர்பு⁴ஜம் .. 6..

சா²யாயாம்ʼ பாரிஜாதஸ்ய ஹேமஸிம்ʼஹாஸனோபரி

ஆஸீனமம்பு³த³ஶ்யாமமாயதாக்ஷமலங்க்ருʼதம் .

சந்த்³ரானனம்ʼ சதுர்பா³ஹும்ʼ ஶ்ரீவத்ஸாங்கித வக்ஷஸம்ʼ

ருக்மிணீ ஸத்யபா⁴மாப்⁴யாம்ʼ ஸஹிதம்ʼ க்ருʼஷ்ணமாஶ்ரயே .. 7..

      ஸ்தோத்ரம் .

           ஹரி꞉ ௐ .

விஶ்வம்ʼ விஷ்ணுர்வஷட்காரோ பூ⁴தப⁴வ்யப⁴வத்ப்ரபு⁴꞉ .

பூ⁴தக்ருʼத்³பூ⁴தப்⁴ருʼத்³பா⁴வோ பூ⁴தாத்மா பூ⁴தபா⁴வன꞉ .. 1..

பூதாத்மா பரமாத்மா ச முக்தானாம்ʼ பரமா க³தி꞉ .

அவ்யய꞉ புருஷ꞉ ஸாக்ஷீ க்ஷேத்ரஜ்ஞோ(அ)க்ஷர ஏவ ச .. 2..

யோகோ³ யோக³விதா³ம்ʼ நேதா ப்ரதா⁴னபுருஷேஶ்வர꞉ .

நாரஸிம்ʼஹவபு꞉ ஶ்ரீமான் கேஶவ꞉ புருஷோத்தம꞉ .. 3..

ஸர்வ꞉ ஶர்வ꞉ ஶிவ꞉ ஸ்தா²ணுர்பூ⁴தாதி³ர்நிதி⁴ரவ்யய꞉ .

ஸம்ப⁴வோ பா⁴வனோ ப⁴ர்தா ப்ரப⁴வ꞉ ப்ரபு⁴ரீஶ்வர꞉ .. 4..

ஸ்வயம்பூ⁴꞉ ஶம்பு⁴ராதி³த்ய꞉ புஷ்கராக்ஷோ மஹாஸ்வன꞉ .

அநாதி³நித⁴னோ தா⁴தா விதா⁴தா தா⁴துருத்தம꞉ .. 5..

அப்ரமேயோ ஹ்ருʼஷீகேஶ꞉ பத்³மநாபோ⁴(அ)மரப்ரபு⁴꞉ .

விஶ்வகர்மா மனுஸ்த்வஷ்டா ஸ்த²விஷ்ட²꞉ ஸ்த²விரோ த்⁴ருவ꞉ .. 6..

அக்³ராஹ்ய꞉ ஶாஶ்வத꞉ க்ருʼஷ்ணோ லோஹிதாக்ஷ꞉ ப்ரதர்த³ன꞉ .

ப்ரபூ⁴தஸ்த்ரிககுப்³தா⁴ம பவித்ரம்ʼ மங்க³லம்ʼ பரம் .. 7..

ஈஶான꞉ ப்ராணத³꞉ ப்ராணோ ஜ்யேஷ்ட²꞉ ஶ்ரேஷ்ட²꞉ ப்ரஜாபதி꞉ .

ஹிரண்யக³ர்போ⁴ பூ⁴க³ர்போ⁴ மாத⁴வோ மது⁴ஸூத³ன꞉ .. 8..

ஈஶ்வரோ விக்ரமீ த⁴ன்வீ மேதா⁴வீ விக்ரம꞉ க்ரம꞉ .

அனுத்தமோ து³ராத⁴ர்ஷ꞉ க்ருʼதஜ்ஞ꞉ க்ருʼதிராத்மவான் .. 9..

ஸுரேஶ꞉ ஶரணம்ʼ ஶர்ம விஶ்வரேதா꞉ ப்ரஜாப⁴வ꞉ .

அஹ꞉ ஸம்ʼவத்ஸரோ வ்யால꞉ ப்ரத்யய꞉ ஸர்வத³ர்ஶன꞉ .. 10..

அஜ꞉ ஸர்வேஶ்வர꞉ ஸித்³த⁴꞉ ஸித்³தி⁴꞉ ஸர்வாதி³ரச்யுத꞉ .

வ்ருʼஷாகபிரமேயாத்மா ஸர்வயோக³விநி꞉ஸ்ருʼத꞉ .. 11..

வஸுர்வஸுமனா꞉ ஸத்ய꞉ ஸமாத்மா(அ)ஸம்மித꞉ ஸம꞉ .

அமோக⁴꞉ புண்ட³ரீகாக்ஷோ வ்ருʼஷகர்மா வ்ருʼஷாக்ருʼதி꞉ .. 12..

ருத்³ரோ ப³ஹுஶிரா ப³ப்⁴ருர்விஶ்வயோனி꞉ ஶுசிஶ்ரவா꞉ .

அம்ருʼத꞉ ஶாஶ்வதஸ்தா²ணுர்வராரோஹோ மஹாதபா꞉ .. 13..

ஸர்வக³꞉ ஸர்வவித்³பா⁴னுர்விஷ்வக்ஸேனோ ஜனார்த³ன꞉ .

வேதோ³ வேத³வித³வ்யங்கோ³ வேதா³ங்கோ³ வேத³வித் கவி꞉ .. 14..

லோகாத்⁴யக்ஷ꞉ ஸுராத்⁴யக்ஷோ த⁴ர்மாத்⁴யக்ஷ꞉ க்ருʼதாக்ருʼத꞉ .

சதுராத்மா சதுர்வ்யூஹஶ்சதுர்த³ம்ʼஷ்ட்ரஶ்சதுர்பு⁴ஜ꞉ .. 15..

ப்⁴ராஜிஷ்ணுர்போ⁴ஜனம்ʼ போ⁴க்தா ஸஹிஷ்ணுர்ஜக³தா³தி³ஜ꞉ .

அனகோ⁴ விஜயோ ஜேதா விஶ்வயோனி꞉ புனர்வஸு꞉ .. 16..

உபேந்த்³ரோ வாமன꞉ ப்ராம்ʼஶுரமோக⁴꞉ ஶுசிரூர்ஜித꞉ .

அதீந்த்³ர꞉ ஸங்க்³ரஹ꞉ ஸர்கோ³ த்⁴ருʼதாத்மா நியமோ யம꞉ .. 17..

வேத்³யோ வைத்³ய꞉ ஸதா³யோகீ³ வீரஹா மாத⁴வோ மது⁴꞉ .

அதீந்த்³ரியோ மஹாமாயோ மஹோத்ஸாஹோ மஹாப³ல꞉ .. 18..

மஹாபு³த்³தி⁴ர்மஹாவீர்யோ மஹாஶக்திர்மஹாத்³யுதி꞉ .

அநிர்தே³ஶ்யவபு꞉ ஶ்ரீமானமேயாத்மா மஹாத்³ரித்⁴ருʼக் .. 19..

மஹேஷ்வாஸோ மஹீப⁴ர்தா ஶ்ரீநிவாஸ꞉ ஸதாம்ʼ க³தி꞉ .

அநிருத்³த⁴꞉ ஸுரானந்தோ³ கோ³விந்தோ³ கோ³விதா³ம்ʼ பதி꞉ .. 20..

மரீசிர்த³மனோ ஹம்ʼஸ꞉ ஸுபர்ணோ பு⁴ஜகோ³த்தம꞉ .

ஹிரண்யநாப⁴꞉ ஸுதபா꞉ பத்³மநாப⁴꞉ ப்ரஜாபதி꞉ .. 21..

அம்ருʼத்யு꞉ ஸர்வத்³ருʼக் ஸிம்ʼஹ꞉ ஸந்தா⁴தா ஸந்தி⁴மான் ஸ்தி²ர꞉ .

அஜோ து³ர்மர்ஷண꞉ ஶாஸ்தா விஶ்ருதாத்மா ஸுராரிஹா .. 22..

கு³ருர்கு³ருதமோ தா⁴ம ஸத்ய꞉ ஸத்யபராக்ரம꞉ .

நிமிஷோ(அ)நிமிஷ꞉ ஸ்ரக்³வீ வாசஸ்பதிருதா³ரதீ⁴꞉ .. 23..

அக்³ரணீர்க்³ராமணீ꞉ ஶ்ரீமான் ந்யாயோ நேதா ஸமீரண꞉ .

ஸஹஸ்ரமூர்தா⁴ விஶ்வாத்மா ஸஹஸ்ராக்ஷ꞉ ஸஹஸ்ரபாத் .. 24..

ஆவர்தனோ நிவ்ருʼத்தாத்மா ஸம்ʼவ்ருʼத꞉ ஸம்ப்ரமர்த³ன꞉ .

அஹ꞉ ஸம்ʼவர்தகோ வஹ்நிரனிலோ த⁴ரணீத⁴ர꞉ .. 25..

ஸுப்ரஸாத³꞉ ப்ரஸன்னாத்மா விஶ்வத்⁴ருʼக்³விஶ்வபு⁴க்³விபு⁴꞉ .

ஸத்கர்தா ஸத்க்ருʼத꞉ ஸாது⁴ர்ஜஹ்னுர்நாராயணோ நர꞉ .. 26..

அஸங்க்²யேயோ(அ)ப்ரமேயாத்மா விஶிஷ்ட꞉ ஶிஷ்டக்ருʼச்சு²சி꞉ .

ஸித்³தா⁴ர்த²꞉ ஸித்³த⁴ஸங்கல்ப꞉ ஸித்³தி⁴த³꞉ ஸித்³தி⁴ஸாத⁴ன꞉ .. 27..

வ்ருʼஷாஹீ வ்ருʼஷபோ⁴ விஷ்ணுர்வ்ருʼஷபர்வா வ்ருʼஷோத³ர꞉ .

வர்த⁴னோ வர்த⁴மானஶ்ச விவிக்த꞉ ஶ்ருதிஸாக³ர꞉ .. 28..

ஸுபு⁴ஜோ து³ர்த⁴ரோ வாக்³மீ மஹேந்த்³ரோ வஸுதோ³ வஸு꞉ .

நைகரூபோ ப்³ருʼஹத்³ரூப꞉ ஶிபிவிஷ்ட꞉ ப்ரகாஶன꞉ .. 29..

ஓஜஸ்தேஜோத்³யுதித⁴ர꞉ ப்ரகாஶாத்மா ப்ரதாபன꞉ .

ருʼத்³த⁴꞉ ஸ்பஷ்டாக்ஷரோ மந்த்ரஶ்சந்த்³ராம்ʼஶுர்பா⁴ஸ்கரத்³யுதி꞉ .. 30..

அம்ருʼதாம்ʼஶூத்³ப⁴வோ பா⁴னு꞉ ஶஶபி³ந்து³꞉ ஸுரேஶ்வர꞉ .

ஔஷத⁴ம்ʼ ஜக³த꞉ ஸேது꞉ ஸத்யத⁴ர்மபராக்ரம꞉ .. 31..

பூ⁴தப⁴வ்யப⁴வந்நாத²꞉ பவன꞉ பாவனோ(அ)னல꞉ .

காமஹா காமக்ருʼத்காந்த꞉ காம꞉ காமப்ரத³꞉ ப்ரபு⁴꞉ .. 32..

யுகா³தி³க்ருʼத்³யுகா³வர்தோ நைகமாயோ மஹாஶன꞉ .

அத்³ருʼஶ்யோ வ்யக்தரூபஶ்ச ஸஹஸ்ரஜித³னந்தஜித் .. 33..

இஷ்டோ(அ)விஶிஷ்ட꞉ ஶிஷ்டேஷ்ட꞉ ஶிக²ண்டீ³ நஹுஷோ வ்ருʼஷ꞉ .

க்ரோத⁴ஹா க்ரோத⁴க்ருʼத்கர்தா விஶ்வபா³ஹுர்மஹீத⁴ர꞉ .. 34..

அச்யுத꞉ ப்ரதி²த꞉ ப்ராண꞉ ப்ராணதோ³ வாஸவானுஜ꞉ .

அபாம்ʼநிதி⁴ரதி⁴ஷ்டா²னமப்ரமத்த꞉ ப்ரதிஷ்டி²த꞉ .. 35..

ஸ்கந்த³꞉ ஸ்கந்த³த⁴ரோ து⁴ர்யோ வரதோ³ வாயுவாஹன꞉ .

வாஸுதே³வோ ப்³ருʼஹத்³பா⁴னுராதி³தே³வ꞉ புரந்த³ர꞉ .. 36..

அஶோகஸ்தாரணஸ்தார꞉ ஶூர꞉ ஶௌரிர்ஜனேஶ்வர꞉ .

அனுகூல꞉ ஶதாவர்த꞉ பத்³மீ பத்³மனிபே⁴க்ஷண꞉ .. 37..

பத்³மநாபோ⁴(அ)ரவிந்தா³க்ஷ꞉ பத்³மக³ர்ப⁴꞉ ஶரீரப்⁴ருʼத் .

மஹர்த்³தி⁴ர்ருʼத்³தோ⁴ வ்ருʼத்³தா⁴த்மா மஹாக்ஷோ க³ருட³த்⁴வஜ꞉ .. 38..

அதுல꞉ ஶரபோ⁴ பீ⁴ம꞉ ஸமயஜ்ஞோ ஹவிர்ஹரி꞉ .

ஸர்வலக்ஷணலக்ஷண்யோ லக்ஷ்மீவான் ஸமிதிஞ்ஜய꞉ .. 39..

விக்ஷரோ ரோஹிதோ மார்கோ³ ஹேதுர்தா³மோத³ர꞉ ஸஹ꞉ .

மஹீத⁴ரோ மஹாபா⁴கோ³ வேக³வானமிதாஶன꞉ .. 40..

உத்³ப⁴வ꞉ க்ஷோப⁴ணோ தே³வ꞉ ஶ்ரீக³ர்ப⁴꞉ பரமேஶ்வர꞉ .

கரணம்ʼ காரணம்ʼ கர்தா விகர்தா க³ஹனோ கு³ஹ꞉ .. 41..

வ்யவஸாயோ வ்யவஸ்தா²ன꞉ ஸம்ʼஸ்தா²ன꞉ ஸ்தா²னதோ³ த்⁴ருவ꞉ .

பரர்த்³தி⁴꞉ பரமஸ்பஷ்டஸ்துஷ்ட꞉ புஷ்ட꞉ ஶுபே⁴க்ஷண꞉ .. 42..

ராமோ விராமோ விரஜோ மார்கோ³ நேயோ நயோ(அ)னய꞉ . or விராமோ விரதோ

வீர꞉ ஶக்திமதாம்ʼ ஶ்ரேஷ்டோ² த⁴ர்மோ த⁴ர்மவிது³த்தம꞉ .. 43..

வைகுண்ட²꞉ புருஷ꞉ ப்ராண꞉ ப்ராணத³꞉ ப்ரணவ꞉ ப்ருʼது²꞉ .

ஹிரண்யக³ர்ப⁴꞉ ஶத்ருக்⁴னோ வ்யாப்தோ வாயுரதோ⁴க்ஷஜ꞉ .. 44..

ருʼது꞉ ஸுத³ர்ஶன꞉ கால꞉ பரமேஷ்டீ² பரிக்³ரஹ꞉ .

உக்³ர꞉ ஸம்ʼவத்ஸரோ த³க்ஷோ விஶ்ராமோ விஶ்வத³க்ஷிண꞉ .. 45..

விஸ்தார꞉ ஸ்தா²வரஸ்தா²ணு꞉ ப்ரமாணம்ʼ பீ³ஜமவ்யயம் .

அர்தோ²(அ)னர்தோ² மஹாகோஶோ மஹாபோ⁴கோ³ மஹாத⁴ன꞉ .. 46..

அநிர்விண்ண꞉ ஸ்த²விஷ்டோ²(அ)பூ⁴ர்த⁴ர்மயூபோ மஹாமக²꞉ .

நக்ஷத்ரனேமிர்நக்ஷத்ரீ க்ஷம꞉ க்ஷாம꞉ ஸமீஹன꞉ .. 47..

யஜ்ஞ இஜ்யோ மஹேஜ்யஶ்ச க்ரது꞉ ஸத்ரம்ʼ ஸதாம்ʼ க³தி꞉ .

ஸர்வத³ர்ஶீ விமுக்தாத்மா ஸர்வஜ்ஞோ ஜ்ஞானமுத்தமம் .. 48..

ஸுவ்ரத꞉ ஸுமுக²꞉ ஸூக்ஷ்ம꞉ ஸுகோ⁴ஷ꞉ ஸுக²த³꞉ ஸுஹ்ருʼத் .

மனோஹரோ ஜிதக்ரோதோ⁴ வீரபா³ஹுர்விதா³ரண꞉ .. 49..

ஸ்வாபன꞉ ஸ்வவஶோ வ்யாபீ நைகாத்மா நைககர்மக்ருʼத் .

வத்ஸரோ வத்ஸலோ வத்ஸீ ரத்நக³ர்போ⁴ த⁴னேஶ்வர꞉ .. 50..

த⁴ர்மகு³ப்³த⁴ர்மக்ருʼத்³த⁴ர்மீ ஸத³ஸத்க்ஷரமக்ஷரம் .

அவிஜ்ஞாதா ஸஹஸ்ராம்ʼஶுர்விதா⁴தா க்ருʼதலக்ஷண꞉ .. 51..

க³ப⁴ஸ்தினேமி꞉ ஸத்த்வஸ்த²꞉ ஸிம்ʼஹோ பூ⁴தமஹேஶ்வர꞉ .

ஆதி³தே³வோ மஹாதே³வோ தே³வேஶோ தே³வப்⁴ருʼத்³கு³ரு꞉ .. 52..

உத்தரோ கோ³பதிர்கோ³ப்தா ஜ்ஞானக³ம்ய꞉ புராதன꞉ .

ஶரீரபூ⁴தப்⁴ருʼத்³போ⁴க்தா கபீந்த்³ரோ பூ⁴ரித³க்ஷிண꞉ .. 53..

ஸோமபோ(அ)ம்ருʼதப꞉ ஸோம꞉ புருஜித்புருஸத்தம꞉ .

வினயோ ஜய꞉ ஸத்யஸந்தோ⁴ தா³ஶார்ஹ꞉ ஸாத்வதாம்பதி꞉ .. 54.. விநியோஜ்ய꞉

ஜீவோ வினயிதா ஸாக்ஷீ முகுந்தோ³(அ)மிதவிக்ரம꞉ .

அம்போ⁴நிதி⁴ரனந்தாத்மா மஹோத³தி⁴ஶயோ(அ)ந்தக꞉ .. 55..

அஜோ மஹார்ஹ꞉ ஸ்வாபா⁴வ்யோ ஜிதாமித்ர꞉ ப்ரமோத³ன꞉ .

ஆனந்தோ³ நந்த³னோ நந்த³꞉ ஸத்யத⁴ர்மா த்ரிவிக்ரம꞉ .. 56..

மஹர்ஷி꞉ கபிலாசார்ய꞉ க்ருʼதஜ்ஞோ மேதி³னீபதி꞉ .

த்ரிபத³ஸ்த்ரித³ஶாத்⁴யக்ஷோ மஹாஶ்ருʼங்க³꞉ க்ருʼதாந்தக்ருʼத் .. 57..

மஹாவராஹோ கோ³விந்த³꞉ ஸுஷேண꞉ கனகாங்க³தீ³ .

கு³ஹ்யோ க³பீ⁴ரோ க³ஹனோ கு³ப்தஶ்சக்ரக³தா³த⁴ர꞉ .. 58..

வேதா⁴꞉ ஸ்வாங்கோ³(அ)ஜித꞉ க்ருʼஷ்ணோ த்³ருʼட⁴꞉ ஸங்கர்ஷணோ(அ)ச்யுத꞉ .

வருணோ வாருணோ வ்ருʼக்ஷ꞉ புஷ்கராக்ஷோ மஹாமனா꞉ .. 59..

ப⁴க³வான் ப⁴க³ஹா(ஆ)நந்தீ³ வனமாலீ ஹலாயுத⁴꞉ .

ஆதி³த்யோ ஜ்யோதிராதி³த்ய꞉ ஸஹிஷ்ணுர்க³திஸத்தம꞉ .. 60..

ஸுத⁴ன்வா க²ண்ட³பரஶுர்தா³ருணோ த்³ரவிணப்ரத³꞉ .

தி³வஸ்ப்ருʼக் ஸர்வத்³ருʼக்³வ்யாஸோ வாசஸ்பதிரயோநிஜ꞉ .. 61..  var  தி³விஸ்ப்ருʼக்

த்ரிஸாமா ஸாமக³꞉ ஸாம நிர்வாணம்ʼ பே⁴ஷஜம்ʼ பி⁴ஷக் .

ஸம்ʼந்யாஸக்ருʼச்ச²ம꞉ ஶாந்தோ நிஷ்டா² ஶாந்தி꞉ பராயணம் .. 62..

ஶுபா⁴ங்க³꞉ ஶாந்தித³꞉ ஸ்ரஷ்டா குமுத³꞉ குவலேஶய꞉ .

கோ³ஹிதோ கோ³பதிர்கோ³ப்தா வ்ருʼஷபா⁴க்ஷோ வ்ருʼஷப்ரிய꞉ .. 63..

அநிவர்தீ நிவ்ருʼத்தாத்மா ஸங்க்ஷேப்தா க்ஷேமக்ருʼச்சி²வ꞉ .

ஶ்ரீவத்ஸவக்ஷா꞉ ஶ்ரீவாஸ꞉ ஶ்ரீபதி꞉ ஶ்ரீமதாம்ʼவர꞉ .. 64..

ஶ்ரீத³꞉ ஶ்ரீஶ꞉ ஶ்ரீநிவாஸ꞉ ஶ்ரீநிதி⁴꞉ ஶ்ரீவிபா⁴வன꞉ .

ஶ்ரீத⁴ர꞉ ஶ்ரீகர꞉ ஶ்ரேய꞉ ஶ்ரீமாம்ˮல்லோகத்ரயாஶ்ரய꞉ .. 65..

ஸ்வக்ஷ꞉ ஸ்வங்க³꞉ ஶதானந்தோ³ நந்தி³ர்ஜ்யோதிர்க³ணேஶ்வர꞉ .

விஜிதாத்மா(அ)விதே⁴யாத்மா ஸத்கீர்திஶ்சி²ன்னஸம்ʼஶய꞉ .. 66..

உதீ³ர்ண꞉ ஸர்வதஶ்சக்ஷுரனீஶ꞉ ஶாஶ்வதஸ்தி²ர꞉ .

பூ⁴ஶயோ பூ⁴ஷணோ பூ⁴திர்விஶோக꞉ ஶோகநாஶன꞉ .. 67..

அர்சிஷ்மானர்சித꞉ கும்போ⁴ விஶுத்³தா⁴த்மா விஶோத⁴ன꞉ .

அநிருத்³தோ⁴(அ)ப்ரதிரத²꞉ ப்ரத்³யும்னோ(அ)மிதவிக்ரம꞉ .. 68..

காலனேமினிஹா வீர꞉ ஶௌரி꞉ ஶூரஜனேஶ்வர꞉ .

த்ரிலோகாத்மா த்ரிலோகேஶ꞉ கேஶவ꞉ கேஶிஹா ஹரி꞉ .. 69..

காமதே³வ꞉ காமபால꞉ காமீ காந்த꞉ க்ருʼதாக³ம꞉ .

அநிர்தே³ஶ்யவபுர்விஷ்ணுர்வீரோ(அ)னந்தோ த⁴னஞ்ஜய꞉ .. 70..

ப்³ரஹ்மண்யோ ப்³ரஹ்மக்ருʼத்³ ப்³ரஹ்மா ப்³ரஹ்ம ப்³ரஹ்மவிவர்த⁴ன꞉ .

ப்³ரஹ்மவித்³ ப்³ராஹ்மணோ ப்³ரஹ்மீ ப்³ரஹ்மஜ்ஞோ ப்³ராஹ்மணப்ரிய꞉ .. 71..

மஹாக்ரமோ மஹாகர்மா மஹாதேஜா மஹோரக³꞉ .

மஹாக்ரதுர்மஹாயஜ்வா மஹாயஜ்ஞோ மஹாஹவி꞉ .. 72..

ஸ்தவ்ய꞉ ஸ்தவப்ரிய꞉ ஸ்தோத்ரம்ʼ ஸ்துதி꞉ ஸ்தோதா ரணப்ரிய꞉ .

பூர்ண꞉ பூரயிதா புண்ய꞉ புண்யகீர்திரநாமய꞉ .. 73..

மனோஜவஸ்தீர்த²கரோ வஸுரேதா வஸுப்ரத³꞉ .

வஸுப்ரதோ³ வாஸுதே³வோ வஸுர்வஸுமனா ஹவி꞉ .. 74..

ஸத்³க³தி꞉ ஸத்க்ருʼதி꞉ ஸத்தா ஸத்³பூ⁴தி꞉ ஸத்பராயண꞉ .

ஶூரஸேனோ யது³ஶ்ரேஷ்ட²꞉ ஸந்நிவாஸ꞉ ஸுயாமுன꞉ .. 75..

பூ⁴தாவாஸோ வாஸுதே³வ꞉ ஸர்வாஸுநிலயோ(அ)னல꞉ .

த³ர்பஹா த³ர்பதோ³ த்³ருʼப்தோ து³ர்த⁴ரோ(அ)தா²பராஜித꞉ .. 76..

விஶ்வமூர்திர்மஹாமூர்திர்தீ³ப்தமூர்திரமூர்திமான் .

அனேகமூர்திரவ்யக்த꞉ ஶதமூர்தி꞉ ஶதானன꞉ .. 77..

ஏகோ நைக꞉ ஸவ꞉ க꞉ கிம்ʼ யத் தத்பத³மனுத்தமம் .

லோகப³ந்து⁴ர்லோகநாதோ² மாத⁴வோ ப⁴க்தவத்ஸல꞉ .. 78..

ஸுவர்ணவர்ணோ ஹேமாங்கோ³ வராங்க³ஶ்சந்த³னாங்க³தீ³ .

வீரஹா விஷம꞉ ஶூன்யோ க்⁴ருʼதாஶீரசலஶ்சல꞉ .. 79..

அமானீ மானதோ³ மான்யோ லோகஸ்வாமீ த்ரிலோகத்⁴ருʼக் .

ஸுமேதா⁴ மேத⁴ஜோ த⁴ன்ய꞉ ஸத்யமேதா⁴ த⁴ராத⁴ர꞉ .. 80..

தேஜோவ்ருʼஷோ த்³யுதித⁴ர꞉ ஸர்வஶஸ்த்ரப்⁴ருʼதாம்ʼ வர꞉ .

ப்ரக்³ரஹோ நிக்³ரஹோ வ்யக்³ரோ நைகஶ்ருʼங்கோ³ க³தா³க்³ரஜ꞉ .. 81..

சதுர்மூர்திஶ்சதுர்பா³ஹுஶ்சதுர்வ்யூஹஶ்சதுர்க³தி꞉ .

சதுராத்மா சதுர்பா⁴வஶ்சதுர்வேத³விதே³கபாத் .. 82..

ஸமாவர்தோ(அ)நிவ்ருʼத்தாத்மா து³ர்ஜயோ து³ரதிக்ரம꞉ .

து³ர்லபோ⁴ து³ர்க³மோ து³ர்கோ³ து³ராவாஸோ து³ராரிஹா .. 83..

ஶுபா⁴ங்கோ³ லோகஸாரங்க³꞉ ஸுதந்துஸ்தந்துவர்த⁴ன꞉ .

இந்த்³ரகர்மா மஹாகர்மா க்ருʼதகர்மா க்ருʼதாக³ம꞉ .. 84..

உத்³ப⁴வ꞉ ஸுந்த³ர꞉ ஸுந்தோ³ ரத்னநாப⁴꞉ ஸுலோசன꞉ .

அர்கோ வாஜஸன꞉ ஶ்ருʼங்கீ³ ஜயந்த꞉ ஸர்வவிஜ்ஜயீ .. 85..

ஸுவர்ணபி³ந்து³ரக்ஷோப்⁴ய꞉ ஸர்வவாகீ³ஶ்வரேஶ்வர꞉ .

மஹாஹ்ரதோ³ மஹாக³ர்தோ மஹாபூ⁴தோ மஹாநிதி⁴꞉ .. 86..

குமுத³꞉ குந்த³ர꞉ குந்த³꞉ பர்ஜன்ய꞉ பாவனோ(அ)னில꞉ .

அம்ருʼதாஶோ(அ)ம்ருʼதவபு꞉ ஸர்வஜ்ஞ꞉ ஸர்வதோமுக²꞉ .. 87..

ஸுலப⁴꞉ ஸுவ்ரத꞉ ஸித்³த⁴꞉ ஶத்ருஜிச்ச²த்ருதாபன꞉ .

ந்யக்³ரோதோ⁴(அ)து³ம்ப³ரோ(அ)ஶ்வத்த²ஶ்சாணூராந்த்⁴ரநிஷூத³ன꞉ .. 88..

ஸஹஸ்ரார்சி꞉ ஸப்தஜிஹ்வ꞉ ஸப்தைதா⁴꞉ ஸப்தவாஹன꞉ .

அமூர்திரனகோ⁴(அ)சிந்த்யோ ப⁴யக்ருʼத்³ப⁴யநாஶன꞉ .. 89..

அணுர்ப்³ருʼஹத்க்ருʼஶ꞉ ஸ்தூ²லோ கு³ணப்⁴ருʼந்நிர்கு³ணோ மஹான் .

அத்⁴ருʼத꞉ ஸ்வத்⁴ருʼத꞉ ஸ்வாஸ்ய꞉ ப்ராக்³வம்ʼஶோ வம்ʼஶவர்த⁴ன꞉ .. 90..

பா⁴ரப்⁴ருʼத் கதி²தோ யோகீ³ யோகீ³ஶ꞉ ஸர்வகாமத³꞉ .

ஆஶ்ரம꞉ ஶ்ரமண꞉ க்ஷாம꞉ ஸுபர்ணோ வாயுவாஹன꞉ .. 91..

த⁴னுர்த⁴ரோ த⁴னுர்வேதோ³ த³ண்டோ³ த³மயிதா த³ம꞉ .

அபராஜித꞉ ஸர்வஸஹோ நியந்தா(அ)நியமோ(அ)யம꞉ .. 92..

ஸத்த்வவான் ஸாத்த்விக꞉ ஸத்ய꞉ ஸத்யத⁴ர்மபராயண꞉ .

அபி⁴ப்ராய꞉ ப்ரியார்ஹோ(அ)ர்ஹ꞉ ப்ரியக்ருʼத் ப்ரீதிவர்த⁴ன꞉ .. 93..

விஹாயஸக³திர்ஜ்யோதி꞉ ஸுருசிர்ஹுதபு⁴க்³விபு⁴꞉ .

ரவிர்விரோசன꞉ ஸூர்ய꞉ ஸவிதா ரவிலோசன꞉ .. 94..

அனந்தோ ஹுதபு⁴க்³போ⁴க்தா ஸுக²தோ³ நைகஜோ(அ)க்³ரஜ꞉ .

அநிர்விண்ண꞉ ஸதா³மர்ஷீ லோகாதி⁴ஷ்டா²னமத்³பு⁴த꞉ .. 95..

ஸனாத்ஸனாதனதம꞉ கபில꞉ கபிரவ்யய꞉ .

ஸ்வஸ்தித³꞉ ஸ்வஸ்திக்ருʼத்ஸ்வஸ்தி ஸ்வஸ்திபு⁴க்ஸ்வஸ்தித³க்ஷிண꞉ .. 96..

அரௌத்³ர꞉ குண்ட³லீ சக்ரீ விக்ரம்யூர்ஜிதஶாஸன꞉ .

ஶப்³தா³திக³꞉ ஶப்³த³ஸஹ꞉ ஶிஶிர꞉ ஶர்வரீகர꞉ .. 97..

அக்ரூர꞉ பேஶலோ த³க்ஷோ த³க்ஷிண꞉ க்ஷமிணாம்ʼவர꞉ .

வித்³வத்தமோ வீதப⁴ய꞉ புண்யஶ்ரவணகீர்தன꞉ .. 98..

உத்தாரணோ து³ஷ்க்ருʼதிஹா புண்யோ து³꞉ஸ்வப்னநாஶன꞉ .

வீரஹா ரக்ஷண꞉ ஸந்தோ ஜீவன꞉ பர்யவஸ்தி²த꞉ .. 99..

அனந்தரூபோ(அ)னந்தஶ்ரீர்ஜிதமன்யுர்ப⁴யாபஹ꞉ .

சதுரஶ்ரோ க³பீ⁴ராத்மா விதி³ஶோ வ்யாதி³ஶோ தி³ஶ꞉ .. 100..

அநாதி³ர்பூ⁴ர்பு⁴வோ லக்ஷ்மீ꞉ ஸுவீரோ ருசிராங்க³த³꞉ .

ஜனனோ ஜனஜன்மாதி³ர்பீ⁴மோ பீ⁴மபராக்ரம꞉ .. 101..

ஆதா⁴ரநிலயோ(அ)தா⁴தா புஷ்பஹாஸ꞉ ப்ரஜாக³ர꞉ .

ஊர்த்⁴வக³꞉ ஸத்பதா²சார꞉ ப்ராணத³꞉ ப்ரணவ꞉ பண꞉ .. 102..

ப்ரமாணம்ʼ ப்ராணநிலய꞉ ப்ராணப்⁴ருʼத்ப்ராணஜீவன꞉ .

தத்த்வம்ʼ தத்த்வவிதே³காத்மா ஜன்மம்ருʼத்யுஜராதிக³꞉ .. 103..

பூ⁴ர்பு⁴வ꞉ஸ்வஸ்தருஸ்தார꞉ ஸவிதா ப்ரபிதாமஹ꞉ .

யஜ்ஞோ யஜ்ஞபதிர்யஜ்வா யஜ்ஞாங்கோ³ யஜ்ஞவாஹன꞉ .. 104..

யஜ்ஞப்⁴ருʼத்³ யஜ்ஞக்ருʼத்³ யஜ்ஞீ யஜ்ஞபு⁴க்³ யஜ்ஞஸாத⁴ன꞉ .

யஜ்ஞாந்தக்ருʼத்³ யஜ்ஞகு³ஹ்யமன்னமந்நாத³ ஏவ ச .. 105..

ஆத்மயோனி꞉ ஸ்வயஞ்ஜாதோ வைகா²ன꞉ ஸாமகா³யன꞉ .

தே³வகீநந்த³ன꞉ ஸ்ரஷ்டா க்ஷிதீஶ꞉ பாபநாஶன꞉ .. 106..

ஶங்க²ப்⁴ருʼன்னந்த³கீ சக்ரீ ஶார்ங்க³த⁴ன்வா க³தா³த⁴ர꞉ .

ரதா²ங்க³பாணிரக்ஷோப்⁴ய꞉ ஸர்வப்ரஹரணாயுத⁴꞉ .. 107..

ஸர்வப்ரஹரணாயுத⁴ ௐ நம இதி .

வனமாலீ க³தீ³ ஶார்ங்கீ³ ஶங்கீ² சக்ரீ ச நந்த³கீ .

ஶ்ரீமான் நாராயணோ விஷ்ணுர்வாஸுதே³வோ(அ)பி⁴ரக்ஷது .. 108..

ஶ்ரீ வாஸுதே³வோ(அ)பி⁴ரக்ஷது ௐ நம இதி .

           உத்தரந்யாஸ꞉ .

     பீ⁴ஷ்ம உவாச ---

இதீத³ம்ʼ கீர்தனீயஸ்ய கேஶவஸ்ய மஹாத்மன꞉ .

நாம்னாம்ʼ ஸஹஸ்ரம்ʼ தி³வ்யாநாமஶேஷேண ப்ரகீர்திதம் .. 1..

ய இத³ம்ʼ ஶ்ருʼணுயாந்நித்யம்ʼ யஶ்சாபி பரிகீர்தயேத் .

நாஶுப⁴ம்ʼ ப்ராப்னுயாத்கிஞ்சித்ஸோ(அ)முத்ரேஹ ச மானவ꞉ .. 2..

வேதா³ந்தகோ³ ப்³ராஹ்மண꞉ ஸ்யாத்க்ஷத்ரியோ விஜயீ ப⁴வேத் .

வைஶ்யோ த⁴னஸம்ருʼத்³த⁴꞉ ஸ்யாச்சூ²த்³ர꞉ ஸுக²மவாப்னுயாத் .. 3..

த⁴ர்மார்தீ² ப்ராப்னுயாத்³த⁴ர்மமர்தா²ர்தீ² சார்த²மாப்னுயாத் .

காமானவாப்னுயாத்காமீ ப்ரஜார்தீ² ப்ராப்னுயாத்ப்ரஜாம் .. 4..

ப⁴க்திமான் ய꞉ ஸதோ³த்தா²ய ஶுசிஸ்தத்³க³தமானஸ꞉ .

ஸஹஸ்ரம்ʼ வாஸுதே³வஸ்ய நாம்நாமேதத்ப்ரகீர்தயேத் .. 5..

யஶ꞉ ப்ராப்னோதி விபுலம்ʼ ஜ்ஞாதிப்ராதா⁴ன்யமேவ ச .

அசலாம்ʼ ஶ்ரியமாப்னோதி ஶ்ரேய꞉ ப்ராப்னோத்யனுத்தமம் .. 6..

ந ப⁴யம்ʼ க்வசிதா³ப்னோதி வீர்யம்ʼ தேஜஶ்ச விந்த³தி .

ப⁴வத்யரோகோ³ த்³யுதிமான்ப³லரூபகு³ணான்வித꞉ .. 7..

ரோகா³ர்தோ முச்யதே ரோகா³த்³ப³த்³தோ⁴ முச்யேத ப³ந்த⁴னாத் .

ப⁴யான்முச்யேத பீ⁴தஸ்து முச்யேதாபன்ன ஆபத³꞉ .. 8..

து³ர்கா³ண்யதிதரத்யாஶு புருஷ꞉ புருஷோத்தமம் .

ஸ்துவந்நாமஸஹஸ்ரேண நித்யம்ʼ ப⁴க்திஸமன்வித꞉ .. 9..

வாஸுதே³வாஶ்ரயோ மர்த்யோ வாஸுதே³வபராயண꞉ .

ஸர்வபாபவிஶுத்³தா⁴த்மா யாதி ப்³ரஹ்ம ஸனாதனம் .. 10..

ந வாஸுதே³வப⁴க்தாநாமஶுப⁴ம்ʼ வித்³யதே க்வசித் .

ஜன்மம்ருʼத்யுஜராவ்யாதி⁴ப⁴யம்ʼ நைவோபஜாயதே .. 11..

இமம்ʼ ஸ்தவமதீ⁴யான꞉ ஶ்ரத்³தா⁴ப⁴க்திஸமன்வித꞉ .

யுஜ்யேதாத்மஸுக²க்ஷாந்திஶ்ரீத்⁴ருʼதிஸ்ம்ருʼதிகீர்திபி⁴꞉ .. 12..

ந க்ரோதோ⁴ ந ச மாத்ஸர்யம்ʼ ந லோபோ⁴ நாஶுபா⁴ மதி꞉ .

ப⁴வந்தி க்ருʼத புண்யானாம்ʼ ப⁴க்தானாம்ʼ புருஷோத்தமே .. 13..

த்³யௌ꞉ ஸசந்த்³ரார்கநக்ஷத்ரா க²ம்ʼ தி³ஶோ பூ⁴ர்மஹோத³தி⁴꞉ .

வாஸுதே³வஸ்ய வீர்யேண வித்⁴ருʼதானி மஹாத்மன꞉ .. 14..

ஸஸுராஸுரக³ந்த⁴ர்வம்ʼ ஸயக்ஷோரக³ராக்ஷஸம் .

ஜக³த்³வஶே வர்ததேத³ம்ʼ க்ருʼஷ்ணஸ்ய ஸசராசரம் .. 15..

இந்த்³ரியாணி மனோ பு³த்³தி⁴꞉ ஸத்த்வம்ʼ தேஜோ ப³லம்ʼ த்⁴ருʼதி꞉ .

வாஸுதே³வாத்மகான்யாஹு꞉ க்ஷேத்ரம்ʼ க்ஷேத்ரஜ்ஞ ஏவ ச .. 16..

ஸர்வாக³மாநாமாசார꞉ ப்ரத²மம்ʼ பரிகல்ப்யதே . var??  கல்பதே

ஆசாரப்ரப⁴வோ த⁴ர்மோ த⁴ர்மஸ்ய ப்ரபு⁴ரச்யுத꞉ .. 17..

ருʼஷய꞉ பிதரோ தே³வா மஹாபூ⁴தானி தா⁴தவ꞉ .

ஜங்க³மாஜங்க³மம்ʼ சேத³ம்ʼ ஜக³ந்நாராயணோத்³ப⁴வம் .. 18..

யோகோ³ ஜ்ஞானம்ʼ ததா² ஸாங்க்²யம்ʼ வித்³யா꞉ ஶில்பாதி³ கர்ம ச .

வேதா³꞉ ஶாஸ்த்ராணி விஜ்ஞானமேதத்ஸர்வம்ʼ ஜனார்த³னாத் .. 19..

ஏகோ விஷ்ணுர்மஹத்³பூ⁴தம்ʼ ப்ருʼத²க்³பூ⁴தான்யனேகஶ꞉ .

த்ரீம்ʼல்லோகான்வ்யாப்ய பூ⁴தாத்மா பு⁴ங்க்தே விஶ்வபு⁴க³வ்யய꞉ .. 20..

இமம்ʼ ஸ்தவம்ʼ ப⁴க³வதோ விஷ்ணோர்வ்யாஸேன கீர்திதம் .

படே²த்³ய இச்சே²த்புருஷ꞉ ஶ்ரேய꞉ ப்ராப்தும்ʼ ஸுகா²னி ச .. 21..

விஶ்வேஶ்வரமஜம்ʼ தே³வம்ʼ ஜக³த꞉ ப்ரபு⁴மவ்யயம் .

ப⁴ஜந்தி யே புஷ்கராக்ஷம்ʼ ந தே யாந்தி பராப⁴வம் .. 22..

ந தே யாந்தி பராப⁴வம் ௐ நம இதி .

     அர்ஜுன உவாச ---

பத்³மபத்ரவிஶாலாக்ஷ பத்³மநாப⁴ ஸுரோத்தம .

ப⁴க்தாநாமனுரக்தானாம்ʼ த்ராதா ப⁴வ ஜனார்த³ன .. 23..

ஶ்ரீப⁴க³வானுவாச ---

யோ மாம்ʼ நாமஸஹஸ்ரேண ஸ்தோதுமிச்ச²தி பாண்ட³வ .

ஸோஹ(அ)மேகேன ஶ்லோகேன ஸ்துத ஏவ ந ஸம்ʼஶய꞉ .. 24..

ஸ்துத ஏவ ந ஸம்ʼஶய ௐ நம இதி .

     வ்யாஸ உவாச ---

வாஸநாத்³வாஸுதே³வஸ்ய வாஸிதம்ʼ பு⁴வனத்ரயம் .

ஸர்வபூ⁴தநிவாஸோ(அ)ஸி வாஸுதே³வ நமோ(அ)ஸ்து தே .. 25..

ஶ்ரீ வாஸுதே³வ நமோ(அ)ஸ்துத ௐ நம இதி .

பார்வத்யுவாச ---

கேனோபாயேன லகு⁴னா விஷ்ணோர்நாமஸஹஸ்ரகம் .

பட்²யதே பண்டி³தைர்நித்யம்ʼ ஶ்ரோதுமிச்சா²ம்யஹம்ʼ ப்ரபோ⁴ .. 26..

     ஈஶ்வர உவாச ---

ஶ்ரீராம ராம ராமேதி ரமே ராமே மனோரமே .

ஸஹஸ்ரநாம தத்துல்யம்ʼ ராம நாம வரானனே .. 27..

ஶ்ரீராமநாம வரானன ௐ நம இதி .

     ப்³ரஹ்மோவாச ---

நமோ(அ)ஸ்த்வனந்தாய ஸஹஸ்ரமூர்தயே

ஸஹஸ்ரபாதா³க்ஷிஶிரோருபா³ஹவே .

ஸஹஸ்ரநாம்னே புருஷாய ஶாஶ்வதே

ஸஹஸ்ரகோடியுக³தா⁴ரிணே நம꞉ .. 28..

ஸஹஸ்ரகோடியுக³தா⁴ரிணே ௐ நம இதி .

ௐ தத்ஸதி³தி ஶ்ரீமஹாபா⁴ரதே ஶதஸாஹஸ்ர்யாம்ʼ ஸம்ʼஹிதாயாம்ʼ வையாஸிக்யாமானுஶாஸனிகே

பர்வணி பீ⁴ஷ்மயுதி⁴ஷ்டி²ரஸம்ʼவாதே³ ஶ்ரீவிஷ்ணோர்தி³வ்யஸஹஸ்ரநாமஸ்தோத்ரம் ..

     ஸஞ்ஜய உவாச ---

யத்ர யோகே³ஶ்வர꞉ க்ருʼஷ்ணோ யத்ர பார்தோ² த⁴னுர்த⁴ர꞉ .

தத்ர ஶ்ரீர்விஜயோ பூ⁴திர்த்⁴ருவா நீதிர்மதிர்மம .. 29..

ஶ்ரீப⁴க³வானுவாச ---

அனன்யாஶ்சிந்தயந்தோ மாம்ʼ யே ஜனா꞉ பர்யுபாஸதே .

தேஷாம்ʼ நித்யாபி⁴யுக்தானாம்ʼ யோக³க்ஷேமம்ʼ வஹாம்யஹம் .. 30..

பரித்ராணாய ஸாதூ⁴னாம்ʼ விநாஶாய ச து³ஷ்க்ருʼதாம் .

த⁴ர்மஸம்ʼஸ்தா²பனார்தா²ய ஸம்ப⁴வாமி யுகே³ யுகே³ .. 31..

ஆர்தா꞉ விஷண்ணா꞉ ஶிதி²லாஶ்ச பீ⁴தா꞉ கோ⁴ரேஷு ச வ்யாதி⁴ஷு வர்தமானா꞉ .

ஸங்கீர்த்ய நாராயணஶப்³த³மாத்ரம்ʼ விமுக்தது³꞉கா²꞉ ஸுகி²னோ ப⁴வந்தி .. 32.. var  ப⁴வந்து

காயேன வாசா மனஸேந்த்³ரியைர்வா பு³த்³த்⁴யாத்மனா வா ப்ரக்ருʼதே꞉ ஸ்வபா⁴வாத் . var  ப்ரக்ருʼதிஸ்வபா⁴வாத் .

கரோமி யத்³யத் ஸகலம்ʼ பரஸ்மை நாராயணாயேதி ஸமர்பயாமி .. 33..

  இதி ஶ்ரீவிஷ்ணோர்தி³வ்யஸஹஸ்ரநாமஸ்தோத்ரம்ʼ ஸம்பூர்ணம் .

           ௐ தத் ஸத் .

மஹாபா⁴ரதே அனுஶாஸனபர்வணி

 Additional Concluding Shlokas 

ௐ ஆபதா³மபஹர்தாரம்ʼ தா³தாரம்ʼ ஸர்வஸம்பதா³ம் .

லோகாபி⁴ராமம்ʼ ஶ்ரீராமம்ʼ பூ⁴யோ பூ⁴யோ நமாம்யஹம் ..

ஆர்தாநாமார்திஹந்தாரம்ʼ பீ⁴தானாம்ʼ பீ⁴திநாஶனம் .

த்³விஷதாம்ʼ காலத³ண்ட³ம்ʼ தம்ʼ ராமசந்த்³ரம்ʼ நமாம்யஹம் ..

நம꞉ கோத³ண்ட³ஹஸ்தாய ஸந்தீ⁴க்ருʼதஶராய ச .

க²ண்டி³தாகி²லதை³த்யாய ராமாய(ஆ)பந்நிவாரிணே ..

ராமாய ராமப⁴த்³ராய ராமசந்த்³ராய வேத⁴ஸே .

ரகு⁴நாதா²ய நாதா²ய ஸீதாயா꞉ பதயே நம꞉ ..

அக்³ரத꞉ ப்ருʼஷ்ட²தஶ்சைவ பார்ஶ்வதஶ்ச மஹாப³லௌ .

ஆகர்ணபூர்ணத⁴ன்வானௌ ரக்ஷேதாம்ʼ ராமலக்ஷ்மணௌ ..

ஸன்னத்³த⁴꞉ கவசீ க²ட்³கீ³ சாபபா³ணத⁴ரோ யுவா .

க³ச்ச²ன் மமாக்³ரதோ நித்யம்ʼ ராம꞉ பாது ஸலக்ஷ்மண꞉ ..

அச்யுதானந்தகோ³விந்த³ நாமோச்சாரணபே⁴ஷஜாத் .

நஶ்யந்தி ஸகலா ரோகா³ஸ்ஸத்யம்ʼ ஸத்யம்ʼ வதா³ம்யஹம் ..

ஸத்யம்ʼ ஸத்யம்ʼ புனஸ்ஸத்யமுத்³த்⁴ருʼத்ய பு⁴ஜமுச்யதே .

வேதா³ச்சா²ஸ்த்ரம்ʼ பரம்ʼ நாஸ்தி ந தே³வம்ʼ கேஶவாத்பரம் ..

ஶரீரே ஜர்ஜ²ரீபூ⁴தே வ்யாதி⁴க்³ரஸ்தே களேவரே .

ஔஷத⁴ம்ʼ ஜாஹ்னவீதோயம்ʼ வைத்³யோ நாராயணோ ஹரி꞉ ..

ஆலோட்³ய ஸர்வஶாஸ்த்ராணி விசார்ய ச புன꞉ புன꞉ .

இத³மேகம்ʼ ஸுநிஷ்பன்னம்ʼ த்⁴யேயோ நாராயணோ ஹரி꞉ ..

யத³க்ஷரபத³ப்⁴ரஷ்டம்ʼ மாத்ராஹீனம்ʼ து யத்³ப⁴வேத் .

தத்ஸர்வம்ʼ க்ஷம்யதாம்ʼ தே³வ நாராயண நமோ(அ)ஸ்து தே ..

விஸர்க³பி³ந்து³மாத்ராணி பத³பாதா³க்ஷராணி ச .

ந்யூனானி சாதிரிக்தானி க்ஷமஸ்வ புருஷோத்தம ..

 Alternate Concluding Shlokas 

நம꞉ கமலநாபா⁴ய நமஸ்தே ஜலஶாயினே .

நமஸ்தே கேஶவானந்த வாஸுதே³வ நமோ(அ)ஸ்துதே ..

நமோ ப்³ரஹ்மண்யதே³வாய கோ³ப்³ராஹ்மணஹிதாய ச .

ஜக³த்³தி⁴தாய க்ருʼஷ்ணாய கோ³விந்தா³ய நமோ நம꞉ ..

ஆகாஶாத்பதிதம்ʼ தோயம்ʼ யதா² க³ச்ச²தி ஸாக³ரம் .

ஸர்வதே³வநமஸ்கார꞉ கேஶவம்ʼ ப்ரதி க³ச்ச²தி ..

ஏஷ நிஷ்கண்டக꞉ பந்தா² யத்ர ஸம்பூஜ்யதே ஹரி꞉ .

குபத²ம்ʼ தம்ʼ விஜானீயாத்³ கோ³விந்த³ரஹிதாக³மம் ..

ஸர்வவேதே³ஷு யத்புண்யம்ʼ ஸர்வதீர்தே²ஷு யத்ப²லம் .

தத்ப²லம்ʼ ஸமவாப்னோதி ஸ்துத்வா தே³வம்ʼ ஜனார்த³னம் ..

யோ நர꞉ பட²தே நித்யம்ʼ த்ரிகாலம்ʼ கேஶவாலயே .

த்³விகாலமேககாலம்ʼ வா க்ரூரம்ʼ ஸர்வம்ʼ வ்யபோஹதி ..

த³ஹ்யந்தே ரிபவஸ்தஸ்ய ஸௌம்யா꞉ ஸர்வே ஸதா³ க்³ரஹா꞉ .

விலீயந்தே ச பாபானி ஸ்தவே ஹ்யஸ்மின் ப்ரகீர்திதே ..

யேனே த்⁴யாத꞉ ஶ்ருதோ யேன யேனாயம்ʼ பட்²யதே ஸ்தவ꞉ .

த³த்தானி ஸர்வதா³னானி ஸுரா꞉ ஸர்வே ஸமர்சிதா꞉ ..

இஹ லோகே பரே வாபி ந ப⁴யம்ʼ வித்³யதே க்வசித் .

நாம்னாம்ʼ ஸஹஸ்ரம்ʼ யோ(அ)தீ⁴தே த்³வாத³ஶ்யாம்ʼ மம ஸந்நிதௌ⁴ ..

ஶனைர்த³ஹந்தி பாபானி கல்பகோடீஶதானி ச .

அஶ்வத்த²ஸந்நிதௌ⁴ பார்த² த்⁴யாத்வா மனஸி கேஶவம் ..

படே²ந்நாமஸஹஸ்ரம்ʼ து க³வாம்ʼ கோடிப²லம்ʼ லபே⁴த் .

ஶிவாலயே படே²நித்யம்ʼ துலஸீவனஸம்ʼஸ்தி²த꞉ ..

நரோ முக்திமவாப்னோதி சக்ரபாணேர்வசோ யதா² .

ப்³ரஹ்மஹத்யாதி³கம்ʼ கோ⁴ரம்ʼ ஸர்வபாபம்ʼ வினஶ்யதி ..

விலயம்ʼ யாந்தி பாபானி சான்யபாபஸ்ய கா கதா² .

ஸர்வபாபவிநிர்முக்தோ விஷ்ணுலோகம்ʼ ஸ க³ச்ச²தி ..

           .. ஹரி꞉ ௐ தத்ஸத் ..

 ಶ್ರೀವಿಷ್ಣುಸಹಸ್ರನಾಮಸ್ತೋತ್ರಂ 

ನಾರಾಯಣಂ ನಮಸ್ಕೃತ್ಯ ನರಂ ಚೈವ ನರೋತ್ತಮಂ .

ದೇವೀಂ ಸರಸ್ವತೀಂ ವ್ಯಾಸಂ ತತೋ ಜಯಮುದೀರಯೇತ್ ..

ಓಂ ಅಥ ಸಕಲಸೌಭಾಗ್ಯದಾಯಕ ಶ್ರೀವಿಷ್ಣುಸಹಸ್ರನಾಮಸ್ತೋತ್ರಂ .

ಶುಕ್ಲಾಂಬರಧರಂ ವಿಷ್ಣುಂ ಶಶಿವರ್ಣಂ ಚತುರ್ಭುಜಂ .

ಪ್ರಸನ್ನವದನಂ ಧ್ಯಾಯೇತ್ ಸರ್ವವಿಘ್ನೋಪಶಾಂತಯೇ .. 1..

ಯಸ್ಯ ದ್ವಿರದವಕ್ತ್ರಾದ್ಯಾಃ ಪಾರಿಷದ್ಯಾಃ ಪರಃ ಶತಂ .

ವಿಘ್ನಂ ನಿಘ್ನಂತಿ ಸತತಂ ವಿಷ್ವಕ್ಸೇನಂ ತಮಾಶ್ರಯೇ .. 2..

ವ್ಯಾಸಂ ವಸಿಷ್ಠನಪ್ತಾರಂ ಶಕ್ತೇಃ ಪೌತ್ರಮಕಲ್ಮಷಂ .

ಪರಾಶರಾತ್ಮಜಂ ವಂದೇ ಶುಕತಾತಂ ತಪೋನಿಧಿಂ .. 3..

ವ್ಯಾಸಾಯ ವಿಷ್ಣುರೂಪಾಯ ವ್ಯಾಸರೂಪಾಯ ವಿಷ್ಣವೇ .

ನಮೋ ವೈ ಬ್ರಹ್ಮನಿಧಯೇ ವಾಸಿಷ್ಠಾಯ ನಮೋ ನಮಃ .. 4..

ಅವಿಕಾರಾಯ ಶುದ್ಧಾಯ ನಿತ್ಯಾಯ ಪರಮಾತ್ಮನೇ .

ಸದೈಕರೂಪರೂಪಾಯ ವಿಷ್ಣವೇ ಸರ್ವಜಿಷ್ಣವೇ .. 5..

ಯಸ್ಯ ಸ್ಮರಣಮಾತ್ರೇಣ ಜನ್ಮಸಂಸಾರಬಂಧನಾತ್ .

ವಿಮುಚ್ಯತೇ ನಮಸ್ತಸ್ಮೈ ವಿಷ್ಣವೇ ಪ್ರಭವಿಷ್ಣವೇ .. 6..

ಓಂ ನಮೋ ವಿಷ್ಣವೇ ಪ್ರಭವಿಷ್ಣವೇ .

     ಶ್ರೀವೈಶಂಪಾಯನ ಉವಾಚ ---

ಶ್ರುತ್ವಾ ಧರ್ಮಾನಶೇಷೇಣ ಪಾವನಾನಿ ಚ ಸರ್ವಶಃ .

ಯುಧಿಷ್ಠಿರಃ ಶಾಂತನವಂ ಪುನರೇವಾಭ್ಯಭಾಷತ .. 7..

     ಯುಧಿಷ್ಠಿರ ಉವಾಚ ---

ಕಿಮೇಕಂ ದೈವತಂ ಲೋಕೇ ಕಿಂ ವಾಪ್ಯೇಕಂ ಪರಾಯಣಂ .

ಸ್ತುವಂತಃ ಕಂ ಕಮರ್ಚಂತಃ ಪ್ರಾಪ್ನುಯುರ್ಮಾನವಾಃ ಶುಭಂ .. 8..

ಕೋ ಧರ್ಮಃ ಸರ್ವಧರ್ಮಾಣಾಂ ಭವತಃ ಪರಮೋ ಮತಃ .

ಕಿಂ ಜಪನ್ಮುಚ್ಯತೇ ಜಂತುರ್ಜನ್ಮಸಂಸಾರಬಂಧನಾತ್ .. 9..

     ಭೀಷ್ಮ ಉವಾಚ ---

ಜಗತ್ಪ್ರಭುಂ ದೇವದೇವಮನಂತಂ ಪುರುಷೋತ್ತಮಂ .

ಸ್ತುವನ್ ನಾಮಸಹಸ್ರೇಣ ಪುರುಷಃ ಸತತೋತ್ಥಿತಃ .. 10..

ತಮೇವ ಚಾರ್ಚಯನ್ನಿತ್ಯಂ  ಭಕ್ತ್ಯಾ ಪುರುಷಮವ್ಯಯಂ .

ಧ್ಯಾಯನ್ ಸ್ತುವನ್ ನಮಸ್ಯಂಶ್ಚ ಯಜಮಾನಸ್ತಮೇವ ಚ .. 11..

ಅನಾದಿನಿಧನಂ ವಿಷ್ಣುಂ ಸರ್ವಲೋಕಮಹೇಶ್ವರಂ .

ಲೋಕಾಧ್ಯಕ್ಷಂ ಸ್ತುವನ್ನಿತ್ಯಂ ಸರ್ವದುಃಖಾತಿಗೋ ಭವೇತ್ .. 12..

ಬ್ರಹ್ಮಣ್ಯಂ ಸರ್ವಧರ್ಮಜ್ಞಂ ಲೋಕಾನಾಂ ಕೀರ್ತಿವರ್ಧನಂ .

ಲೋಕನಾಥಂ ಮಹದ್ಭೂತಂ ಸರ್ವಭೂತಭವೋದ್ಭವಂ .. 13..

ಏಷ ಮೇ ಸರ್ವಧರ್ಮಾಣಾಂ ಧರ್ಮೋಽಧಿಕತಮೋ ಮತಃ .

ಯದ್ಭಕ್ತ್ಯಾ ಪುಂಡರೀಕಾಕ್ಷಂ ಸ್ತವೈರರ್ಚೇನ್ನರಃ ಸದಾ .. 14..

ಪರಮಂ ಯೋ ಮಹತ್ತೇಜಃ ಪರಮಂ ಯೋ ಮಹತ್ತಪಃ .

ಪರಮಂ ಯೋ ಮಹದ್ಬ್ರಹ್ಮ ಪರಮಂ ಯಃ ಪರಾಯಣಂ .. 15..

ಪವಿತ್ರಾಣಾಂ ಪವಿತ್ರಂ ಯೋ ಮಂಗಲಾನಾಂ ಚ ಮಂಗಲಂ .

ದೈವತಂ ದೈವತಾನಾಂ ಚ ಭೂತಾನಾಂ ಯೋಽವ್ಯಯಃ ಪಿತಾ .. 16..

ಯತಃ ಸರ್ವಾಣಿ ಭೂತಾನಿ ಭವಂತ್ಯಾದಿಯುಗಾಗಮೇ .

ಯಸ್ಮಿಂಶ್ಚ ಪ್ರಲಯಂ ಯಾಂತಿ ಪುನರೇವ ಯುಗಕ್ಷಯೇ .. 17..

ತಸ್ಯ ಲೋಕಪ್ರಧಾನಸ್ಯ ಜಗನ್ನಾಥಸ್ಯ ಭೂಪತೇ .

ವಿಷ್ಣೋರ್ನಾಮಸಹಸ್ರಂ ಮೇ ಶೃಣು ಪಾಪಭಯಾಪಹಂ .. 18..

ಯಾನಿ ನಾಮಾನಿ ಗೌಣಾನಿ ವಿಖ್ಯಾತಾನಿ ಮಹಾತ್ಮನಃ .

ಋಷಿಭಿಃ ಪರಿಗೀತಾನಿ ತಾನಿ ವಕ್ಷ್ಯಾಮಿ ಭೂತಯೇ .. 19..

ಋಷಿರ್ನಾಮ್ನಾಂ ಸಹಸ್ರಸ್ಯ ವೇದವ್ಯಾಸೋ ಮಹಾಮುನಿಃ ..

ಛಂದೋಽನುಷ್ಟುಪ್ ತಥಾ ದೇವೋ ಭಗವಾನ್ ದೇವಕೀಸುತಃ .. 20..

ಅಮೃತಾಂಶೂದ್ಭವೋ ಬೀಜಂ ಶಕ್ತಿರ್ದೇವಕಿನಂದನಃ .

ತ್ರಿಸಾಮಾ ಹೃದಯಂ ತಸ್ಯ ಶಾಂತ್ಯರ್ಥೇ ವಿನಿಯೋಜ್ಯತೇ .. 21..

ವಿಷ್ಣುಂ ಜಿಷ್ಣುಂ ಮಹಾವಿಷ್ಣುಂ ಪ್ರಭವಿಷ್ಣುಂ ಮಹೇಶ್ವರಂ ..

ಅನೇಕರೂಪ ದೈತ್ಯಾಂತಂ ನಮಾಮಿ ಪುರುಷೋತ್ತಮಂ .. 22 ..

           ಪೂರ್ವನ್ಯಾಸಃ .

     ಶ್ರೀವೇದವ್ಯಾಸ ಉವಾಚ ---

ಓಂ ಅಸ್ಯ ಶ್ರೀವಿಷ್ಣೋರ್ದಿವ್ಯಸಹಸ್ರನಾಮಸ್ತೋತ್ರಮಹಾಮಂತ್ರಸ್ಯ .

ಶ್ರೀ ವೇದವ್ಯಾಸೋ ಭಗವಾನ್ ಋಷಿಃ .

ಅನುಷ್ಟುಪ್ ಛಂದಃ .

ಶ್ರೀಮಹಾವಿಷ್ಣುಃ ಪರಮಾತ್ಮಾ ಶ್ರೀಮನ್ನಾರಾಯಣೋ ದೇವತಾ .

ಅಮೃತಾಂಶೂದ್ಭವೋ ಭಾನುರಿತಿ ಬೀಜಂ .

ದೇವಕೀನಂದನಃ ಸ್ರಷ್ಟೇತಿ ಶಕ್ತಿಃ .

ಉದ್ಭವಃ ಕ್ಷೋಭಣೋ ದೇವ ಇತಿ ಪರಮೋ ಮಂತ್ರಃ .

ಶಂಖಭೃನ್ನಂದಕೀ ಚಕ್ರೀತಿ ಕೀಲಕಂ .

ಶಾರ್ಙ್ಗಧನ್ವಾ ಗದಾಧರ ಇತ್ಯಸ್ತ್ರಂ .

ರಥಾಂಗಪಾಣಿರಕ್ಷೋಭ್ಯ ಇತಿ ನೇತ್ರಂ .

ತ್ರಿಸಾಮಾ ಸಾಮಗಃ ಸಾಮೇತಿ ಕವಚಂ .

ಆನಂದಂ ಪರಬ್ರಹ್ಮೇತಿ ಯೋನಿಃ .

ಋತುಃ ಸುದರ್ಶನಃ ಕಾಲ ಇತಿ ದಿಗ್ಬಂಧಃ ..

ಶ್ರೀವಿಶ್ವರೂಪ ಇತಿ ಧ್ಯಾನಂ .

ಶ್ರೀಮಹಾವಿಷ್ಣುಪ್ರೀತ್ಯರ್ಥೇ ಸಹಸ್ರನಾಮಸ್ತೋತ್ರಪಾಠೇ ವಿನಿಯೋಗಃ ..

           ಅಥ ನ್ಯಾಸಃ .

ಓಂ ಶಿರಸಿ ವೇದವ್ಯಾಸಋಷಯೇ ನಮಃ .

ಮುಖೇ ಅನುಷ್ಟುಪ್ಛಂದಸೇ ನಮಃ .

ಹೃದಿ ಶ್ರೀಕೃಷ್ಣಪರಮಾತ್ಮದೇವತಾಯೈ ನಮಃ .

ಗುಹ್ಯೇ ಅಮೃತಾಂಶೂದ್ಭವೋ ಭಾನುರಿತಿ ಬೀಜಾಯ ನಮಃ .

ಪಾದಯೋರ್ದೇವಕೀನಂದನಃ ಸ್ರಷ್ಟೇತಿ ಶಕ್ತಯೇ ನಮಃ .

ಸರ್ವಾಂಗೇ ಶಂಖಭೃನ್ನಂದಕೀ ಚಕ್ರೀತಿ ಕೀಲಕಾಯ ನಮಃ .

ಕರಸಂಪೂಟೇ ಮಮ ಶ್ರೀಕೃಷ್ಣಪ್ರೀತ್ಯರ್ಥೇ ಜಪೇ ವಿನಿಯೋಗಾಯ ನಮಃ ..

ಇತಿ ಋಷಯಾದಿನ್ಯಾಸಃ ..

           ಅಥ ಕರನ್ಯಾಸಃ .

ಓಂ ವಿಶ್ವಂ ವಿಷ್ಣುರ್ವಷಟ್ಕಾರ ಇತ್ಯಂಗುಷ್ಠಾಭ್ಯಾಂ ನಮಃ .

ಅಮೃತಾಂಶೂದ್ಭವೋ ಭಾನುರಿತಿ ತರ್ಜನೀಭ್ಯಾಂ ನಮಃ .

ಬ್ರಹ್ಮಣ್ಯೋ ಬ್ರಹ್ಮಕೃದ್ಬ್ರಹ್ಮೇತಿ ಮಧ್ಯಮಾಭ್ಯಾಂ ನಮಃ .

ಸುವರ್ಣಬಿಂದುರಕ್ಷೋಭ್ಯ ಇತ್ಯನಾಮಿಕಾಭ್ಯಾಂ ನಮಃ .

ನಿಮಿಷೋಽನಿಮಿಷಃ ಸ್ರಗ್ವೀತಿ ಕನಿಷ್ಠಿಕಾಭ್ಯಾಂ ನಮಃ .

ರಥಾಂಗಪಾಣಿರಕ್ಷೋಭ್ಯ ಇತಿ ಕರತಲಕರಪೃಷ್ಠಾಭ್ಯಾಂ ನಮಃ .

ಇತಿ ಕರನ್ಯಾಸಃ .

           ಅಥ ಷಡಂಗನ್ಯಾಸಃ .

ಓಂ ವಿಶ್ವಂ ವಿಷ್ಣುರ್ವಷಟ್ಕಾರ ಇತಿ ಹೃದಯಾಯ ನಮಃ .

ಅಮೃತಾಂಶೂದ್ಭವೋ ಭಾನುರಿತಿ ಶಿರಸೇ ಸ್ವಾಹಾ .

ಬ್ರಹ್ಮಣ್ಯೋ ಬ್ರಹ್ಮಕೃದ್ಬ್ರಹ್ಮೇತಿ ಶಿಖಾಯೈ ವಷಟ್ .

ಸುವರ್ಣಬಿಂದುರಕ್ಷೋಭ್ಯ ಇತಿ ಕವಚಾಯ ಹುಂ .

ನಿಮಿಷೋಽನಿಮಿಷಃ ಸ್ರಗ್ವೀತಿ ನೇತ್ರತ್ರಯಾಯ ವೌಷಟ್ .

ರಥಾಂಗಪಾಣಿರಕ್ಷೋಭ್ಯ ಇತ್ಯಸ್ತ್ರಾಯ ಫಟ್ .

ಇತಿ ಷಡಂಗನ್ಯಾಸಃ ..

ಶ್ರೀಕೃಷ್ಣಪ್ರೀತ್ಯರ್ಥೇ ವಿಷ್ಣೋರ್ದಿವ್ಯಸಹಸ್ರನಾಮಜಪಮಹಂ

ಕರಿಷ್ಯೇ ಇತಿ ಸಂಕಲ್ಪಃ .

           ಅಥ ಧ್ಯಾನಂ .

ಕ್ಷೀರೋದನ್ವತ್ಪ್ರದೇಶೇ ಶುಚಿಮಣಿವಿಲಸತ್ಸೈಕತೇರ್ಮೌಕ್ತಿಕಾನಾಂ

ಮಾಲಾಕೢಪ್ತಾಸನಸ್ಥಃ ಸ್ಫಟಿಕಮಣಿನಿಭೈರ್ಮೌಕ್ತಿಕೈರ್ಮಂಡಿತಾಂಗಃ .

ಶುಭ್ರೈರಭ್ರೈರದಭ್ರೈರುಪರಿವಿರಚಿತೈರ್ಮುಕ್ತಪೀಯೂಷ ವರ್ಷೈಃ

ಆನಂದೀ ನಃ ಪುನೀಯಾದರಿನಲಿನಗದಾ ಶಂಖಪಾಣಿರ್ಮುಕುಂದಃ .. 1..

ಭೂಃ ಪಾದೌ ಯಸ್ಯ ನಾಭಿರ್ವಿಯದಸುರನಿಲಶ್ಚಂದ್ರ ಸೂರ್ಯೌ ಚ ನೇತ್ರೇ

ಕರ್ಣಾವಾಶಾಃ ಶಿರೋ ದ್ಯೌರ್ಮುಖಮಪಿ ದಹನೋ ಯಸ್ಯ ವಾಸ್ತೇಯಮಬ್ಧಿಃ .

ಅಂತಃಸ್ಥಂ ಯಸ್ಯ ವಿಶ್ವಂ ಸುರನರಖಗಗೋಭೋಗಿಗಂಧರ್ವದೈತ್ಯೈಃ

ಚಿತ್ರಂ ರಂರಮ್ಯತೇ ತಂ ತ್ರಿಭುವನ ವಪುಷಂ ವಿಷ್ಣುಮೀಶಂ ನಮಾಮಿ .. 2..

ಓಂ ಶಾಂತಾಕಾರಂ ಭುಜಗಶಯನಂ ಪದ್ಮನಾಭಂ ಸುರೇಶಂ

ವಿಶ್ವಾಧಾರಂ ಗಗನಸದೃಶಂ ಮೇಘವರ್ಣಂ ಶುಭಾಂಗಂ .

ಲಕ್ಷ್ಮೀಕಾಂತಂ ಕಮಲನಯನಂ ಯೋಗಿಭಿರ್ಧ್ಯಾನಗಮ್ಯಂ  var  ಯೋಗಿಹೃದ್ಧ್ಯಾನಗಮ್ಯಂ

ವಂದೇ ವಿಷ್ಣುಂ ಭವಭಯಹರಂ ಸರ್ವಲೋಕೈಕನಾಥಂ .. 3..

ಮೇಘಶ್ಯಾಮಂ ಪೀತಕೌಶೇಯವಾಸಂ

ಶ್ರೀವತ್ಸಾಂಕಂ ಕೌಸ್ತುಭೋದ್ಭಾಸಿತಾಂಗಂ .

ಪುಣ್ಯೋಪೇತಂ ಪುಂಡರೀಕಾಯತಾಕ್ಷಂ

ವಿಷ್ಣುಂ ವಂದೇ ಸರ್ವಲೋಕೈಕನಾಥಂ .. 4..

ನಮಃ ಸಮಸ್ತಭೂತಾನಾಮಾದಿಭೂತಾಯ ಭೂಭೃತೇ .

ಅನೇಕರೂಪರೂಪಾಯ ವಿಷ್ಣವೇ ಪ್ರಭವಿಷ್ಣವೇ .. 5..

ಸಶಂಖಚಕ್ರಂ ಸಕಿರೀಟಕುಂಡಲಂ

ಸಪೀತವಸ್ತ್ರಂ ಸರಸೀರುಹೇಕ್ಷಣಂ .

ಸಹಾರವಕ್ಷಃಸ್ಥಲಕೌಸ್ತುಭಶ್ರಿಯಂ  var  ಸ್ಥಲಶೋಭಿಕೌಸ್ತುಭಂ

ನಮಾಮಿ ವಿಷ್ಣುಂ ಶಿರಸಾ ಚತುರ್ಭುಜಂ .. 6..

ಛಾಯಾಯಾಂ ಪಾರಿಜಾತಸ್ಯ ಹೇಮಸಿಂಹಾಸನೋಪರಿ

ಆಸೀನಮಂಬುದಶ್ಯಾಮಮಾಯತಾಕ್ಷಮಲಂಕೃತಂ .

ಚಂದ್ರಾನನಂ ಚತುರ್ಬಾಹುಂ ಶ್ರೀವತ್ಸಾಂಕಿತ ವಕ್ಷಸಂ

ರುಕ್ಮಿಣೀ ಸತ್ಯಭಾಮಾಭ್ಯಾಂ ಸಹಿತಂ ಕೃಷ್ಣಮಾಶ್ರಯೇ .. 7..

      ಸ್ತೋತ್ರಂ .

           ಹರಿಃ ಓಂ .

ವಿಶ್ವಂ ವಿಷ್ಣುರ್ವಷಟ್ಕಾರೋ ಭೂತಭವ್ಯಭವತ್ಪ್ರಭುಃ .

ಭೂತಕೃದ್ಭೂತಭೃದ್ಭಾವೋ ಭೂತಾತ್ಮಾ ಭೂತಭಾವನಃ .. 1..

ಪೂತಾತ್ಮಾ ಪರಮಾತ್ಮಾ ಚ ಮುಕ್ತಾನಾಂ ಪರಮಾ ಗತಿಃ .

ಅವ್ಯಯಃ ಪುರುಷಃ ಸಾಕ್ಷೀ ಕ್ಷೇತ್ರಜ್ಞೋಽಕ್ಷರ ಏವ ಚ .. 2..

ಯೋಗೋ ಯೋಗವಿದಾಂ ನೇತಾ ಪ್ರಧಾನಪುರುಷೇಶ್ವರಃ .

ನಾರಸಿಂಹವಪುಃ ಶ್ರೀಮಾನ್ ಕೇಶವಃ ಪುರುಷೋತ್ತಮಃ .. 3..

ಸರ್ವಃ ಶರ್ವಃ ಶಿವಃ ಸ್ಥಾಣುರ್ಭೂತಾದಿರ್ನಿಧಿರವ್ಯಯಃ .

ಸಂಭವೋ ಭಾವನೋ ಭರ್ತಾ ಪ್ರಭವಃ ಪ್ರಭುರೀಶ್ವರಃ .. 4..

ಸ್ವಯಂಭೂಃ ಶಂಭುರಾದಿತ್ಯಃ ಪುಷ್ಕರಾಕ್ಷೋ ಮಹಾಸ್ವನಃ .

ಅನಾದಿನಿಧನೋ ಧಾತಾ ವಿಧಾತಾ ಧಾತುರುತ್ತಮಃ .. 5..

ಅಪ್ರಮೇಯೋ ಹೃಷೀಕೇಶಃ ಪದ್ಮನಾಭೋಽಮರಪ್ರಭುಃ .

ವಿಶ್ವಕರ್ಮಾ ಮನುಸ್ತ್ವಷ್ಟಾ ಸ್ಥವಿಷ್ಠಃ ಸ್ಥವಿರೋ ಧ್ರುವಃ .. 6..

ಅಗ್ರಾಹ್ಯಃ ಶಾಶ್ವತಃ ಕೃಷ್ಣೋ ಲೋಹಿತಾಕ್ಷಃ ಪ್ರತರ್ದನಃ .

ಪ್ರಭೂತಸ್ತ್ರಿಕಕುಬ್ಧಾಮ ಪವಿತ್ರಂ ಮಂಗಲಂ ಪರಂ .. 7..

ಈಶಾನಃ ಪ್ರಾಣದಃ ಪ್ರಾಣೋ ಜ್ಯೇಷ್ಠಃ ಶ್ರೇಷ್ಠಃ ಪ್ರಜಾಪತಿಃ .

ಹಿರಣ್ಯಗರ್ಭೋ ಭೂಗರ್ಭೋ ಮಾಧವೋ ಮಧುಸೂದನಃ .. 8..

ಈಶ್ವರೋ ವಿಕ್ರಮೀ ಧನ್ವೀ ಮೇಧಾವೀ ವಿಕ್ರಮಃ ಕ್ರಮಃ .

ಅನುತ್ತಮೋ ದುರಾಧರ್ಷಃ ಕೃತಜ್ಞಃ ಕೃತಿರಾತ್ಮವಾನ್ .. 9..

ಸುರೇಶಃ ಶರಣಂ ಶರ್ಮ ವಿಶ್ವರೇತಾಃ ಪ್ರಜಾಭವಃ .

ಅಹಃ ಸಂವತ್ಸರೋ ವ್ಯಾಲಃ ಪ್ರತ್ಯಯಃ ಸರ್ವದರ್ಶನಃ .. 10..

ಅಜಃ ಸರ್ವೇಶ್ವರಃ ಸಿದ್ಧಃ ಸಿದ್ಧಿಃ ಸರ್ವಾದಿರಚ್ಯುತಃ .

ವೃಷಾಕಪಿರಮೇಯಾತ್ಮಾ ಸರ್ವಯೋಗವಿನಿಃಸೃತಃ .. 11..

ವಸುರ್ವಸುಮನಾಃ ಸತ್ಯಃ ಸಮಾತ್ಮಾಽಸಮ್ಮಿತಃ ಸಮಃ .

ಅಮೋಘಃ ಪುಂಡರೀಕಾಕ್ಷೋ ವೃಷಕರ್ಮಾ ವೃಷಾಕೃತಿಃ .. 12..

ರುದ್ರೋ ಬಹುಶಿರಾ ಬಭ್ರುರ್ವಿಶ್ವಯೋನಿಃ ಶುಚಿಶ್ರವಾಃ .

ಅಮೃತಃ ಶಾಶ್ವತಸ್ಥಾಣುರ್ವರಾರೋಹೋ ಮಹಾತಪಾಃ .. 13..

ಸರ್ವಗಃ ಸರ್ವವಿದ್ಭಾನುರ್ವಿಷ್ವಕ್ಸೇನೋ ಜನಾರ್ದನಃ .

ವೇದೋ ವೇದವಿದವ್ಯಂಗೋ ವೇದಾಂಗೋ ವೇದವಿತ್ ಕವಿಃ .. 14..

ಲೋಕಾಧ್ಯಕ್ಷಃ ಸುರಾಧ್ಯಕ್ಷೋ ಧರ್ಮಾಧ್ಯಕ್ಷಃ ಕೃತಾಕೃತಃ .

ಚತುರಾತ್ಮಾ ಚತುರ್ವ್ಯೂಹಶ್ಚತುರ್ದಂಷ್ಟ್ರಶ್ಚತುರ್ಭುಜಃ .. 15..

ಭ್ರಾಜಿಷ್ಣುರ್ಭೋಜನಂ ಭೋಕ್ತಾ ಸಹಿಷ್ಣುರ್ಜಗದಾದಿಜಃ .

ಅನಘೋ ವಿಜಯೋ ಜೇತಾ ವಿಶ್ವಯೋನಿಃ ಪುನರ್ವಸುಃ .. 16..

ಉಪೇಂದ್ರೋ ವಾಮನಃ ಪ್ರಾಂಶುರಮೋಘಃ ಶುಚಿರೂರ್ಜಿತಃ .

ಅತೀಂದ್ರಃ ಸಂಗ್ರಹಃ ಸರ್ಗೋ ಧೃತಾತ್ಮಾ ನಿಯಮೋ ಯಮಃ .. 17..

ವೇದ್ಯೋ ವೈದ್ಯಃ ಸದಾಯೋಗೀ ವೀರಹಾ ಮಾಧವೋ ಮಧುಃ .

ಅತೀಂದ್ರಿಯೋ ಮಹಾಮಾಯೋ ಮಹೋತ್ಸಾಹೋ ಮಹಾಬಲಃ .. 18..

ಮಹಾಬುದ್ಧಿರ್ಮಹಾವೀರ್ಯೋ ಮಹಾಶಕ್ತಿರ್ಮಹಾದ್ಯುತಿಃ .

ಅನಿರ್ದೇಶ್ಯವಪುಃ ಶ್ರೀಮಾನಮೇಯಾತ್ಮಾ ಮಹಾದ್ರಿಧೃಕ್ .. 19..

ಮಹೇಷ್ವಾಸೋ ಮಹೀಭರ್ತಾ ಶ್ರೀನಿವಾಸಃ ಸತಾಂ ಗತಿಃ .

ಅನಿರುದ್ಧಃ ಸುರಾನಂದೋ ಗೋವಿಂದೋ ಗೋವಿದಾಂ ಪತಿಃ .. 20..

ಮರೀಚಿರ್ದಮನೋ ಹಂಸಃ ಸುಪರ್ಣೋ ಭುಜಗೋತ್ತಮಃ .

ಹಿರಣ್ಯನಾಭಃ ಸುತಪಾಃ ಪದ್ಮನಾಭಃ ಪ್ರಜಾಪತಿಃ .. 21..

ಅಮೃತ್ಯುಃ ಸರ್ವದೃಕ್ ಸಿಂಹಃ ಸಂಧಾತಾ ಸಂಧಿಮಾನ್ ಸ್ಥಿರಃ .

ಅಜೋ ದುರ್ಮರ್ಷಣಃ ಶಾಸ್ತಾ ವಿಶ್ರುತಾತ್ಮಾ ಸುರಾರಿಹಾ .. 22..

ಗುರುರ್ಗುರುತಮೋ ಧಾಮ ಸತ್ಯಃ ಸತ್ಯಪರಾಕ್ರಮಃ .

ನಿಮಿಷೋಽನಿಮಿಷಃ ಸ್ರಗ್ವೀ ವಾಚಸ್ಪತಿರುದಾರಧೀಃ .. 23..

ಅಗ್ರಣೀರ್ಗ್ರಾಮಣೀಃ ಶ್ರೀಮಾನ್ ನ್ಯಾಯೋ ನೇತಾ ಸಮೀರಣಃ .

ಸಹಸ್ರಮೂರ್ಧಾ ವಿಶ್ವಾತ್ಮಾ ಸಹಸ್ರಾಕ್ಷಃ ಸಹಸ್ರಪಾತ್ .. 24..

ಆವರ್ತನೋ ನಿವೃತ್ತಾತ್ಮಾ ಸಂವೃತಃ ಸಂಪ್ರಮರ್ದನಃ .

ಅಹಃ ಸಂವರ್ತಕೋ ವಹ್ನಿರನಿಲೋ ಧರಣೀಧರಃ .. 25..

ಸುಪ್ರಸಾದಃ ಪ್ರಸನ್ನಾತ್ಮಾ ವಿಶ್ವಧೃಗ್ವಿಶ್ವಭುಗ್ವಿಭುಃ .

ಸತ್ಕರ್ತಾ ಸತ್ಕೃತಃ ಸಾಧುರ್ಜಹ್ನುರ್ನಾರಾಯಣೋ ನರಃ .. 26..

ಅಸಂಖ್ಯೇಯೋಽಪ್ರಮೇಯಾತ್ಮಾ ವಿಶಿಷ್ಟಃ ಶಿಷ್ಟಕೃಚ್ಛುಚಿಃ .

ಸಿದ್ಧಾರ್ಥಃ ಸಿದ್ಧಸಂಕಲ್ಪಃ ಸಿದ್ಧಿದಃ ಸಿದ್ಧಿಸಾಧನಃ .. 27..

ವೃಷಾಹೀ ವೃಷಭೋ ವಿಷ್ಣುರ್ವೃಷಪರ್ವಾ ವೃಷೋದರಃ .

ವರ್ಧನೋ ವರ್ಧಮಾನಶ್ಚ ವಿವಿಕ್ತಃ ಶ್ರುತಿಸಾಗರಃ .. 28..

ಸುಭುಜೋ ದುರ್ಧರೋ ವಾಗ್ಮೀ ಮಹೇಂದ್ರೋ ವಸುದೋ ವಸುಃ .

ನೈಕರೂಪೋ ಬೃಹದ್ರೂಪಃ ಶಿಪಿವಿಷ್ಟಃ ಪ್ರಕಾಶನಃ .. 29..

ಓಜಸ್ತೇಜೋದ್ಯುತಿಧರಃ ಪ್ರಕಾಶಾತ್ಮಾ ಪ್ರತಾಪನಃ .

ಋದ್ಧಃ ಸ್ಪಷ್ಟಾಕ್ಷರೋ ಮಂತ್ರಶ್ಚಂದ್ರಾಂಶುರ್ಭಾಸ್ಕರದ್ಯುತಿಃ .. 30..

ಅಮೃತಾಂಶೂದ್ಭವೋ ಭಾನುಃ ಶಶಬಿಂದುಃ ಸುರೇಶ್ವರಃ .

ಔಷಧಂ ಜಗತಃ ಸೇತುಃ ಸತ್ಯಧರ್ಮಪರಾಕ್ರಮಃ .. 31..

ಭೂತಭವ್ಯಭವನ್ನಾಥಃ ಪವನಃ ಪಾವನೋಽನಲಃ .

ಕಾಮಹಾ ಕಾಮಕೃತ್ಕಾಂತಃ ಕಾಮಃ ಕಾಮಪ್ರದಃ ಪ್ರಭುಃ .. 32..

ಯುಗಾದಿಕೃದ್ಯುಗಾವರ್ತೋ ನೈಕಮಾಯೋ ಮಹಾಶನಃ .

ಅದೃಶ್ಯೋ ವ್ಯಕ್ತರೂಪಶ್ಚ ಸಹಸ್ರಜಿದನಂತಜಿತ್ .. 33..

ಇಷ್ಟೋಽವಿಶಿಷ್ಟಃ ಶಿಷ್ಟೇಷ್ಟಃ ಶಿಖಂಡೀ ನಹುಷೋ ವೃಷಃ .

ಕ್ರೋಧಹಾ ಕ್ರೋಧಕೃತ್ಕರ್ತಾ ವಿಶ್ವಬಾಹುರ್ಮಹೀಧರಃ .. 34..

ಅಚ್ಯುತಃ ಪ್ರಥಿತಃ ಪ್ರಾಣಃ ಪ್ರಾಣದೋ ವಾಸವಾನುಜಃ .

ಅಪಾಂನಿಧಿರಧಿಷ್ಠಾನಮಪ್ರಮತ್ತಃ ಪ್ರತಿಷ್ಠಿತಃ .. 35..

ಸ್ಕಂದಃ ಸ್ಕಂದಧರೋ ಧುರ್ಯೋ ವರದೋ ವಾಯುವಾಹನಃ .

ವಾಸುದೇವೋ ಬೃಹದ್ಭಾನುರಾದಿದೇವಃ ಪುರಂದರಃ .. 36..

ಅಶೋಕಸ್ತಾರಣಸ್ತಾರಃ ಶೂರಃ ಶೌರಿರ್ಜನೇಶ್ವರಃ .

ಅನುಕೂಲಃ ಶತಾವರ್ತಃ ಪದ್ಮೀ ಪದ್ಮನಿಭೇಕ್ಷಣಃ .. 37..

ಪದ್ಮನಾಭೋಽರವಿಂದಾಕ್ಷಃ ಪದ್ಮಗರ್ಭಃ ಶರೀರಭೃತ್ .

ಮಹರ್ದ್ಧಿರೃದ್ಧೋ ವೃದ್ಧಾತ್ಮಾ ಮಹಾಕ್ಷೋ ಗರುಡಧ್ವಜಃ .. 38..

ಅತುಲಃ ಶರಭೋ ಭೀಮಃ ಸಮಯಜ್ಞೋ ಹವಿರ್ಹರಿಃ .

ಸರ್ವಲಕ್ಷಣಲಕ್ಷಣ್ಯೋ ಲಕ್ಷ್ಮೀವಾನ್ ಸಮಿತಿಂಜಯಃ .. 39..

ವಿಕ್ಷರೋ ರೋಹಿತೋ ಮಾರ್ಗೋ ಹೇತುರ್ದಾಮೋದರಃ ಸಹಃ .

ಮಹೀಧರೋ ಮಹಾಭಾಗೋ ವೇಗವಾನಮಿತಾಶನಃ .. 40..

ಉದ್ಭವಃ ಕ್ಷೋಭಣೋ ದೇವಃ ಶ್ರೀಗರ್ಭಃ ಪರಮೇಶ್ವರಃ .

ಕರಣಂ ಕಾರಣಂ ಕರ್ತಾ ವಿಕರ್ತಾ ಗಹನೋ ಗುಹಃ .. 41..

ವ್ಯವಸಾಯೋ ವ್ಯವಸ್ಥಾನಃ ಸಂಸ್ಥಾನಃ ಸ್ಥಾನದೋ ಧ್ರುವಃ .

ಪರರ್ದ್ಧಿಃ ಪರಮಸ್ಪಷ್ಟಸ್ತುಷ್ಟಃ ಪುಷ್ಟಃ ಶುಭೇಕ್ಷಣಃ .. 42..

ರಾಮೋ ವಿರಾಮೋ ವಿರಜೋ ಮಾರ್ಗೋ ನೇಯೋ ನಯೋಽನಯಃ . or ವಿರಾಮೋ ವಿರತೋ

ವೀರಃ ಶಕ್ತಿಮತಾಂ ಶ್ರೇಷ್ಠೋ ಧರ್ಮೋ ಧರ್ಮವಿದುತ್ತಮಃ .. 43..

ವೈಕುಂಠಃ ಪುರುಷಃ ಪ್ರಾಣಃ ಪ್ರಾಣದಃ ಪ್ರಣವಃ ಪೃಥುಃ .

ಹಿರಣ್ಯಗರ್ಭಃ ಶತ್ರುಘ್ನೋ ವ್ಯಾಪ್ತೋ ವಾಯುರಧೋಕ್ಷಜಃ .. 44..

ಋತುಃ ಸುದರ್ಶನಃ ಕಾಲಃ ಪರಮೇಷ್ಠೀ ಪರಿಗ್ರಹಃ .

ಉಗ್ರಃ ಸಂವತ್ಸರೋ ದಕ್ಷೋ ವಿಶ್ರಾಮೋ ವಿಶ್ವದಕ್ಷಿಣಃ .. 45..

ವಿಸ್ತಾರಃ ಸ್ಥಾವರಸ್ಥಾಣುಃ ಪ್ರಮಾಣಂ ಬೀಜಮವ್ಯಯಂ .

ಅರ್ಥೋಽನರ್ಥೋ ಮಹಾಕೋಶೋ ಮಹಾಭೋಗೋ ಮಹಾಧನಃ .. 46..

ಅನಿರ್ವಿಣ್ಣಃ ಸ್ಥವಿಷ್ಠೋಽಭೂರ್ಧರ್ಮಯೂಪೋ ಮಹಾಮಖಃ .

ನಕ್ಷತ್ರನೇಮಿರ್ನಕ್ಷತ್ರೀ ಕ್ಷಮಃ ಕ್ಷಾಮಃ ಸಮೀಹನಃ .. 47..

ಯಜ್ಞ ಇಜ್ಯೋ ಮಹೇಜ್ಯಶ್ಚ ಕ್ರತುಃ ಸತ್ರಂ ಸತಾಂ ಗತಿಃ .

ಸರ್ವದರ್ಶೀ ವಿಮುಕ್ತಾತ್ಮಾ ಸರ್ವಜ್ಞೋ ಜ್ಞಾನಮುತ್ತಮಂ .. 48..

ಸುವ್ರತಃ ಸುಮುಖಃ ಸೂಕ್ಷ್ಮಃ ಸುಘೋಷಃ ಸುಖದಃ ಸುಹೃತ್ .

ಮನೋಹರೋ ಜಿತಕ್ರೋಧೋ ವೀರಬಾಹುರ್ವಿದಾರಣಃ .. 49..

ಸ್ವಾಪನಃ ಸ್ವವಶೋ ವ್ಯಾಪೀ ನೈಕಾತ್ಮಾ ನೈಕಕರ್ಮಕೃತ್ .

ವತ್ಸರೋ ವತ್ಸಲೋ ವತ್ಸೀ ರತ್ನಗರ್ಭೋ ಧನೇಶ್ವರಃ .. 50..

ಧರ್ಮಗುಬ್ಧರ್ಮಕೃದ್ಧರ್ಮೀ ಸದಸತ್ಕ್ಷರಮಕ್ಷರಂ .

ಅವಿಜ್ಞಾತಾ ಸಹಸ್ರಾಂಶುರ್ವಿಧಾತಾ ಕೃತಲಕ್ಷಣಃ .. 51..

ಗಭಸ್ತಿನೇಮಿಃ ಸತ್ತ್ವಸ್ಥಃ ಸಿಂಹೋ ಭೂತಮಹೇಶ್ವರಃ .

ಆದಿದೇವೋ ಮಹಾದೇವೋ ದೇವೇಶೋ ದೇವಭೃದ್ಗುರುಃ .. 52..

ಉತ್ತರೋ ಗೋಪತಿರ್ಗೋಪ್ತಾ ಜ್ಞಾನಗಮ್ಯಃ ಪುರಾತನಃ .

ಶರೀರಭೂತಭೃದ್ಭೋಕ್ತಾ ಕಪೀಂದ್ರೋ ಭೂರಿದಕ್ಷಿಣಃ .. 53..

ಸೋಮಪೋಽಮೃತಪಃ ಸೋಮಃ ಪುರುಜಿತ್ಪುರುಸತ್ತಮಃ .

ವಿನಯೋ ಜಯಃ ಸತ್ಯಸಂಧೋ ದಾಶಾರ್ಹಃ ಸಾತ್ವತಾಂಪತಿಃ .. 54.. ವಿನಿಯೋಜ್ಯಃ

ಜೀವೋ ವಿನಯಿತಾ ಸಾಕ್ಷೀ ಮುಕುಂದೋಽಮಿತವಿಕ್ರಮಃ .

ಅಂಭೋನಿಧಿರನಂತಾತ್ಮಾ ಮಹೋದಧಿಶಯೋಽನ್ತಕಃ .. 55..

ಅಜೋ ಮಹಾರ್ಹಃ ಸ್ವಾಭಾವ್ಯೋ ಜಿತಾಮಿತ್ರಃ ಪ್ರಮೋದನಃ .

ಆನಂದೋ ನಂದನೋ ನಂದಃ ಸತ್ಯಧರ್ಮಾ ತ್ರಿವಿಕ್ರಮಃ .. 56..

ಮಹರ್ಷಿಃ ಕಪಿಲಾಚಾರ್ಯಃ ಕೃತಜ್ಞೋ ಮೇದಿನೀಪತಿಃ .

ತ್ರಿಪದಸ್ತ್ರಿದಶಾಧ್ಯಕ್ಷೋ ಮಹಾಶೃಂಗಃ ಕೃತಾಂತಕೃತ್ .. 57..

ಮಹಾವರಾಹೋ ಗೋವಿಂದಃ ಸುಷೇಣಃ ಕನಕಾಂಗದೀ .

ಗುಹ್ಯೋ ಗಭೀರೋ ಗಹನೋ ಗುಪ್ತಶ್ಚಕ್ರಗದಾಧರಃ .. 58..

ವೇಧಾಃ ಸ್ವಾಂಗೋಽಜಿತಃ ಕೃಷ್ಣೋ ದೃಢಃ ಸಂಕರ್ಷಣೋಽಚ್ಯುತಃ .

ವರುಣೋ ವಾರುಣೋ ವೃಕ್ಷಃ ಪುಷ್ಕರಾಕ್ಷೋ ಮಹಾಮನಾಃ .. 59..

ಭಗವಾನ್ ಭಗಹಾಽಽನಂದೀ ವನಮಾಲೀ ಹಲಾಯುಧಃ .

ಆದಿತ್ಯೋ ಜ್ಯೋತಿರಾದಿತ್ಯಃ ಸಹಿಷ್ಣುರ್ಗತಿಸತ್ತಮಃ .. 60..

ಸುಧನ್ವಾ ಖಂಡಪರಶುರ್ದಾರುಣೋ ದ್ರವಿಣಪ್ರದಃ .

ದಿವಸ್ಪೃಕ್ ಸರ್ವದೃಗ್ವ್ಯಾಸೋ ವಾಚಸ್ಪತಿರಯೋನಿಜಃ .. 61..  var  ದಿವಿಸ್ಪೃಕ್

ತ್ರಿಸಾಮಾ ಸಾಮಗಃ ಸಾಮ ನಿರ್ವಾಣಂ ಭೇಷಜಂ ಭಿಷಕ್ .

ಸಂನ್ಯಾಸಕೃಚ್ಛಮಃ ಶಾಂತೋ ನಿಷ್ಠಾ ಶಾಂತಿಃ ಪರಾಯಣಂ .. 62..

ಶುಭಾಂಗಃ ಶಾಂತಿದಃ ಸ್ರಷ್ಟಾ ಕುಮುದಃ ಕುವಲೇಶಯಃ .

ಗೋಹಿತೋ ಗೋಪತಿರ್ಗೋಪ್ತಾ ವೃಷಭಾಕ್ಷೋ ವೃಷಪ್ರಿಯಃ .. 63..

ಅನಿವರ್ತೀ ನಿವೃತ್ತಾತ್ಮಾ ಸಂಕ್ಷೇಪ್ತಾ ಕ್ಷೇಮಕೃಚ್ಛಿವಃ .

ಶ್ರೀವತ್ಸವಕ್ಷಾಃ ಶ್ರೀವಾಸಃ ಶ್ರೀಪತಿಃ ಶ್ರೀಮತಾಂವರಃ .. 64..

ಶ್ರೀದಃ ಶ್ರೀಶಃ ಶ್ರೀನಿವಾಸಃ ಶ್ರೀನಿಧಿಃ ಶ್ರೀವಿಭಾವನಃ .

ಶ್ರೀಧರಃ ಶ್ರೀಕರಃ ಶ್ರೇಯಃ ಶ್ರೀಮಾಁಲ್ಲೋಕತ್ರಯಾಶ್ರಯಃ .. 65..

ಸ್ವಕ್ಷಃ ಸ್ವಂಗಃ ಶತಾನಂದೋ ನಂದಿರ್ಜ್ಯೋತಿರ್ಗಣೇಶ್ವರಃ .

ವಿಜಿತಾತ್ಮಾಽವಿಧೇಯಾತ್ಮಾ ಸತ್ಕೀರ್ತಿಶ್ಛಿನ್ನಸಂಶಯಃ .. 66..

ಉದೀರ್ಣಃ ಸರ್ವತಶ್ಚಕ್ಷುರನೀಶಃ ಶಾಶ್ವತಸ್ಥಿರಃ .

ಭೂಶಯೋ ಭೂಷಣೋ ಭೂತಿರ್ವಿಶೋಕಃ ಶೋಕನಾಶನಃ .. 67..

ಅರ್ಚಿಷ್ಮಾನರ್ಚಿತಃ ಕುಂಭೋ ವಿಶುದ್ಧಾತ್ಮಾ ವಿಶೋಧನಃ .

ಅನಿರುದ್ಧೋಽಪ್ರತಿರಥಃ ಪ್ರದ್ಯುಮ್ನೋಽಮಿತವಿಕ್ರಮಃ .. 68..

ಕಾಲನೇಮಿನಿಹಾ ವೀರಃ ಶೌರಿಃ ಶೂರಜನೇಶ್ವರಃ .

ತ್ರಿಲೋಕಾತ್ಮಾ ತ್ರಿಲೋಕೇಶಃ ಕೇಶವಃ ಕೇಶಿಹಾ ಹರಿಃ .. 69..

ಕಾಮದೇವಃ ಕಾಮಪಾಲಃ ಕಾಮೀ ಕಾಂತಃ ಕೃತಾಗಮಃ .

ಅನಿರ್ದೇಶ್ಯವಪುರ್ವಿಷ್ಣುರ್ವೀರೋಽನಂತೋ ಧನಂಜಯಃ .. 70..

ಬ್ರಹ್ಮಣ್ಯೋ ಬ್ರಹ್ಮಕೃದ್ ಬ್ರಹ್ಮಾ ಬ್ರಹ್ಮ ಬ್ರಹ್ಮವಿವರ್ಧನಃ .

ಬ್ರಹ್ಮವಿದ್ ಬ್ರಾಹ್ಮಣೋ ಬ್ರಹ್ಮೀ ಬ್ರಹ್ಮಜ್ಞೋ ಬ್ರಾಹ್ಮಣಪ್ರಿಯಃ .. 71..

ಮಹಾಕ್ರಮೋ ಮಹಾಕರ್ಮಾ ಮಹಾತೇಜಾ ಮಹೋರಗಃ .

ಮಹಾಕ್ರತುರ್ಮಹಾಯಜ್ವಾ ಮಹಾಯಜ್ಞೋ ಮಹಾಹವಿಃ .. 72..

ಸ್ತವ್ಯಃ ಸ್ತವಪ್ರಿಯಃ ಸ್ತೋತ್ರಂ ಸ್ತುತಿಃ ಸ್ತೋತಾ ರಣಪ್ರಿಯಃ .

ಪೂರ್ಣಃ ಪೂರಯಿತಾ ಪುಣ್ಯಃ ಪುಣ್ಯಕೀರ್ತಿರನಾಮಯಃ .. 73..

ಮನೋಜವಸ್ತೀರ್ಥಕರೋ ವಸುರೇತಾ ವಸುಪ್ರದಃ .

ವಸುಪ್ರದೋ ವಾಸುದೇವೋ ವಸುರ್ವಸುಮನಾ ಹವಿಃ .. 74..

ಸದ್ಗತಿಃ ಸತ್ಕೃತಿಃ ಸತ್ತಾ ಸದ್ಭೂತಿಃ ಸತ್ಪರಾಯಣಃ .

ಶೂರಸೇನೋ ಯದುಶ್ರೇಷ್ಠಃ ಸನ್ನಿವಾಸಃ ಸುಯಾಮುನಃ .. 75..

ಭೂತಾವಾಸೋ ವಾಸುದೇವಃ ಸರ್ವಾಸುನಿಲಯೋಽನಲಃ .

ದರ್ಪಹಾ ದರ್ಪದೋ ದೃಪ್ತೋ ದುರ್ಧರೋಽಥಾಪರಾಜಿತಃ .. 76..

ವಿಶ್ವಮೂರ್ತಿರ್ಮಹಾಮೂರ್ತಿರ್ದೀಪ್ತಮೂರ್ತಿರಮೂರ್ತಿಮಾನ್ .

ಅನೇಕಮೂರ್ತಿರವ್ಯಕ್ತಃ ಶತಮೂರ್ತಿಃ ಶತಾನನಃ .. 77..

ಏಕೋ ನೈಕಃ ಸವಃ ಕಃ ಕಿಂ ಯತ್ ತತ್ಪದಮನುತ್ತಮಂ .

ಲೋಕಬಂಧುರ್ಲೋಕನಾಥೋ ಮಾಧವೋ ಭಕ್ತವತ್ಸಲಃ .. 78..

ಸುವರ್ಣವರ್ಣೋ ಹೇಮಾಂಗೋ ವರಾಂಗಶ್ಚಂದನಾಂಗದೀ .

ವೀರಹಾ ವಿಷಮಃ ಶೂನ್ಯೋ ಘೃತಾಶೀರಚಲಶ್ಚಲಃ .. 79..

ಅಮಾನೀ ಮಾನದೋ ಮಾನ್ಯೋ ಲೋಕಸ್ವಾಮೀ ತ್ರಿಲೋಕಧೃಕ್ .

ಸುಮೇಧಾ ಮೇಧಜೋ ಧನ್ಯಃ ಸತ್ಯಮೇಧಾ ಧರಾಧರಃ .. 80..

ತೇಜೋವೃಷೋ ದ್ಯುತಿಧರಃ ಸರ್ವಶಸ್ತ್ರಭೃತಾಂ ವರಃ .

ಪ್ರಗ್ರಹೋ ನಿಗ್ರಹೋ ವ್ಯಗ್ರೋ ನೈಕಶೃಂಗೋ ಗದಾಗ್ರಜಃ .. 81..

ಚತುರ್ಮೂರ್ತಿಶ್ಚತುರ್ಬಾಹುಶ್ಚತುರ್ವ್ಯೂಹಶ್ಚತುರ್ಗತಿಃ .

ಚತುರಾತ್ಮಾ ಚತುರ್ಭಾವಶ್ಚತುರ್ವೇದವಿದೇಕಪಾತ್ .. 82..

ಸಮಾವರ್ತೋಽನಿವೃತ್ತಾತ್ಮಾ ದುರ್ಜಯೋ ದುರತಿಕ್ರಮಃ .

ದುರ್ಲಭೋ ದುರ್ಗಮೋ ದುರ್ಗೋ ದುರಾವಾಸೋ ದುರಾರಿಹಾ .. 83..

ಶುಭಾಂಗೋ ಲೋಕಸಾರಂಗಃ ಸುತಂತುಸ್ತಂತುವರ್ಧನಃ .

ಇಂದ್ರಕರ್ಮಾ ಮಹಾಕರ್ಮಾ ಕೃತಕರ್ಮಾ ಕೃತಾಗಮಃ .. 84..

ಉದ್ಭವಃ ಸುಂದರಃ ಸುಂದೋ ರತ್ನನಾಭಃ ಸುಲೋಚನಃ .

ಅರ್ಕೋ ವಾಜಸನಃ ಶೃಂಗೀ ಜಯಂತಃ ಸರ್ವವಿಜ್ಜಯೀ .. 85..

ಸುವರ್ಣಬಿಂದುರಕ್ಷೋಭ್ಯಃ ಸರ್ವವಾಗೀಶ್ವರೇಶ್ವರಃ .

ಮಹಾಹ್ರದೋ ಮಹಾಗರ್ತೋ ಮಹಾಭೂತೋ ಮಹಾನಿಧಿಃ .. 86..

ಕುಮುದಃ ಕುಂದರಃ ಕುಂದಃ ಪರ್ಜನ್ಯಃ ಪಾವನೋಽನಿಲಃ .

ಅಮೃತಾಶೋಽಮೃತವಪುಃ ಸರ್ವಜ್ಞಃ ಸರ್ವತೋಮುಖಃ .. 87..

ಸುಲಭಃ ಸುವ್ರತಃ ಸಿದ್ಧಃ ಶತ್ರುಜಿಚ್ಛತ್ರುತಾಪನಃ .

ನ್ಯಗ್ರೋಧೋಽದುಂಬರೋಽಶ್ವತ್ಥಶ್ಚಾಣೂರಾಂಧ್ರನಿಷೂದನಃ .. 88..

ಸಹಸ್ರಾರ್ಚಿಃ ಸಪ್ತಜಿಹ್ವಃ ಸಪ್ತೈಧಾಃ ಸಪ್ತವಾಹನಃ .

ಅಮೂರ್ತಿರನಘೋಽಚಿಂತ್ಯೋ ಭಯಕೃದ್ಭಯನಾಶನಃ .. 89..

ಅಣುರ್ಬೃಹತ್ಕೃಶಃ ಸ್ಥೂಲೋ ಗುಣಭೃನ್ನಿರ್ಗುಣೋ ಮಹಾನ್ .

ಅಧೃತಃ ಸ್ವಧೃತಃ ಸ್ವಾಸ್ಯಃ ಪ್ರಾಗ್ವಂಶೋ ವಂಶವರ್ಧನಃ .. 90..

ಭಾರಭೃತ್ ಕಥಿತೋ ಯೋಗೀ ಯೋಗೀಶಃ ಸರ್ವಕಾಮದಃ .

ಆಶ್ರಮಃ ಶ್ರಮಣಃ ಕ್ಷಾಮಃ ಸುಪರ್ಣೋ ವಾಯುವಾಹನಃ .. 91..

ಧನುರ್ಧರೋ ಧನುರ್ವೇದೋ ದಂಡೋ ದಮಯಿತಾ ದಮಃ .

ಅಪರಾಜಿತಃ ಸರ್ವಸಹೋ ನಿಯಂತಾಽನಿಯಮೋಽಯಮಃ .. 92..

ಸತ್ತ್ವವಾನ್ ಸಾತ್ತ್ವಿಕಃ ಸತ್ಯಃ ಸತ್ಯಧರ್ಮಪರಾಯಣಃ .

ಅಭಿಪ್ರಾಯಃ ಪ್ರಿಯಾರ್ಹೋಽರ್ಹಃ ಪ್ರಿಯಕೃತ್ ಪ್ರೀತಿವರ್ಧನಃ .. 93..

ವಿಹಾಯಸಗತಿರ್ಜ್ಯೋತಿಃ ಸುರುಚಿರ್ಹುತಭುಗ್ವಿಭುಃ .

ರವಿರ್ವಿರೋಚನಃ ಸೂರ್ಯಃ ಸವಿತಾ ರವಿಲೋಚನಃ .. 94..

ಅನಂತೋ ಹುತಭುಗ್ಭೋಕ್ತಾ ಸುಖದೋ ನೈಕಜೋಽಗ್ರಜಃ .

ಅನಿರ್ವಿಣ್ಣಃ ಸದಾಮರ್ಷೀ ಲೋಕಾಧಿಷ್ಠಾನಮದ್ಭುತಃ .. 95..

ಸನಾತ್ಸನಾತನತಮಃ ಕಪಿಲಃ ಕಪಿರವ್ಯಯಃ .

ಸ್ವಸ್ತಿದಃ ಸ್ವಸ್ತಿಕೃತ್ಸ್ವಸ್ತಿ ಸ್ವಸ್ತಿಭುಕ್ಸ್ವಸ್ತಿದಕ್ಷಿಣಃ .. 96..

ಅರೌದ್ರಃ ಕುಂಡಲೀ ಚಕ್ರೀ ವಿಕ್ರಮ್ಯೂರ್ಜಿತಶಾಸನಃ .

ಶಬ್ದಾತಿಗಃ ಶಬ್ದಸಹಃ ಶಿಶಿರಃ ಶರ್ವರೀಕರಃ .. 97..

ಅಕ್ರೂರಃ ಪೇಶಲೋ ದಕ್ಷೋ ದಕ್ಷಿಣಃ ಕ್ಷಮಿಣಾಂವರಃ .

ವಿದ್ವತ್ತಮೋ ವೀತಭಯಃ ಪುಣ್ಯಶ್ರವಣಕೀರ್ತನಃ .. 98..

ಉತ್ತಾರಣೋ ದುಷ್ಕೃತಿಹಾ ಪುಣ್ಯೋ ದುಃಸ್ವಪ್ನನಾಶನಃ .

ವೀರಹಾ ರಕ್ಷಣಃ ಸಂತೋ ಜೀವನಃ ಪರ್ಯವಸ್ಥಿತಃ .. 99..

ಅನಂತರೂಪೋಽನಂತಶ್ರೀರ್ಜಿತಮನ್ಯುರ್ಭಯಾಪಹಃ .

ಚತುರಶ್ರೋ ಗಭೀರಾತ್ಮಾ ವಿದಿಶೋ ವ್ಯಾದಿಶೋ ದಿಶಃ .. 100..

ಅನಾದಿರ್ಭೂರ್ಭುವೋ ಲಕ್ಷ್ಮೀಃ ಸುವೀರೋ ರುಚಿರಾಂಗದಃ .

ಜನನೋ ಜನಜನ್ಮಾದಿರ್ಭೀಮೋ ಭೀಮಪರಾಕ್ರಮಃ .. 101..

ಆಧಾರನಿಲಯೋಽಧಾತಾ ಪುಷ್ಪಹಾಸಃ ಪ್ರಜಾಗರಃ .

ಊರ್ಧ್ವಗಃ ಸತ್ಪಥಾಚಾರಃ ಪ್ರಾಣದಃ ಪ್ರಣವಃ ಪಣಃ .. 102..

ಪ್ರಮಾಣಂ ಪ್ರಾಣನಿಲಯಃ ಪ್ರಾಣಭೃತ್ಪ್ರಾಣಜೀವನಃ .

ತತ್ತ್ವಂ ತತ್ತ್ವವಿದೇಕಾತ್ಮಾ ಜನ್ಮಮೃತ್ಯುಜರಾತಿಗಃ .. 103..

ಭೂರ್ಭುವಃಸ್ವಸ್ತರುಸ್ತಾರಃ ಸವಿತಾ ಪ್ರಪಿತಾಮಹಃ .

ಯಜ್ಞೋ ಯಜ್ಞಪತಿರ್ಯಜ್ವಾ ಯಜ್ಞಾಂಗೋ ಯಜ್ಞವಾಹನಃ .. 104..

ಯಜ್ಞಭೃದ್ ಯಜ್ಞಕೃದ್ ಯಜ್ಞೀ ಯಜ್ಞಭುಗ್ ಯಜ್ಞಸಾಧನಃ .

ಯಜ್ಞಾಂತಕೃದ್ ಯಜ್ಞಗುಹ್ಯಮನ್ನಮನ್ನಾದ ಏವ ಚ .. 105..

ಆತ್ಮಯೋನಿಃ ಸ್ವಯಂಜಾತೋ ವೈಖಾನಃ ಸಾಮಗಾಯನಃ .

ದೇವಕೀನಂದನಃ ಸ್ರಷ್ಟಾ ಕ್ಷಿತೀಶಃ ಪಾಪನಾಶನಃ .. 106..

ಶಂಖಭೃನ್ನಂದಕೀ ಚಕ್ರೀ ಶಾರ್ಙ್ಗಧನ್ವಾ ಗದಾಧರಃ .

ರಥಾಂಗಪಾಣಿರಕ್ಷೋಭ್ಯಃ ಸರ್ವಪ್ರಹರಣಾಯುಧಃ .. 107..

ಸರ್ವಪ್ರಹರಣಾಯುಧ ಓಂ ನಮ ಇತಿ .

ವನಮಾಲೀ ಗದೀ ಶಾರ್ಙ್ಗೀ ಶಂಖೀ ಚಕ್ರೀ ಚ ನಂದಕೀ .

ಶ್ರೀಮಾನ್ ನಾರಾಯಣೋ ವಿಷ್ಣುರ್ವಾಸುದೇವೋಽಭಿರಕ್ಷತು .. 108..

ಶ್ರೀ ವಾಸುದೇವೋಽಭಿರಕ್ಷತು ಓಂ ನಮ ಇತಿ .

           ಉತ್ತರನ್ಯಾಸಃ .

     ಭೀಷ್ಮ ಉವಾಚ ---

ಇತೀದಂ ಕೀರ್ತನೀಯಸ್ಯ ಕೇಶವಸ್ಯ ಮಹಾತ್ಮನಃ .

ನಾಮ್ನಾಂ ಸಹಸ್ರಂ ದಿವ್ಯಾನಾಮಶೇಷೇಣ ಪ್ರಕೀರ್ತಿತಂ .. 1..

ಯ ಇದಂ ಶೃಣುಯಾನ್ನಿತ್ಯಂ ಯಶ್ಚಾಪಿ ಪರಿಕೀರ್ತಯೇತ್ .

ನಾಶುಭಂ ಪ್ರಾಪ್ನುಯಾತ್ಕಿಂಚಿತ್ಸೋಽಮುತ್ರೇಹ ಚ ಮಾನವಃ .. 2..

ವೇದಾಂತಗೋ ಬ್ರಾಹ್ಮಣಃ ಸ್ಯಾತ್ಕ್ಷತ್ರಿಯೋ ವಿಜಯೀ ಭವೇತ್ .

ವೈಶ್ಯೋ ಧನಸಮೃದ್ಧಃ ಸ್ಯಾಚ್ಛೂದ್ರಃ ಸುಖಮವಾಪ್ನುಯಾತ್ .. 3..

ಧರ್ಮಾರ್ಥೀ ಪ್ರಾಪ್ನುಯಾದ್ಧರ್ಮಮರ್ಥಾರ್ಥೀ ಚಾರ್ಥಮಾಪ್ನುಯಾತ್ .

ಕಾಮಾನವಾಪ್ನುಯಾತ್ಕಾಮೀ ಪ್ರಜಾರ್ಥೀ ಪ್ರಾಪ್ನುಯಾತ್ಪ್ರಜಾಂ .. 4..

ಭಕ್ತಿಮಾನ್ ಯಃ ಸದೋತ್ಥಾಯ ಶುಚಿಸ್ತದ್ಗತಮಾನಸಃ .

ಸಹಸ್ರಂ ವಾಸುದೇವಸ್ಯ ನಾಮ್ನಾಮೇತತ್ಪ್ರಕೀರ್ತಯೇತ್ .. 5..

ಯಶಃ ಪ್ರಾಪ್ನೋತಿ ವಿಪುಲಂ ಜ್ಞಾತಿಪ್ರಾಧಾನ್ಯಮೇವ ಚ .

ಅಚಲಾಂ ಶ್ರಿಯಮಾಪ್ನೋತಿ ಶ್ರೇಯಃ ಪ್ರಾಪ್ನೋತ್ಯನುತ್ತಮಂ .. 6..

ನ ಭಯಂ ಕ್ವಚಿದಾಪ್ನೋತಿ ವೀರ್ಯಂ ತೇಜಶ್ಚ ವಿಂದತಿ .

ಭವತ್ಯರೋಗೋ ದ್ಯುತಿಮಾನ್ಬಲರೂಪಗುಣಾನ್ವಿತಃ .. 7..

ರೋಗಾರ್ತೋ ಮುಚ್ಯತೇ ರೋಗಾದ್ಬದ್ಧೋ ಮುಚ್ಯೇತ ಬಂಧನಾತ್ .

ಭಯಾನ್ಮುಚ್ಯೇತ ಭೀತಸ್ತು ಮುಚ್ಯೇತಾಪನ್ನ ಆಪದಃ .. 8..

ದುರ್ಗಾಣ್ಯತಿತರತ್ಯಾಶು ಪುರುಷಃ ಪುರುಷೋತ್ತಮಂ .

ಸ್ತುವನ್ನಾಮಸಹಸ್ರೇಣ ನಿತ್ಯಂ ಭಕ್ತಿಸಮನ್ವಿತಃ .. 9..

ವಾಸುದೇವಾಶ್ರಯೋ ಮರ್ತ್ಯೋ ವಾಸುದೇವಪರಾಯಣಃ .

ಸರ್ವಪಾಪವಿಶುದ್ಧಾತ್ಮಾ ಯಾತಿ ಬ್ರಹ್ಮ ಸನಾತನಂ .. 10..

ನ ವಾಸುದೇವಭಕ್ತಾನಾಮಶುಭಂ ವಿದ್ಯತೇ ಕ್ವಚಿತ್ .

ಜನ್ಮಮೃತ್ಯುಜರಾವ್ಯಾಧಿಭಯಂ ನೈವೋಪಜಾಯತೇ .. 11..

ಇಮಂ ಸ್ತವಮಧೀಯಾನಃ ಶ್ರದ್ಧಾಭಕ್ತಿಸಮನ್ವಿತಃ .

ಯುಜ್ಯೇತಾತ್ಮಸುಖಕ್ಷಾಂತಿಶ್ರೀಧೃತಿಸ್ಮೃತಿಕೀರ್ತಿಭಿಃ .. 12..

ನ ಕ್ರೋಧೋ ನ ಚ ಮಾತ್ಸರ್ಯಂ ನ ಲೋಭೋ ನಾಶುಭಾ ಮತಿಃ .

ಭವಂತಿ ಕೃತ ಪುಣ್ಯಾನಾಂ ಭಕ್ತಾನಾಂ ಪುರುಷೋತ್ತಮೇ .. 13..

ದ್ಯೌಃ ಸಚಂದ್ರಾರ್ಕನಕ್ಷತ್ರಾ ಖಂ ದಿಶೋ ಭೂರ್ಮಹೋದಧಿಃ .

ವಾಸುದೇವಸ್ಯ ವೀರ್ಯೇಣ ವಿಧೃತಾನಿ ಮಹಾತ್ಮನಃ .. 14..

ಸಸುರಾಸುರಗಂಧರ್ವಂ ಸಯಕ್ಷೋರಗರಾಕ್ಷಸಂ .

ಜಗದ್ವಶೇ ವರ್ತತೇದಂ ಕೃಷ್ಣಸ್ಯ ಸಚರಾಚರಂ .. 15..

ಇಂದ್ರಿಯಾಣಿ ಮನೋ ಬುದ್ಧಿಃ ಸತ್ತ್ವಂ ತೇಜೋ ಬಲಂ ಧೃತಿಃ .

ವಾಸುದೇವಾತ್ಮಕಾನ್ಯಾಹುಃ ಕ್ಷೇತ್ರಂ ಕ್ಷೇತ್ರಜ್ಞ ಏವ ಚ .. 16..

ಸರ್ವಾಗಮಾನಾಮಾಚಾರಃ ಪ್ರಥಮಂ ಪರಿಕಲ್ಪ್ಯತೇ . var??  ಕಲ್ಪತೇ

ಆಚಾರಪ್ರಭವೋ ಧರ್ಮೋ ಧರ್ಮಸ್ಯ ಪ್ರಭುರಚ್ಯುತಃ .. 17..

ಋಷಯಃ ಪಿತರೋ ದೇವಾ ಮಹಾಭೂತಾನಿ ಧಾತವಃ .

ಜಂಗಮಾಜಂಗಮಂ ಚೇದಂ ಜಗನ್ನಾರಾಯಣೋದ್ಭವಂ .. 18..

ಯೋಗೋ ಜ್ಞಾನಂ ತಥಾ ಸಾಂಖ್ಯಂ ವಿದ್ಯಾಃ ಶಿಲ್ಪಾದಿ ಕರ್ಮ ಚ .

ವೇದಾಃ ಶಾಸ್ತ್ರಾಣಿ ವಿಜ್ಞಾನಮೇತತ್ಸರ್ವಂ ಜನಾರ್ದನಾತ್ .. 19..

ಏಕೋ ವಿಷ್ಣುರ್ಮಹದ್ಭೂತಂ ಪೃಥಗ್ಭೂತಾನ್ಯನೇಕಶಃ .

ತ್ರೀಂಲ್ಲೋಕಾನ್ವ್ಯಾಪ್ಯ ಭೂತಾತ್ಮಾ ಭುಂಕ್ತೇ ವಿಶ್ವಭುಗವ್ಯಯಃ .. 20..

ಇಮಂ ಸ್ತವಂ ಭಗವತೋ ವಿಷ್ಣೋರ್ವ್ಯಾಸೇನ ಕೀರ್ತಿತಂ .

ಪಠೇದ್ಯ ಇಚ್ಛೇತ್ಪುರುಷಃ ಶ್ರೇಯಃ ಪ್ರಾಪ್ತುಂ ಸುಖಾನಿ ಚ .. 21..

ವಿಶ್ವೇಶ್ವರಮಜಂ ದೇವಂ ಜಗತಃ ಪ್ರಭುಮವ್ಯಯಂ .

ಭಜಂತಿ ಯೇ ಪುಷ್ಕರಾಕ್ಷಂ ನ ತೇ ಯಾಂತಿ ಪರಾಭವಂ .. 22..

ನ ತೇ ಯಾಂತಿ ಪರಾಭವಂ ಓಂ ನಮ ಇತಿ .

     ಅರ್ಜುನ ಉವಾಚ ---

ಪದ್ಮಪತ್ರವಿಶಾಲಾಕ್ಷ ಪದ್ಮನಾಭ ಸುರೋತ್ತಮ .

ಭಕ್ತಾನಾಮನುರಕ್ತಾನಾಂ ತ್ರಾತಾ ಭವ ಜನಾರ್ದನ .. 23..

ಶ್ರೀಭಗವಾನುವಾಚ ---

ಯೋ ಮಾಂ ನಾಮಸಹಸ್ರೇಣ ಸ್ತೋತುಮಿಚ್ಛತಿ ಪಾಂಡವ .

ಸೋಹಽಮೇಕೇನ ಶ್ಲೋಕೇನ ಸ್ತುತ ಏವ ನ ಸಂಶಯಃ .. 24..

ಸ್ತುತ ಏವ ನ ಸಂಶಯ ಓಂ ನಮ ಇತಿ .

     ವ್ಯಾಸ ಉವಾಚ ---

ವಾಸನಾದ್ವಾಸುದೇವಸ್ಯ ವಾಸಿತಂ ಭುವನತ್ರಯಂ .

ಸರ್ವಭೂತನಿವಾಸೋಽಸಿ ವಾಸುದೇವ ನಮೋಽಸ್ತು ತೇ .. 25..

ಶ್ರೀ ವಾಸುದೇವ ನಮೋಽಸ್ತುತ ಓಂ ನಮ ಇತಿ .

ಪಾರ್ವತ್ಯುವಾಚ ---

ಕೇನೋಪಾಯೇನ ಲಘುನಾ ವಿಷ್ಣೋರ್ನಾಮಸಹಸ್ರಕಂ .

ಪಠ್ಯತೇ ಪಂಡಿತೈರ್ನಿತ್ಯಂ ಶ್ರೋತುಮಿಚ್ಛಾಮ್ಯಹಂ ಪ್ರಭೋ .. 26..

     ಈಶ್ವರ ಉವಾಚ ---

ಶ್ರೀರಾಮ ರಾಮ ರಾಮೇತಿ ರಮೇ ರಾಮೇ ಮನೋರಮೇ .

ಸಹಸ್ರನಾಮ ತತ್ತುಲ್ಯಂ ರಾಮ ನಾಮ ವರಾನನೇ .. 27..

ಶ್ರೀರಾಮನಾಮ ವರಾನನ ಓಂ ನಮ ಇತಿ .

     ಬ್ರಹ್ಮೋವಾಚ ---

ನಮೋಽಸ್ತ್ವನಂತಾಯ ಸಹಸ್ರಮೂರ್ತಯೇ

ಸಹಸ್ರಪಾದಾಕ್ಷಿಶಿರೋರುಬಾಹವೇ .

ಸಹಸ್ರನಾಮ್ನೇ ಪುರುಷಾಯ ಶಾಶ್ವತೇ

ಸಹಸ್ರಕೋಟಿಯುಗಧಾರಿಣೇ ನಮಃ .. 28..

ಸಹಸ್ರಕೋಟಿಯುಗಧಾರಿಣೇ ಓಂ ನಮ ಇತಿ .

ಓಂ ತತ್ಸದಿತಿ ಶ್ರೀಮಹಾಭಾರತೇ ಶತಸಾಹಸ್ರ್ಯಾಂ ಸಂಹಿತಾಯಾಂ ವೈಯಾಸಿಕ್ಯಾಮಾನುಶಾಸನಿಕೇ

ಪರ್ವಣಿ ಭೀಷ್ಮಯುಧಿಷ್ಠಿರಸಂವಾದೇ ಶ್ರೀವಿಷ್ಣೋರ್ದಿವ್ಯಸಹಸ್ರನಾಮಸ್ತೋತ್ರಂ ..

     ಸಂಜಯ ಉವಾಚ ---

ಯತ್ರ ಯೋಗೇಶ್ವರಃ ಕೃಷ್ಣೋ ಯತ್ರ ಪಾರ್ಥೋ ಧನುರ್ಧರಃ .

ತತ್ರ ಶ್ರೀರ್ವಿಜಯೋ ಭೂತಿರ್ಧ್ರುವಾ ನೀತಿರ್ಮತಿರ್ಮಮ .. 29..

ಶ್ರೀಭಗವಾನುವಾಚ ---

ಅನನ್ಯಾಶ್ಚಿಂತಯಂತೋ ಮಾಂ ಯೇ ಜನಾಃ ಪರ್ಯುಪಾಸತೇ .

ತೇಷಾಂ ನಿತ್ಯಾಭಿಯುಕ್ತಾನಾಂ ಯೋಗಕ್ಷೇಮಂ ವಹಾಮ್ಯಹಂ .. 30..

ಪರಿತ್ರಾಣಾಯ ಸಾಧೂನಾಂ ವಿನಾಶಾಯ ಚ ದುಷ್ಕೃತಾಂ .

ಧರ್ಮಸಂಸ್ಥಾಪನಾರ್ಥಾಯ ಸಂಭವಾಮಿ ಯುಗೇ ಯುಗೇ .. 31..

ಆರ್ತಾಃ ವಿಷಣ್ಣಾಃ ಶಿಥಿಲಾಶ್ಚ ಭೀತಾಃ ಘೋರೇಷು ಚ ವ್ಯಾಧಿಷು ವರ್ತಮಾನಾಃ .

ಸಂಕೀರ್ತ್ಯ ನಾರಾಯಣಶಬ್ದಮಾತ್ರಂ ವಿಮುಕ್ತದುಃಖಾಃ ಸುಖಿನೋ ಭವಂತಿ .. 32.. var  ಭವಂತು

ಕಾಯೇನ ವಾಚಾ ಮನಸೇಂದ್ರಿಯೈರ್ವಾ ಬುದ್ಧ್ಯಾತ್ಮನಾ ವಾ ಪ್ರಕೃತೇಃ ಸ್ವಭಾವಾತ್ . var  ಪ್ರಕೃತಿಸ್ವಭಾವಾತ್ .

ಕರೋಮಿ ಯದ್ಯತ್ ಸಕಲಂ ಪರಸ್ಮೈ ನಾರಾಯಣಾಯೇತಿ ಸಮರ್ಪಯಾಮಿ .. 33..

  ಇತಿ ಶ್ರೀವಿಷ್ಣೋರ್ದಿವ್ಯಸಹಸ್ರನಾಮಸ್ತೋತ್ರಂ ಸಂಪೂರ್ಣಂ .

           ಓಂ ತತ್ ಸತ್ .

ಮಹಾಭಾರತೇ ಅನುಶಾಸನಪರ್ವಣಿ

 Additional Concluding Shlokas 

ಓಂ ಆಪದಾಮಪಹರ್ತಾರಂ ದಾತಾರಂ ಸರ್ವಸಂಪದಾಂ .

ಲೋಕಾಭಿರಾಮಂ ಶ್ರೀರಾಮಂ ಭೂಯೋ ಭೂಯೋ ನಮಾಮ್ಯಹಂ ..

ಆರ್ತಾನಾಮಾರ್ತಿಹಂತಾರಂ ಭೀತಾನಾಂ ಭೀತಿನಾಶನಂ .

ದ್ವಿಷತಾಂ ಕಾಲದಂಡಂ ತಂ ರಾಮಚಂದ್ರಂ ನಮಾಮ್ಯಹಂ ..

ನಮಃ ಕೋದಂಡಹಸ್ತಾಯ ಸಂಧೀಕೃತಶರಾಯ ಚ .

ಖಂಡಿತಾಖಿಲದೈತ್ಯಾಯ ರಾಮಾಯಽಽಪನ್ನಿವಾರಿಣೇ ..

ರಾಮಾಯ ರಾಮಭದ್ರಾಯ ರಾಮಚಂದ್ರಾಯ ವೇಧಸೇ .

ರಘುನಾಥಾಯ ನಾಥಾಯ ಸೀತಾಯಾಃ ಪತಯೇ ನಮಃ ..

ಅಗ್ರತಃ ಪೃಷ್ಠತಶ್ಚೈವ ಪಾರ್ಶ್ವತಶ್ಚ ಮಹಾಬಲೌ .

ಆಕರ್ಣಪೂರ್ಣಧನ್ವಾನೌ ರಕ್ಷೇತಾಂ ರಾಮಲಕ್ಷ್ಮಣೌ ..

ಸನ್ನದ್ಧಃ ಕವಚೀ ಖಡ್ಗೀ ಚಾಪಬಾಣಧರೋ ಯುವಾ .

ಗಚ್ಛನ್ ಮಮಾಗ್ರತೋ ನಿತ್ಯಂ ರಾಮಃ ಪಾತು ಸಲಕ್ಷ್ಮಣಃ ..

ಅಚ್ಯುತಾನಂತಗೋವಿಂದ ನಾಮೋಚ್ಚಾರಣಭೇಷಜಾತ್ .

ನಶ್ಯಂತಿ ಸಕಲಾ ರೋಗಾಸ್ಸತ್ಯಂ ಸತ್ಯಂ ವದಾಮ್ಯಹಂ ..

ಸತ್ಯಂ ಸತ್ಯಂ ಪುನಸ್ಸತ್ಯಮುದ್ಧೃತ್ಯ ಭುಜಮುಚ್ಯತೇ .

ವೇದಾಚ್ಛಾಸ್ತ್ರಂ ಪರಂ ನಾಸ್ತಿ ನ ದೇವಂ ಕೇಶವಾತ್ಪರಂ ..

ಶರೀರೇ ಜರ್ಝರೀಭೂತೇ ವ್ಯಾಧಿಗ್ರಸ್ತೇ ಕಳೇವರೇ .

ಔಷಧಂ ಜಾಹ್ನವೀತೋಯಂ ವೈದ್ಯೋ ನಾರಾಯಣೋ ಹರಿಃ ..

ಆಲೋಡ್ಯ ಸರ್ವಶಾಸ್ತ್ರಾಣಿ ವಿಚಾರ್ಯ ಚ ಪುನಃ ಪುನಃ .

ಇದಮೇಕಂ ಸುನಿಷ್ಪನ್ನಂ ಧ್ಯೇಯೋ ನಾರಾಯಣೋ ಹರಿಃ ..

ಯದಕ್ಷರಪದಭ್ರಷ್ಟಂ ಮಾತ್ರಾಹೀನಂ ತು ಯದ್ಭವೇತ್ .

ತತ್ಸರ್ವಂ ಕ್ಷಮ್ಯತಾಂ ದೇವ ನಾರಾಯಣ ನಮೋಽಸ್ತು ತೇ ..

ವಿಸರ್ಗಬಿಂದುಮಾತ್ರಾಣಿ ಪದಪಾದಾಕ್ಷರಾಣಿ ಚ .

ನ್ಯೂನಾನಿ ಚಾತಿರಿಕ್ತಾನಿ ಕ್ಷಮಸ್ವ ಪುರುಷೋತ್ತಮ ..

 Alternate Concluding Shlokas 

ನಮಃ ಕಮಲನಾಭಾಯ ನಮಸ್ತೇ ಜಲಶಾಯಿನೇ .

ನಮಸ್ತೇ ಕೇಶವಾನಂತ ವಾಸುದೇವ ನಮೋಽಸ್ತುತೇ ..

ನಮೋ ಬ್ರಹ್ಮಣ್ಯದೇವಾಯ ಗೋಬ್ರಾಹ್ಮಣಹಿತಾಯ ಚ .

ಜಗದ್ಧಿತಾಯ ಕೃಷ್ಣಾಯ ಗೋವಿಂದಾಯ ನಮೋ ನಮಃ ..

ಆಕಾಶಾತ್ಪತಿತಂ ತೋಯಂ ಯಥಾ ಗಚ್ಛತಿ ಸಾಗರಂ .

ಸರ್ವದೇವನಮಸ್ಕಾರಃ ಕೇಶವಂ ಪ್ರತಿ ಗಚ್ಛತಿ ..

ಏಷ ನಿಷ್ಕಂಟಕಃ ಪಂಥಾ ಯತ್ರ ಸಂಪೂಜ್ಯತೇ ಹರಿಃ .

ಕುಪಥಂ ತಂ ವಿಜಾನೀಯಾದ್ ಗೋವಿಂದರಹಿತಾಗಮಂ ..

ಸರ್ವವೇದೇಷು ಯತ್ಪುಣ್ಯಂ ಸರ್ವತೀರ್ಥೇಷು ಯತ್ಫಲಂ .

ತತ್ಫಲಂ ಸಮವಾಪ್ನೋತಿ ಸ್ತುತ್ವಾ ದೇವಂ ಜನಾರ್ದನಂ ..

ಯೋ ನರಃ ಪಠತೇ ನಿತ್ಯಂ ತ್ರಿಕಾಲಂ ಕೇಶವಾಲಯೇ .

ದ್ವಿಕಾಲಮೇಕಕಾಲಂ ವಾ ಕ್ರೂರಂ ಸರ್ವಂ ವ್ಯಪೋಹತಿ ..

ದಹ್ಯಂತೇ ರಿಪವಸ್ತಸ್ಯ ಸೌಮ್ಯಾಃ ಸರ್ವೇ ಸದಾ ಗ್ರಹಾಃ .

ವಿಲೀಯಂತೇ ಚ ಪಾಪಾನಿ ಸ್ತವೇ ಹ್ಯಸ್ಮಿನ್ ಪ್ರಕೀರ್ತಿತೇ ..

ಯೇನೇ ಧ್ಯಾತಃ ಶ್ರುತೋ ಯೇನ ಯೇನಾಯಂ ಪಠ್ಯತೇ ಸ್ತವಃ .

ದತ್ತಾನಿ ಸರ್ವದಾನಾನಿ ಸುರಾಃ ಸರ್ವೇ ಸಮರ್ಚಿತಾಃ ..

ಇಹ ಲೋಕೇ ಪರೇ ವಾಪಿ ನ ಭಯಂ ವಿದ್ಯತೇ ಕ್ವಚಿತ್ .

ನಾಮ್ನಾಂ ಸಹಸ್ರಂ ಯೋಽಧೀತೇ ದ್ವಾದಶ್ಯಾಂ ಮಮ ಸನ್ನಿಧೌ ..

ಶನೈರ್ದಹಂತಿ ಪಾಪಾನಿ ಕಲ್ಪಕೋಟೀಶತಾನಿ ಚ .

ಅಶ್ವತ್ಥಸನ್ನಿಧೌ ಪಾರ್ಥ ಧ್ಯಾತ್ವಾ ಮನಸಿ ಕೇಶವಂ ..

ಪಠೇನ್ನಾಮಸಹಸ್ರಂ ತು ಗವಾಂ ಕೋಟಿಫಲಂ ಲಭೇತ್ .

ಶಿವಾಲಯೇ ಪಠೇನಿತ್ಯಂ ತುಲಸೀವನಸಂಸ್ಥಿತಃ ..

ನರೋ ಮುಕ್ತಿಮವಾಪ್ನೋತಿ ಚಕ್ರಪಾಣೇರ್ವಚೋ ಯಥಾ .

ಬ್ರಹ್ಮಹತ್ಯಾದಿಕಂ ಘೋರಂ ಸರ್ವಪಾಪಂ ವಿನಶ್ಯತಿ ..

ವಿಲಯಂ ಯಾಂತಿ ಪಾಪಾನಿ ಚಾನ್ಯಪಾಪಸ್ಯ ಕಾ ಕಥಾ .

ಸರ್ವಪಾಪವಿನಿರ್ಮುಕ್ತೋ ವಿಷ್ಣುಲೋಕಂ ಸ ಗಚ್ಛತಿ ..

           .. ಹರಿಃ ಓಂ ತತ್ಸತ್ ..

 శ్రీవిష్ణుసహస్రనామస్తోత్రం 

నారాయణం నమస్కృత్య నరం చైవ నరోత్తమం .

దేవీం సరస్వతీం వ్యాసం తతో జయముదీరయేత్ ..

ఓం అథ సకలసౌభాగ్యదాయక శ్రీవిష్ణుసహస్రనామస్తోత్రం .

శుక్లాంబరధరం విష్ణుం శశివర్ణం చతుర్భుజం .

ప్రసన్నవదనం ధ్యాయేత్ సర్వవిఘ్నోపశాంతయే .. 1..

యస్య ద్విరదవక్త్రాద్యాః పారిషద్యాః పరః శతం .

విఘ్నం నిఘ్నంతి సతతం విష్వక్సేనం తమాశ్రయే .. 2..

వ్యాసం వసిష్ఠనప్తారం శక్తేః పౌత్రమకల్మషం .

పరాశరాత్మజం వందే శుకతాతం తపోనిధిం .. 3..

వ్యాసాయ విష్ణురూపాయ వ్యాసరూపాయ విష్ణవే .

నమో వై బ్రహ్మనిధయే వాసిష్ఠాయ నమో నమః .. 4..

అవికారాయ శుద్ధాయ నిత్యాయ పరమాత్మనే .

సదైకరూపరూపాయ విష్ణవే సర్వజిష్ణవే .. 5..

యస్య స్మరణమాత్రేణ జన్మసంసారబంధనాత్ .

విముచ్యతే నమస్తస్మై విష్ణవే ప్రభవిష్ణవే .. 6..

ఓం నమో విష్ణవే ప్రభవిష్ణవే .

     శ్రీవైశంపాయన ఉవాచ ---

శ్రుత్వా ధర్మానశేషేణ పావనాని చ సర్వశః .

యుధిష్ఠిరః శాంతనవం పునరేవాభ్యభాషత .. 7..

     యుధిష్ఠిర ఉవాచ ---

కిమేకం దైవతం లోకే కిం వాప్యేకం పరాయణం .

స్తువంతః కం కమర్చంతః ప్రాప్నుయుర్మానవాః శుభం .. 8..

కో ధర్మః సర్వధర్మాణాం భవతః పరమో మతః .

కిం జపన్ముచ్యతే జంతుర్జన్మసంసారబంధనాత్ .. 9..

     భీష్మ ఉవాచ ---

జగత్ప్రభుం దేవదేవమనంతం పురుషోత్తమం .

స్తువన్ నామసహస్రేణ పురుషః సతతోత్థితః .. 10..

తమేవ చార్చయన్నిత్యం  భక్త్యా పురుషమవ్యయం .

ధ్యాయన్ స్తువన్ నమస్యంశ్చ యజమానస్తమేవ చ .. 11..

అనాదినిధనం విష్ణుం సర్వలోకమహేశ్వరం .

లోకాధ్యక్షం స్తువన్నిత్యం సర్వదుఃఖాతిగో భవేత్ .. 12..

బ్రహ్మణ్యం సర్వధర్మజ్ఞం లోకానాం కీర్తివర్ధనం .

లోకనాథం మహద్భూతం సర్వభూతభవోద్భవం .. 13..

ఏష మే సర్వధర్మాణాం ధర్మోఽధికతమో మతః .

యద్భక్త్యా పుండరీకాక్షం స్తవైరర్చేన్నరః సదా .. 14..

పరమం యో మహత్తేజః పరమం యో మహత్తపః .

పరమం యో మహద్బ్రహ్మ పరమం యః పరాయణం .. 15..

పవిత్రాణాం పవిత్రం యో మంగలానాం చ మంగలం .

దైవతం దైవతానాం చ భూతానాం యోఽవ్యయః పితా .. 16..

యతః సర్వాణి భూతాని భవంత్యాదియుగాగమే .

యస్మింశ్చ ప్రలయం యాంతి పునరేవ యుగక్షయే .. 17..

తస్య లోకప్రధానస్య జగన్నాథస్య భూపతే .

విష్ణోర్నామసహస్రం మే శృణు పాపభయాపహం .. 18..

యాని నామాని గౌణాని విఖ్యాతాని మహాత్మనః .

ఋషిభిః పరిగీతాని తాని వక్ష్యామి భూతయే .. 19..

ఋషిర్నామ్నాం సహస్రస్య వేదవ్యాసో మహామునిః ..

ఛందోఽనుష్టుప్ తథా దేవో భగవాన్ దేవకీసుతః .. 20..

అమృతాంశూద్భవో బీజం శక్తిర్దేవకినందనః .

త్రిసామా హృదయం తస్య శాంత్యర్థే వినియోజ్యతే .. 21..

విష్ణుం జిష్ణుం మహావిష్ణుం ప్రభవిష్ణుం మహేశ్వరం ..

అనేకరూప దైత్యాంతం నమామి పురుషోత్తమం .. 22 ..

           పూర్వన్యాసః .

     శ్రీవేదవ్యాస ఉవాచ ---

ఓం అస్య శ్రీవిష్ణోర్దివ్యసహస్రనామస్తోత్రమహామంత్రస్య .

శ్రీ వేదవ్యాసో భగవాన్ ఋషిః .

అనుష్టుప్ ఛందః .

శ్రీమహావిష్ణుః పరమాత్మా శ్రీమన్నారాయణో దేవతా .

అమృతాంశూద్భవో భానురితి బీజం .

దేవకీనందనః స్రష్టేతి శక్తిః .

ఉద్భవః క్షోభణో దేవ ఇతి పరమో మంత్రః .

శంఖభృన్నందకీ చక్రీతి కీలకం .

శార్ఙ్గధన్వా గదాధర ఇత్యస్త్రం .

రథాంగపాణిరక్షోభ్య ఇతి నేత్రం .

త్రిసామా సామగః సామేతి కవచం .

ఆనందం పరబ్రహ్మేతి యోనిః .

ఋతుః సుదర్శనః కాల ఇతి దిగ్బంధః ..

శ్రీవిశ్వరూప ఇతి ధ్యానం .

శ్రీమహావిష్ణుప్రీత్యర్థే సహస్రనామస్తోత్రపాఠే వినియోగః ..

           అథ న్యాసః .

ఓం శిరసి వేదవ్యాసఋషయే నమః .

ముఖే అనుష్టుప్ఛందసే నమః .

హృది శ్రీకృష్ణపరమాత్మదేవతాయై నమః .

గుహ్యే అమృతాంశూద్భవో భానురితి బీజాయ నమః .

పాదయోర్దేవకీనందనః స్రష్టేతి శక్తయే నమః .

సర్వాంగే శంఖభృన్నందకీ చక్రీతి కీలకాయ నమః .

కరసంపూటే మమ శ్రీకృష్ణప్రీత్యర్థే జపే వినియోగాయ నమః ..

ఇతి ఋషయాదిన్యాసః ..

           అథ కరన్యాసః .

ఓం విశ్వం విష్ణుర్వషట్కార ఇత్యంగుష్ఠాభ్యాం నమః .

అమృతాంశూద్భవో భానురితి తర్జనీభ్యాం నమః .

బ్రహ్మణ్యో బ్రహ్మకృద్బ్రహ్మేతి మధ్యమాభ్యాం నమః .

సువర్ణబిందురక్షోభ్య ఇత్యనామికాభ్యాం నమః .

నిమిషోఽనిమిషః స్రగ్వీతి కనిష్ఠికాభ్యాం నమః .

రథాంగపాణిరక్షోభ్య ఇతి కరతలకరపృష్ఠాభ్యాం నమః .

ఇతి కరన్యాసః .

           అథ షడంగన్యాసః .

ఓం విశ్వం విష్ణుర్వషట్కార ఇతి హృదయాయ నమః .

అమృతాంశూద్భవో భానురితి శిరసే స్వాహా .

బ్రహ్మణ్యో బ్రహ్మకృద్బ్రహ్మేతి శిఖాయై వషట్ .

సువర్ణబిందురక్షోభ్య ఇతి కవచాయ హుం .

నిమిషోఽనిమిషః స్రగ్వీతి నేత్రత్రయాయ వౌషట్ .

రథాంగపాణిరక్షోభ్య ఇత్యస్త్రాయ ఫట్ .

ఇతి షడంగన్యాసః ..

శ్రీకృష్ణప్రీత్యర్థే విష్ణోర్దివ్యసహస్రనామజపమహం

కరిష్యే ఇతి సంకల్పః .

           అథ ధ్యానం .

క్షీరోదన్వత్ప్రదేశే శుచిమణివిలసత్సైకతేర్మౌక్తికానాం

మాలాకౢప్తాసనస్థః స్ఫటికమణినిభైర్మౌక్తికైర్మండితాంగః .

శుభ్రైరభ్రైరదభ్రైరుపరివిరచితైర్ముక్తపీయూష వర్షైః

ఆనందీ నః పునీయాదరినలినగదా శంఖపాణిర్ముకుందః .. 1..

భూః పాదౌ యస్య నాభిర్వియదసురనిలశ్చంద్ర సూర్యౌ చ నేత్రే

కర్ణావాశాః శిరో ద్యౌర్ముఖమపి దహనో యస్య వాస్తేయమబ్ధిః .

అంతఃస్థం యస్య విశ్వం సురనరఖగగోభోగిగంధర్వదైత్యైః

చిత్రం రంరమ్యతే తం త్రిభువన వపుషం విష్ణుమీశం నమామి .. 2..

ఓం శాంతాకారం భుజగశయనం పద్మనాభం సురేశం

విశ్వాధారం గగనసదృశం మేఘవర్ణం శుభాంగం .

లక్ష్మీకాంతం కమలనయనం యోగిభిర్ధ్యానగమ్యం  var  యోగిహృద్ధ్యానగమ్యం

వందే విష్ణుం భవభయహరం సర్వలోకైకనాథం .. 3..

మేఘశ్యామం పీతకౌశేయవాసం

శ్రీవత్సాంకం కౌస్తుభోద్భాసితాంగం .

పుణ్యోపేతం పుండరీకాయతాక్షం

విష్ణుం వందే సర్వలోకైకనాథం .. 4..

నమః సమస్తభూతానామాదిభూతాయ భూభృతే .

అనేకరూపరూపాయ విష్ణవే ప్రభవిష్ణవే .. 5..

సశంఖచక్రం సకిరీటకుండలం

సపీతవస్త్రం సరసీరుహేక్షణం .

సహారవక్షఃస్థలకౌస్తుభశ్రియం  var  స్థలశోభికౌస్తుభం

నమామి విష్ణుం శిరసా చతుర్భుజం .. 6..

ఛాయాయాం పారిజాతస్య హేమసింహాసనోపరి

ఆసీనమంబుదశ్యామమాయతాక్షమలంకృతం .

చంద్రాననం చతుర్బాహుం శ్రీవత్సాంకిత వక్షసం

రుక్మిణీ సత్యభామాభ్యాం సహితం కృష్ణమాశ్రయే .. 7..

      స్తోత్రం .

           హరిః ఓం .

విశ్వం విష్ణుర్వషట్కారో భూతభవ్యభవత్ప్రభుః .

భూతకృద్భూతభృద్భావో భూతాత్మా భూతభావనః .. 1..

పూతాత్మా పరమాత్మా చ ముక్తానాం పరమా గతిః .

అవ్యయః పురుషః సాక్షీ క్షేత్రజ్ఞోఽక్షర ఏవ చ .. 2..

యోగో యోగవిదాం నేతా ప్రధానపురుషేశ్వరః .

నారసింహవపుః శ్రీమాన్ కేశవః పురుషోత్తమః .. 3..

సర్వః శర్వః శివః స్థాణుర్భూతాదిర్నిధిరవ్యయః .

సంభవో భావనో భర్తా ప్రభవః ప్రభురీశ్వరః .. 4..

స్వయంభూః శంభురాదిత్యః పుష్కరాక్షో మహాస్వనః .

అనాదినిధనో ధాతా విధాతా ధాతురుత్తమః .. 5..

అప్రమేయో హృషీకేశః పద్మనాభోఽమరప్రభుః .

విశ్వకర్మా మనుస్త్వష్టా స్థవిష్ఠః స్థవిరో ధ్రువః .. 6..

అగ్రాహ్యః శాశ్వతః కృష్ణో లోహితాక్షః ప్రతర్దనః .

ప్రభూతస్త్రికకుబ్ధామ పవిత్రం మంగలం పరం .. 7..

ఈశానః ప్రాణదః ప్రాణో జ్యేష్ఠః శ్రేష్ఠః ప్రజాపతిః .

హిరణ్యగర్భో భూగర్భో మాధవో మధుసూదనః .. 8..

ఈశ్వరో విక్రమీ ధన్వీ మేధావీ విక్రమః క్రమః .

అనుత్తమో దురాధర్షః కృతజ్ఞః కృతిరాత్మవాన్ .. 9..

సురేశః శరణం శర్మ విశ్వరేతాః ప్రజాభవః .

అహః సంవత్సరో వ్యాలః ప్రత్యయః సర్వదర్శనః .. 10..

అజః సర్వేశ్వరః సిద్ధః సిద్ధిః సర్వాదిరచ్యుతః .

వృషాకపిరమేయాత్మా సర్వయోగవినిఃసృతః .. 11..

వసుర్వసుమనాః సత్యః సమాత్మాఽసమ్మితః సమః .

అమోఘః పుండరీకాక్షో వృషకర్మా వృషాకృతిః .. 12..

రుద్రో బహుశిరా బభ్రుర్విశ్వయోనిః శుచిశ్రవాః .

అమృతః శాశ్వతస్థాణుర్వరారోహో మహాతపాః .. 13..

సర్వగః సర్వవిద్భానుర్విష్వక్సేనో జనార్దనః .

వేదో వేదవిదవ్యంగో వేదాంగో వేదవిత్ కవిః .. 14..

లోకాధ్యక్షః సురాధ్యక్షో ధర్మాధ్యక్షః కృతాకృతః .

చతురాత్మా చతుర్వ్యూహశ్చతుర్దంష్ట్రశ్చతుర్భుజః .. 15..

భ్రాజిష్ణుర్భోజనం భోక్తా సహిష్ణుర్జగదాదిజః .

అనఘో విజయో జేతా విశ్వయోనిః పునర్వసుః .. 16..

ఉపేంద్రో వామనః ప్రాంశురమోఘః శుచిరూర్జితః .

అతీంద్రః సంగ్రహః సర్గో ధృతాత్మా నియమో యమః .. 17..

వేద్యో వైద్యః సదాయోగీ వీరహా మాధవో మధుః .

అతీంద్రియో మహామాయో మహోత్సాహో మహాబలః .. 18..

మహాబుద్ధిర్మహావీర్యో మహాశక్తిర్మహాద్యుతిః .

అనిర్దేశ్యవపుః శ్రీమానమేయాత్మా మహాద్రిధృక్ .. 19..

మహేష్వాసో మహీభర్తా శ్రీనివాసః సతాం గతిః .

అనిరుద్ధః సురానందో గోవిందో గోవిదాం పతిః .. 20..

మరీచిర్దమనో హంసః సుపర్ణో భుజగోత్తమః .

హిరణ్యనాభః సుతపాః పద్మనాభః ప్రజాపతిః .. 21..

అమృత్యుః సర్వదృక్ సింహః సంధాతా సంధిమాన్ స్థిరః .

అజో దుర్మర్షణః శాస్తా విశ్రుతాత్మా సురారిహా .. 22..

గురుర్గురుతమో ధామ సత్యః సత్యపరాక్రమః .

నిమిషోఽనిమిషః స్రగ్వీ వాచస్పతిరుదారధీః .. 23..

అగ్రణీర్గ్రామణీః శ్రీమాన్ న్యాయో నేతా సమీరణః .

సహస్రమూర్ధా విశ్వాత్మా సహస్రాక్షః సహస్రపాత్ .. 24..

ఆవర్తనో నివృత్తాత్మా సంవృతః సంప్రమర్దనః .

అహః సంవర్తకో వహ్నిరనిలో ధరణీధరః .. 25..

సుప్రసాదః ప్రసన్నాత్మా విశ్వధృగ్విశ్వభుగ్విభుః .

సత్కర్తా సత్కృతః సాధుర్జహ్నుర్నారాయణో నరః .. 26..

అసంఖ్యేయోఽప్రమేయాత్మా విశిష్టః శిష్టకృచ్ఛుచిః .

సిద్ధార్థః సిద్ధసంకల్పః సిద్ధిదః సిద్ధిసాధనః .. 27..

వృషాహీ వృషభో విష్ణుర్వృషపర్వా వృషోదరః .

వర్ధనో వర్ధమానశ్చ వివిక్తః శ్రుతిసాగరః .. 28..

సుభుజో దుర్ధరో వాగ్మీ మహేంద్రో వసుదో వసుః .

నైకరూపో బృహద్రూపః శిపివిష్టః ప్రకాశనః .. 29..

ఓజస్తేజోద్యుతిధరః ప్రకాశాత్మా ప్రతాపనః .

ఋద్ధః స్పష్టాక్షరో మంత్రశ్చంద్రాంశుర్భాస్కరద్యుతిః .. 30..

అమృతాంశూద్భవో భానుః శశబిందుః సురేశ్వరః .

ఔషధం జగతః సేతుః సత్యధర్మపరాక్రమః .. 31..

భూతభవ్యభవన్నాథః పవనః పావనోఽనలః .

కామహా కామకృత్కాంతః కామః కామప్రదః ప్రభుః .. 32..

యుగాదికృద్యుగావర్తో నైకమాయో మహాశనః .

అదృశ్యో వ్యక్తరూపశ్చ సహస్రజిదనంతజిత్ .. 33..

ఇష్టోఽవిశిష్టః శిష్టేష్టః శిఖండీ నహుషో వృషః .

క్రోధహా క్రోధకృత్కర్తా విశ్వబాహుర్మహీధరః .. 34..

అచ్యుతః ప్రథితః ప్రాణః ప్రాణదో వాసవానుజః .

అపాంనిధిరధిష్ఠానమప్రమత్తః ప్రతిష్ఠితః .. 35..

స్కందః స్కందధరో ధుర్యో వరదో వాయువాహనః .

వాసుదేవో బృహద్భానురాదిదేవః పురందరః .. 36..

అశోకస్తారణస్తారః శూరః శౌరిర్జనేశ్వరః .

అనుకూలః శతావర్తః పద్మీ పద్మనిభేక్షణః .. 37..

పద్మనాభోఽరవిందాక్షః పద్మగర్భః శరీరభృత్ .

మహర్ద్ధిరృద్ధో వృద్ధాత్మా మహాక్షో గరుడధ్వజః .. 38..

అతులః శరభో భీమః సమయజ్ఞో హవిర్హరిః .

సర్వలక్షణలక్షణ్యో లక్ష్మీవాన్ సమితింజయః .. 39..

విక్షరో రోహితో మార్గో హేతుర్దామోదరః సహః .

మహీధరో మహాభాగో వేగవానమితాశనః .. 40..

ఉద్భవః క్షోభణో దేవః శ్రీగర్భః పరమేశ్వరః .

కరణం కారణం కర్తా వికర్తా గహనో గుహః .. 41..

వ్యవసాయో వ్యవస్థానః సంస్థానః స్థానదో ధ్రువః .

పరర్ద్ధిః పరమస్పష్టస్తుష్టః పుష్టః శుభేక్షణః .. 42..

రామో విరామో విరజో మార్గో నేయో నయోఽనయః . or విరామో విరతో

వీరః శక్తిమతాం శ్రేష్ఠో ధర్మో ధర్మవిదుత్తమః .. 43..

వైకుంఠః పురుషః ప్రాణః ప్రాణదః ప్రణవః పృథుః .

హిరణ్యగర్భః శత్రుఘ్నో వ్యాప్తో వాయురధోక్షజః .. 44..

ఋతుః సుదర్శనః కాలః పరమేష్ఠీ పరిగ్రహః .

ఉగ్రః సంవత్సరో దక్షో విశ్రామో విశ్వదక్షిణః .. 45..

విస్తారః స్థావరస్థాణుః ప్రమాణం బీజమవ్యయం .

అర్థోఽనర్థో మహాకోశో మహాభోగో మహాధనః .. 46..

అనిర్విణ్ణః స్థవిష్ఠోఽభూర్ధర్మయూపో మహామఖః .

నక్షత్రనేమిర్నక్షత్రీ క్షమః క్షామః సమీహనః .. 47..

యజ్ఞ ఇజ్యో మహేజ్యశ్చ క్రతుః సత్రం సతాం గతిః .

సర్వదర్శీ విముక్తాత్మా సర్వజ్ఞో జ్ఞానముత్తమం .. 48..

సువ్రతః సుముఖః సూక్ష్మః సుఘోషః సుఖదః సుహృత్ .

మనోహరో జితక్రోధో వీరబాహుర్విదారణః .. 49..

స్వాపనః స్వవశో వ్యాపీ నైకాత్మా నైకకర్మకృత్ .

వత్సరో వత్సలో వత్సీ రత్నగర్భో ధనేశ్వరః .. 50..

ధర్మగుబ్ధర్మకృద్ధర్మీ సదసత్క్షరమక్షరం .

అవిజ్ఞాతా సహస్రాంశుర్విధాతా కృతలక్షణః .. 51..

గభస్తినేమిః సత్త్వస్థః సింహో భూతమహేశ్వరః .

ఆదిదేవో మహాదేవో దేవేశో దేవభృద్గురుః .. 52..

ఉత్తరో గోపతిర్గోప్తా జ్ఞానగమ్యః పురాతనః .

శరీరభూతభృద్భోక్తా కపీంద్రో భూరిదక్షిణః .. 53..

సోమపోఽమృతపః సోమః పురుజిత్పురుసత్తమః .

వినయో జయః సత్యసంధో దాశార్హః సాత్వతాంపతిః .. 54.. వినియోజ్యః

జీవో వినయితా సాక్షీ ముకుందోఽమితవిక్రమః .

అంభోనిధిరనంతాత్మా మహోదధిశయోఽన్తకః .. 55..

అజో మహార్హః స్వాభావ్యో జితామిత్రః ప్రమోదనః .

ఆనందో నందనో నందః సత్యధర్మా త్రివిక్రమః .. 56..

మహర్షిః కపిలాచార్యః కృతజ్ఞో మేదినీపతిః .

త్రిపదస్త్రిదశాధ్యక్షో మహాశృంగః కృతాంతకృత్ .. 57..

మహావరాహో గోవిందః సుషేణః కనకాంగదీ .

గుహ్యో గభీరో గహనో గుప్తశ్చక్రగదాధరః .. 58..

వేధాః స్వాంగోఽజితః కృష్ణో దృఢః సంకర్షణోఽచ్యుతః .

వరుణో వారుణో వృక్షః పుష్కరాక్షో మహామనాః .. 59..

భగవాన్ భగహాఽఽనందీ వనమాలీ హలాయుధః .

ఆదిత్యో జ్యోతిరాదిత్యః సహిష్ణుర్గతిసత్తమః .. 60..

సుధన్వా ఖండపరశుర్దారుణో ద్రవిణప్రదః .

దివస్పృక్ సర్వదృగ్వ్యాసో వాచస్పతిరయోనిజః .. 61..  var  దివిస్పృక్

త్రిసామా సామగః సామ నిర్వాణం భేషజం భిషక్ .

సంన్యాసకృచ్ఛమః శాంతో నిష్ఠా శాంతిః పరాయణం .. 62..

శుభాంగః శాంతిదః స్రష్టా కుముదః కువలేశయః .

గోహితో గోపతిర్గోప్తా వృషభాక్షో వృషప్రియః .. 63..

అనివర్తీ నివృత్తాత్మా సంక్షేప్తా క్షేమకృచ్ఛివః .

శ్రీవత్సవక్షాః శ్రీవాసః శ్రీపతిః శ్రీమతాంవరః .. 64..

శ్రీదః శ్రీశః శ్రీనివాసః శ్రీనిధిః శ్రీవిభావనః .

శ్రీధరః శ్రీకరః శ్రేయః శ్రీమాఀల్లోకత్రయాశ్రయః .. 65..

స్వక్షః స్వంగః శతానందో నందిర్జ్యోతిర్గణేశ్వరః .

విజితాత్మాఽవిధేయాత్మా సత్కీర్తిశ్ఛిన్నసంశయః .. 66..

ఉదీర్ణః సర్వతశ్చక్షురనీశః శాశ్వతస్థిరః .

భూశయో భూషణో భూతిర్విశోకః శోకనాశనః .. 67..

అర్చిష్మానర్చితః కుంభో విశుద్ధాత్మా విశోధనః .

అనిరుద్ధోఽప్రతిరథః ప్రద్యుమ్నోఽమితవిక్రమః .. 68..

కాలనేమినిహా వీరః శౌరిః శూరజనేశ్వరః .

త్రిలోకాత్మా త్రిలోకేశః కేశవః కేశిహా హరిః .. 69..

కామదేవః కామపాలః కామీ కాంతః కృతాగమః .

అనిర్దేశ్యవపుర్విష్ణుర్వీరోఽనంతో ధనంజయః .. 70..

బ్రహ్మణ్యో బ్రహ్మకృద్ బ్రహ్మా బ్రహ్మ బ్రహ్మవివర్ధనః .

బ్రహ్మవిద్ బ్రాహ్మణో బ్రహ్మీ బ్రహ్మజ్ఞో బ్రాహ్మణప్రియః .. 71..

మహాక్రమో మహాకర్మా మహాతేజా మహోరగః .

మహాక్రతుర్మహాయజ్వా మహాయజ్ఞో మహాహవిః .. 72..

స్తవ్యః స్తవప్రియః స్తోత్రం స్తుతిః స్తోతా రణప్రియః .

పూర్ణః పూరయితా పుణ్యః పుణ్యకీర్తిరనామయః .. 73..

మనోజవస్తీర్థకరో వసురేతా వసుప్రదః .

వసుప్రదో వాసుదేవో వసుర్వసుమనా హవిః .. 74..

సద్గతిః సత్కృతిః సత్తా సద్భూతిః సత్పరాయణః .

శూరసేనో యదుశ్రేష్ఠః సన్నివాసః సుయామునః .. 75..

భూతావాసో వాసుదేవః సర్వాసునిలయోఽనలః .

దర్పహా దర్పదో దృప్తో దుర్ధరోఽథాపరాజితః .. 76..

విశ్వమూర్తిర్మహామూర్తిర్దీప్తమూర్తిరమూర్తిమాన్ .

అనేకమూర్తిరవ్యక్తః శతమూర్తిః శతాననః .. 77..

ఏకో నైకః సవః కః కిం యత్ తత్పదమనుత్తమం .

లోకబంధుర్లోకనాథో మాధవో భక్తవత్సలః .. 78..

సువర్ణవర్ణో హేమాంగో వరాంగశ్చందనాంగదీ .

వీరహా విషమః శూన్యో ఘృతాశీరచలశ్చలః .. 79..

అమానీ మానదో మాన్యో లోకస్వామీ త్రిలోకధృక్ .

సుమేధా మేధజో ధన్యః సత్యమేధా ధరాధరః .. 80..

తేజోవృషో ద్యుతిధరః సర్వశస్త్రభృతాం వరః .

ప్రగ్రహో నిగ్రహో వ్యగ్రో నైకశృంగో గదాగ్రజః .. 81..

చతుర్మూర్తిశ్చతుర్బాహుశ్చతుర్వ్యూహశ్చతుర్గతిః .

చతురాత్మా చతుర్భావశ్చతుర్వేదవిదేకపాత్ .. 82..

సమావర్తోఽనివృత్తాత్మా దుర్జయో దురతిక్రమః .

దుర్లభో దుర్గమో దుర్గో దురావాసో దురారిహా .. 83..

శుభాంగో లోకసారంగః సుతంతుస్తంతువర్ధనః .

ఇంద్రకర్మా మహాకర్మా కృతకర్మా కృతాగమః .. 84..

ఉద్భవః సుందరః సుందో రత్ననాభః సులోచనః .

అర్కో వాజసనః శృంగీ జయంతః సర్వవిజ్జయీ .. 85..

సువర్ణబిందురక్షోభ్యః సర్వవాగీశ్వరేశ్వరః .

మహాహ్రదో మహాగర్తో మహాభూతో మహానిధిః .. 86..

కుముదః కుందరః కుందః పర్జన్యః పావనోఽనిలః .

అమృతాశోఽమృతవపుః సర్వజ్ఞః సర్వతోముఖః .. 87..

సులభః సువ్రతః సిద్ధః శత్రుజిచ్ఛత్రుతాపనః .

న్యగ్రోధోఽదుంబరోఽశ్వత్థశ్చాణూరాంధ్రనిషూదనః .. 88..

సహస్రార్చిః సప్తజిహ్వః సప్తైధాః సప్తవాహనః .

అమూర్తిరనఘోఽచింత్యో భయకృద్భయనాశనః .. 89..

అణుర్బృహత్కృశః స్థూలో గుణభృన్నిర్గుణో మహాన్ .

అధృతః స్వధృతః స్వాస్యః ప్రాగ్వంశో వంశవర్ధనః .. 90..

భారభృత్ కథితో యోగీ యోగీశః సర్వకామదః .

ఆశ్రమః శ్రమణః క్షామః సుపర్ణో వాయువాహనః .. 91..

ధనుర్ధరో ధనుర్వేదో దండో దమయితా దమః .

అపరాజితః సర్వసహో నియంతాఽనియమోఽయమః .. 92..

సత్త్వవాన్ సాత్త్వికః సత్యః సత్యధర్మపరాయణః .

అభిప్రాయః ప్రియార్హోఽర్హః ప్రియకృత్ ప్రీతివర్ధనః .. 93..

విహాయసగతిర్జ్యోతిః సురుచిర్హుతభుగ్విభుః .

రవిర్విరోచనః సూర్యః సవితా రవిలోచనః .. 94..

అనంతో హుతభుగ్భోక్తా సుఖదో నైకజోఽగ్రజః .

అనిర్విణ్ణః సదామర్షీ లోకాధిష్ఠానమద్భుతః .. 95..

సనాత్సనాతనతమః కపిలః కపిరవ్యయః .

స్వస్తిదః స్వస్తికృత్స్వస్తి స్వస్తిభుక్స్వస్తిదక్షిణః .. 96..

అరౌద్రః కుండలీ చక్రీ విక్రమ్యూర్జితశాసనః .

శబ్దాతిగః శబ్దసహః శిశిరః శర్వరీకరః .. 97..

అక్రూరః పేశలో దక్షో దక్షిణః క్షమిణాంవరః .

విద్వత్తమో వీతభయః పుణ్యశ్రవణకీర్తనః .. 98..

ఉత్తారణో దుష్కృతిహా పుణ్యో దుఃస్వప్ననాశనః .

వీరహా రక్షణః సంతో జీవనః పర్యవస్థితః .. 99..

అనంతరూపోఽనంతశ్రీర్జితమన్యుర్భయాపహః .

చతురశ్రో గభీరాత్మా విదిశో వ్యాదిశో దిశః .. 100..

అనాదిర్భూర్భువో లక్ష్మీః సువీరో రుచిరాంగదః .

జననో జనజన్మాదిర్భీమో భీమపరాక్రమః .. 101..

ఆధారనిలయోఽధాతా పుష్పహాసః ప్రజాగరః .

ఊర్ధ్వగః సత్పథాచారః ప్రాణదః ప్రణవః పణః .. 102..

ప్రమాణం ప్రాణనిలయః ప్రాణభృత్ప్రాణజీవనః .

తత్త్వం తత్త్వవిదేకాత్మా జన్మమృత్యుజరాతిగః .. 103..

భూర్భువఃస్వస్తరుస్తారః సవితా ప్రపితామహః .

యజ్ఞో యజ్ఞపతిర్యజ్వా యజ్ఞాంగో యజ్ఞవాహనః .. 104..

యజ్ఞభృద్ యజ్ఞకృద్ యజ్ఞీ యజ్ఞభుగ్ యజ్ఞసాధనః .

యజ్ఞాంతకృద్ యజ్ఞగుహ్యమన్నమన్నాద ఏవ చ .. 105..

ఆత్మయోనిః స్వయంజాతో వైఖానః సామగాయనః .

దేవకీనందనః స్రష్టా క్షితీశః పాపనాశనః .. 106..

శంఖభృన్నందకీ చక్రీ శార్ఙ్గధన్వా గదాధరః .

రథాంగపాణిరక్షోభ్యః సర్వప్రహరణాయుధః .. 107..

సర్వప్రహరణాయుధ ఓం నమ ఇతి .

వనమాలీ గదీ శార్ఙ్గీ శంఖీ చక్రీ చ నందకీ .

శ్రీమాన్ నారాయణో విష్ణుర్వాసుదేవోఽభిరక్షతు .. 108..

శ్రీ వాసుదేవోఽభిరక్షతు ఓం నమ ఇతి .

           ఉత్తరన్యాసః .

     భీష్మ ఉవాచ ---

ఇతీదం కీర్తనీయస్య కేశవస్య మహాత్మనః .

నామ్నాం సహస్రం దివ్యానామశేషేణ ప్రకీర్తితం .. 1..

య ఇదం శృణుయాన్నిత్యం యశ్చాపి పరికీర్తయేత్ .

నాశుభం ప్రాప్నుయాత్కించిత్సోఽముత్రేహ చ మానవః .. 2..

వేదాంతగో బ్రాహ్మణః స్యాత్క్షత్రియో విజయీ భవేత్ .

వైశ్యో ధనసమృద్ధః స్యాచ్ఛూద్రః సుఖమవాప్నుయాత్ .. 3..

ధర్మార్థీ ప్రాప్నుయాద్ధర్మమర్థార్థీ చార్థమాప్నుయాత్ .

కామానవాప్నుయాత్కామీ ప్రజార్థీ ప్రాప్నుయాత్ప్రజాం .. 4..

భక్తిమాన్ యః సదోత్థాయ శుచిస్తద్గతమానసః .

సహస్రం వాసుదేవస్య నామ్నామేతత్ప్రకీర్తయేత్ .. 5..

యశః ప్రాప్నోతి విపులం జ్ఞాతిప్రాధాన్యమేవ చ .

అచలాం శ్రియమాప్నోతి శ్రేయః ప్రాప్నోత్యనుత్తమం .. 6..

న భయం క్వచిదాప్నోతి వీర్యం తేజశ్చ విందతి .

భవత్యరోగో ద్యుతిమాన్బలరూపగుణాన్వితః .. 7..

రోగార్తో ముచ్యతే రోగాద్బద్ధో ముచ్యేత బంధనాత్ .

భయాన్ముచ్యేత భీతస్తు ముచ్యేతాపన్న ఆపదః .. 8..

దుర్గాణ్యతితరత్యాశు పురుషః పురుషోత్తమం .

స్తువన్నామసహస్రేణ నిత్యం భక్తిసమన్వితః .. 9..

వాసుదేవాశ్రయో మర్త్యో వాసుదేవపరాయణః .

సర్వపాపవిశుద్ధాత్మా యాతి బ్రహ్మ సనాతనం .. 10..

న వాసుదేవభక్తానామశుభం విద్యతే క్వచిత్ .

జన్మమృత్యుజరావ్యాధిభయం నైవోపజాయతే .. 11..

ఇమం స్తవమధీయానః శ్రద్ధాభక్తిసమన్వితః .

యుజ్యేతాత్మసుఖక్షాంతిశ్రీధృతిస్మృతికీర్తిభిః .. 12..

న క్రోధో న చ మాత్సర్యం న లోభో నాశుభా మతిః .

భవంతి కృత పుణ్యానాం భక్తానాం పురుషోత్తమే .. 13..

ద్యౌః సచంద్రార్కనక్షత్రా ఖం దిశో భూర్మహోదధిః .

వాసుదేవస్య వీర్యేణ విధృతాని మహాత్మనః .. 14..

ససురాసురగంధర్వం సయక్షోరగరాక్షసం .

జగద్వశే వర్తతేదం కృష్ణస్య సచరాచరం .. 15..

ఇంద్రియాణి మనో బుద్ధిః సత్త్వం తేజో బలం ధృతిః .

వాసుదేవాత్మకాన్యాహుః క్షేత్రం క్షేత్రజ్ఞ ఏవ చ .. 16..

సర్వాగమానామాచారః ప్రథమం పరికల్ప్యతే . var??  కల్పతే

ఆచారప్రభవో ధర్మో ధర్మస్య ప్రభురచ్యుతః .. 17..

ఋషయః పితరో దేవా మహాభూతాని ధాతవః .

జంగమాజంగమం చేదం జగన్నారాయణోద్భవం .. 18..

యోగో జ్ఞానం తథా సాంఖ్యం విద్యాః శిల్పాది కర్మ చ .

వేదాః శాస్త్రాణి విజ్ఞానమేతత్సర్వం జనార్దనాత్ .. 19..

ఏకో విష్ణుర్మహద్భూతం పృథగ్భూతాన్యనేకశః .

త్రీంల్లోకాన్వ్యాప్య భూతాత్మా భుంక్తే విశ్వభుగవ్యయః .. 20..

ఇమం స్తవం భగవతో విష్ణోర్వ్యాసేన కీర్తితం .

పఠేద్య ఇచ్ఛేత్పురుషః శ్రేయః ప్రాప్తుం సుఖాని చ .. 21..

విశ్వేశ్వరమజం దేవం జగతః ప్రభుమవ్యయం .

భజంతి యే పుష్కరాక్షం న తే యాంతి పరాభవం .. 22..

న తే యాంతి పరాభవం ఓం నమ ఇతి .

     అర్జున ఉవాచ ---

పద్మపత్రవిశాలాక్ష పద్మనాభ సురోత్తమ .

భక్తానామనురక్తానాం త్రాతా భవ జనార్దన .. 23..

శ్రీభగవానువాచ ---

యో మాం నామసహస్రేణ స్తోతుమిచ్ఛతి పాండవ .

సోహఽమేకేన శ్లోకేన స్తుత ఏవ న సంశయః .. 24..

స్తుత ఏవ న సంశయ ఓం నమ ఇతి .

     వ్యాస ఉవాచ ---

వాసనాద్వాసుదేవస్య వాసితం భువనత్రయం .

సర్వభూతనివాసోఽసి వాసుదేవ నమోఽస్తు తే .. 25..

శ్రీ వాసుదేవ నమోఽస్తుత ఓం నమ ఇతి .

పార్వత్యువాచ ---

కేనోపాయేన లఘునా విష్ణోర్నామసహస్రకం .

పఠ్యతే పండితైర్నిత్యం శ్రోతుమిచ్ఛామ్యహం ప్రభో .. 26..

     ఈశ్వర ఉవాచ ---

శ్రీరామ రామ రామేతి రమే రామే మనోరమే .

సహస్రనామ తత్తుల్యం రామ నామ వరాననే .. 27..

శ్రీరామనామ వరానన ఓం నమ ఇతి .

     బ్రహ్మోవాచ ---

నమోఽస్త్వనంతాయ సహస్రమూర్తయే

సహస్రపాదాక్షిశిరోరుబాహవే .

సహస్రనామ్నే పురుషాయ శాశ్వతే

సహస్రకోటియుగధారిణే నమః .. 28..

సహస్రకోటియుగధారిణే ఓం నమ ఇతి .

ఓం తత్సదితి శ్రీమహాభారతే శతసాహస్ర్యాం సంహితాయాం వైయాసిక్యామానుశాసనికే

పర్వణి భీష్మయుధిష్ఠిరసంవాదే శ్రీవిష్ణోర్దివ్యసహస్రనామస్తోత్రం ..

     సంజయ ఉవాచ ---

యత్ర యోగేశ్వరః కృష్ణో యత్ర పార్థో ధనుర్ధరః .

తత్ర శ్రీర్విజయో భూతిర్ధ్రువా నీతిర్మతిర్మమ .. 29..

శ్రీభగవానువాచ ---

అనన్యాశ్చింతయంతో మాం యే జనాః పర్యుపాసతే .

తేషాం నిత్యాభియుక్తానాం యోగక్షేమం వహామ్యహం .. 30..

పరిత్రాణాయ సాధూనాం వినాశాయ చ దుష్కృతాం .

ధర్మసంస్థాపనార్థాయ సంభవామి యుగే యుగే .. 31..

ఆర్తాః విషణ్ణాః శిథిలాశ్చ భీతాః ఘోరేషు చ వ్యాధిషు వర్తమానాః .

సంకీర్త్య నారాయణశబ్దమాత్రం విముక్తదుఃఖాః సుఖినో భవంతి .. 32.. var  భవంతు

కాయేన వాచా మనసేంద్రియైర్వా బుద్ధ్యాత్మనా వా ప్రకృతేః స్వభావాత్ . var  ప్రకృతిస్వభావాత్ .

కరోమి యద్యత్ సకలం పరస్మై నారాయణాయేతి సమర్పయామి .. 33..

  ఇతి శ్రీవిష్ణోర్దివ్యసహస్రనామస్తోత్రం సంపూర్ణం .

           ఓం తత్ సత్ .

మహాభారతే అనుశాసనపర్వణి

 Additional Concluding Shlokas 

ఓం ఆపదామపహర్తారం దాతారం సర్వసంపదాం .

లోకాభిరామం శ్రీరామం భూయో భూయో నమామ్యహం ..

ఆర్తానామార్తిహంతారం భీతానాం భీతినాశనం .

ద్విషతాం కాలదండం తం రామచంద్రం నమామ్యహం ..

నమః కోదండహస్తాయ సంధీకృతశరాయ చ .

ఖండితాఖిలదైత్యాయ రామాయఽఽపన్నివారిణే ..

రామాయ రామభద్రాయ రామచంద్రాయ వేధసే .

రఘునాథాయ నాథాయ సీతాయాః పతయే నమః ..

అగ్రతః పృష్ఠతశ్చైవ పార్శ్వతశ్చ మహాబలౌ .

ఆకర్ణపూర్ణధన్వానౌ రక్షేతాం రామలక్ష్మణౌ ..

సన్నద్ధః కవచీ ఖడ్గీ చాపబాణధరో యువా .

గచ్ఛన్ మమాగ్రతో నిత్యం రామః పాతు సలక్ష్మణః ..

అచ్యుతానంతగోవింద నామోచ్చారణభేషజాత్ .

నశ్యంతి సకలా రోగాస్సత్యం సత్యం వదామ్యహం ..

సత్యం సత్యం పునస్సత్యముద్ధృత్య భుజముచ్యతే .

వేదాచ్ఛాస్త్రం పరం నాస్తి న దేవం కేశవాత్పరం ..

శరీరే జర్ఝరీభూతే వ్యాధిగ్రస్తే కళేవరే .

ఔషధం జాహ్నవీతోయం వైద్యో నారాయణో హరిః ..

ఆలోడ్య సర్వశాస్త్రాణి విచార్య చ పునః పునః .

ఇదమేకం సునిష్పన్నం ధ్యేయో నారాయణో హరిః ..

యదక్షరపదభ్రష్టం మాత్రాహీనం తు యద్భవేత్ .

తత్సర్వం క్షమ్యతాం దేవ నారాయణ నమోఽస్తు తే ..

విసర్గబిందుమాత్రాణి పదపాదాక్షరాణి చ .

న్యూనాని చాతిరిక్తాని క్షమస్వ పురుషోత్తమ ..

 Alternate Concluding Shlokas 

నమః కమలనాభాయ నమస్తే జలశాయినే .

నమస్తే కేశవానంత వాసుదేవ నమోఽస్తుతే ..

నమో బ్రహ్మణ్యదేవాయ గోబ్రాహ్మణహితాయ చ .

జగద్ధితాయ కృష్ణాయ గోవిందాయ నమో నమః ..

ఆకాశాత్పతితం తోయం యథా గచ్ఛతి సాగరం .

సర్వదేవనమస్కారః కేశవం ప్రతి గచ్ఛతి ..

ఏష నిష్కంటకః పంథా యత్ర సంపూజ్యతే హరిః .

కుపథం తం విజానీయాద్ గోవిందరహితాగమం ..

సర్వవేదేషు యత్పుణ్యం సర్వతీర్థేషు యత్ఫలం .

తత్ఫలం సమవాప్నోతి స్తుత్వా దేవం జనార్దనం ..

యో నరః పఠతే నిత్యం త్రికాలం కేశవాలయే .

ద్వికాలమేకకాలం వా క్రూరం సర్వం వ్యపోహతి ..

దహ్యంతే రిపవస్తస్య సౌమ్యాః సర్వే సదా గ్రహాః .

విలీయంతే చ పాపాని స్తవే హ్యస్మిన్ ప్రకీర్తితే ..

యేనే ధ్యాతః శ్రుతో యేన యేనాయం పఠ్యతే స్తవః .

దత్తాని సర్వదానాని సురాః సర్వే సమర్చితాః ..

ఇహ లోకే పరే వాపి న భయం విద్యతే క్వచిత్ .

నామ్నాం సహస్రం యోఽధీతే ద్వాదశ్యాం మమ సన్నిధౌ ..

శనైర్దహంతి పాపాని కల్పకోటీశతాని చ .

అశ్వత్థసన్నిధౌ పార్థ ధ్యాత్వా మనసి కేశవం ..

పఠేన్నామసహస్రం తు గవాం కోటిఫలం లభేత్ .

శివాలయే పఠేనిత్యం తులసీవనసంస్థితః ..

నరో ముక్తిమవాప్నోతి చక్రపాణేర్వచో యథా .

బ్రహ్మహత్యాదికం ఘోరం సర్వపాపం వినశ్యతి ..

విలయం యాంతి పాపాని చాన్యపాపస్య కా కథా .

సర్వపాపవినిర్ముక్తో విష్ణులోకం స గచ్ఛతి ..

           .. హరిః ఓం తత్సత్ ..