Medha Suktham - Yejur Veda
മേധാസൂക്തം
തൈത്തിരീയാരണ്യകം - 4 പ്രപാഠകഃ 10 - അനുവാകഃ 41-44
ഓം യശ്ഛന്ദസാമൃഷഭോ വിശ്വരൂപഃ. ഛന്ദോഭ്യോഽധ്യമൃതാഥ്സംബഭൂവ.
സ മേന്ദ്രോ മേധയാ സ്പൃണോതു. അമൃതസ്യ ദേവധാരണോ ഭൂയാസം.
ശരീരം മേ വിചർഷണം. ജിഹ്വാ മേ മധുമത്തമാ.
കർണാഭ്യാം ഭൂരിവിശ്രുവം. ബ്രഹ്മണഃ കോശോഽസി മേധയാ പിഹിതഃ.
ശ്രുതം മേ ഗോപായ. ഓം ശാന്തിഃ ശാന്തിഃ ശാന്തിഃ ..
ഓം മേധാദേവീ ജുഷമാണാ ന ആഗാദ്വിശ്വാചീ ഭദ്രാ സുമനസ്യമാനാ.
ത്വയാ ജുഷ്ടാ നുദമാനാ ദുരുക്താൻ ബൃഹദ്വദേമ വിദഥേ സുവീരാഃ.
ത്വയാ ജുഷ്ട ഋഷിർഭവതി ദേവി ത്വയാ ബ്രഹ്മാഽഽഗതശ്രീരുത ത്വയാ.
ത്വയാ ജുഷ്ടശ്ചിത്രം വിന്ദതേ വസു സാനോ ജുഷസ്വ ദ്രവിണോ ന മേധേ..
മേധാം മ ഇന്ദ്രോ ദദാതു മേധാം ദേവീ സരസ്വതീ.
മേധാം മേ അശ്വിനാവുഭാവാധത്താം പുഷ്കരസ്രജാ.
അപ്സരാസു ച യാ മേധാ ഗന്ധർവേഷു ച യന്മനഃ.
ദൈവീം മേധാ സരസ്വതീ സാ മാം മേധാ സുരഭിർജുഷതാꣳ॒ സ്വാഹാ..
ആമാം മേധാ സുരഭിർവിശ്വരൂപാ ഹിരണ്യവർണാ ജഗതീ ജഗമ്യാ.
ഊർജസ്വതീ പയസാ പിന്വമാനാ സാ മാം മേധാ സുപ്രതീകാ ജുഷന്താം.
മയി മേധാം മയി പ്രജാം മയ്യഗ്നിസ്തേജോ ദധാതു
മയി മേധാം മയി പ്രജാം മയീന്ദ്ര ഇന്ദ്രിയം ദധാതു
മയി മേധാം മയി പ്രജാം മയി സൂര്യോ ഭ്രാജോ ദധാതു.
ഓം മഹാദേവ്യൈ ച വിദ്മഹേ ബ്രഹ്മപത്നീ ച ധീമഹി. തന്നോ വാണീ പ്രചോദയാത്.
ഓം ഹംസ ഹംസായ വിദ്മഹേ പരമഹംസായ ധീമഹി. തന്നോ ഹംസഃ പ്രചോദയാത്.
ഓം ശാന്തിഃ ശാന്തിഃ ശാന്തിഃ ..
medhāsūktaṃ
taittirīyāraṇyakam - 4 prapāṭhakaḥ 10 - anuvākaḥ 41-44
oṃ yaśchanda̍sāmṛṣa̱bho vi̱śvarū̍paḥ. chando̱bhyo'dhya̱mṛtā̎thsaṃba̱bhūva̍.
sa mendro̍ me̱dhayā̎ spṛṇotu. a̱mṛta̍sya deva̱dhāra̍ṇo bhūyāsam.
śarī̍raṃ me̱ vica̍rṣaṇam. ji̱hvā me̱ madhu̍mattamā.
karṇā̎bhyā̱ṃ bhūri̱viśru̍vam. brahma̍ṇaḥ ko̱śo̎si me̱dhayā pi̍hitaḥ.
śru̱taṃ me̍ gopāya. oṃ śānti̱ḥ śānti̱ḥ śānti̍ḥ ..
oṃ me̱dhāde̱vī ju̱ṣamā̍ṇā na̱ āgā̎dvi̱śvācī̍ bha̱drā su̍mana̱syamā̍nā.
tvayā̱ juṣṭā̍ nu̱damā̍nā du̱ruktā̎n bṛ̱hadva̍dema vi̱dathe̍ su̱vīrā̎ḥ.
tvayā̱ juṣṭa̍ ṛ̱ṣirbha̍vati devi̱ tvayā̱ brahmā̎'ga̱taśrī̍ru̱ta tvayā̎.
tvayā̱ juṣṭa̍ści̱traṃ vi̍ndate vasu̱ sāno̍ juṣasva̱ dravi̍ṇo na medhe..
me̱dhāṃ ma̱ indro̍ dadātu me̱dhāṃ de̱vī sara̍svatī.
me̱dhāṃ me̍ a̱śvinā̍vu̱bhāvādha̍ttā̱ṃ puṣka̍rasrajā.
a̱psa̱rāsu̍ ca̱ yā me̱dhā ga̍ndha̱rveṣu̍ ca̱ yanmana̍ḥ.
daivī̎ṃ me̱dhā sara̍svatī̱ sā mā̎ṃ me̱dhā su̱rabhi̍rjuṣatā̱g̱ͫ svāhā̎..
āmā̎ṃ me̱dhā su̱rabhi̍rvi̱śvarū̍pā̱ hira̍ṇyavarṇā̱ jaga̍tī jaga̱myā.
ūrja̍svatī̱ paya̍sā̱ pinva̍mānā̱ sā mā̎ṃ me̱dhā su̱pratī̍kā juṣantām.
mayi̍ me̱dhāṃ mayi̍ pra̱jāṃ mayya̱gnistejo̍ dadhātu̱
mayi̍ me̱dhāṃ mayi̍ pra̱jāṃ mayīndra̍ indri̱yaṃ da̍dhātu̱
mayi̍ me̱dhāṃ mayi̍ pra̱jāṃ mayi̱ sūryo̱ bhrājo̍ dadhātu.
oṃ ma̱hā̱de̱vyai ca̍ vi̱dmahe̍ brahmapa̱tnī ca̍ dhīmahi. tanno̍ vāṇī praco̱dayā̎t.
oṃ ha̱ṃsa̱ ha̱ṃsāya̍ vi̱dmahe̍ paramaha̱ṃsāya̍ dhīmahi. tanno̍ haṃsaḥ praco̱dayā̎t.
oṃ śānti̱ḥ śānti̱ḥ śānti̍ḥ ..
मेधासूक्तं
तैत्तिरीयारण्यकम् - ४ प्रपाठकः १० - अनुवाकः ४१-४४
ॐ यश्छन्द॑सामृष॒भो वि॒श्वरू॑पः। छन्दो॒भ्योऽध्य॒मृता᳚थ्संब॒भूव॑।
स मेन्द्रो॑ मे॒धया᳚ स्पृणोतु। अ॒मृत॑स्य देव॒धार॑णो भूयासम्।
शरी॑रं मे॒ विच॑र्षणम्। जि॒ह्वा मे॒ मधु॑मत्तमा।
कर्णा᳚भ्यां॒ भूरि॒विश्रु॑वम्। ब्रह्म॑णः को॒शो॑ऽसि मे॒धया पि॑हितः।
श्रु॒तं मे॑ गोपाय। ॐ शान्तिः॒ शान्तिः॒ शान्तिः॑ ॥
ॐ मे॒धादे॒वी जु॒षमा॑णा न॒ आगा᳚द्वि॒श्वाची॑ भ॒द्रा सु॑मन॒स्यमा॑ना।
त्वया॒ जुष्टा॑ नु॒दमा॑ना दु॒रुक्ता᳚न् बृ॒हद्व॑देम वि॒दथे॑ सु॒वीराः᳚।
त्वया॒ जुष्ट॑ ऋ॒षिर्भ॑वति देवि॒ त्वया॒ ब्रह्मा॑ऽऽग॒तश्री॑रु॒त त्वया᳚।
त्वया॒ जुष्ट॑श्चि॒त्रं वि॑न्दते वसु॒ सानो॑ जुषस्व॒ द्रवि॑णो न मेधे॥
मे॒धां म॒ इन्द्रो॑ ददातु मे॒धां दे॒वी सर॑स्वती।
मे॒धां मे॑ अ॒श्विना॑वु॒भावाध॑त्तां॒ पुष्क॑रस्रजा।
अ॒प्स॒रासु॑ च॒ या मे॒धा ग॑न्ध॒र्वेषु॑ च॒ यन्मनः॑।
दैवीं᳚ मे॒धा सर॑स्वती॒ सा मां᳚ मे॒धा सु॒रभि॑र्जुषता॒ꣳ॒ स्वाहा᳚॥
आमां᳚ मे॒धा सु॒रभि॑र्वि॒श्वरू॑पा॒ हिर॑ण्यवर्णा॒ जग॑ती जग॒म्या।
ऊर्ज॑स्वती॒ पय॑सा॒ पिन्व॑माना॒ सा मां᳚ मे॒धा सु॒प्रती॑का जुषन्ताम्।
मयि॑ मे॒धां मयि॑ प्र॒जां मय्य॒ग्निस्तेजो॑ दधातु॒
मयि॑ मे॒धां मयि॑ प्र॒जां मयीन्द्र॑ इन्द्रि॒यं द॑धातु॒
मयि॑ मे॒धां मयि॑ प्र॒जां मयि॒ सूर्यो॒ भ्राजो॑ दधातु।
ॐ म॒हा॒दे॒व्यै च॑ वि॒द्महे॑ ब्रह्मप॒त्नी च॑ धीमहि। तन्नो॑ वाणी प्रचो॒दया᳚त्।
ॐ हं॒स॒ हं॒साय॑ वि॒द्महे॑ परमहं॒साय॑ धीमहि। तन्नो॑ हंसः प्रचो॒दया᳚त्।
ॐ शान्तिः॒ शान्तिः॒ शान्तिः॑ ॥
Comments
Post a Comment