Shani Deva Stavaraja Stotram

śanaiścarastavarājaḥ 

śrī gaṇeśāya namaḥ ..

nārada uvāca ..

dhyātvā gaṇapatiṃ rājā dharmarājo yudhiṣṭhiraḥ .

dhīraḥ śanaiścarasyemaṃ cakāra stavamuttamam .. 1..

śiro me bhāskariḥ pātu bhālaṃ chāyāsuto'vatu .

koṭarākṣo dṛśau pātu śikhikaṇṭhanibhaḥ śrutī .. 2..

ghrāṇaṃ me bhīṣaṇaḥ pātu mukhaṃ balimukho'vatu .

skandhau saṃvartakaḥ pātu bhujau me bhayado'vatu .. 3..

saurirme hṛdayaṃ pātu nābhiṃ śanaiścaro'vatu .

graharājaḥ kaṭiṃ pātu sarvato ravinandanaḥ .. 4..

pādau mandagatiḥ pātu kṛṣṇaḥ pātvakhilaṃ vapuḥ .

rakṣāmetāṃ paṭhennityaṃ saurernāmabalairyutām .. 5..

sukhī putrī cirāyuśca sa bhavennātra saṃśayaḥ .

sauriḥ śanaiścaraḥ kṛṣṇo nīlotpalanibhaḥ śaniḥ .. 6..

śuṣkodaro viśālākṣo durnirīkṣyo vibhīṣaṇaḥ .

śikhikaṇṭhanibho nīlaśchāyāhṛdayanandanaḥ .. 7..

kāladṛṣṭiḥ koṭarākṣaḥ sthūlaromāvalīmukhaḥ .

dīrgho nirmāṃsagātrastu śuṣko ghoro bhayānakaḥ .. 8..

nīlāṃśuḥ krodhano raudro dīrghaśmaśrurjaṭādharaḥ .

mando mandagatiḥ khaṃjo tṛptaḥ saṃvartako yamaḥ .. 9..oratṛptaḥ

graharājaḥ karālī ca sūryaputro raviḥ śaśī .

kujo budho guruḥ kāvyo bhānujaḥ siṃhikāsutaḥ .. 10..

keturdevapatirbāhuḥ kṛtānto nairṛtastathā .

śaśī marutkuberaśca īśānaḥ sura ātmabhūḥ .. 11..

viṣṇurharo gaṇapatiḥ kumāraḥ kāma īśvaraḥ .

kartā hartā pālayitā rājyabhug rājyadāyakaḥ .. 12..orrājyeśo

chāyāsutaḥ śyāmalāṅgo dhanahartā dhanapradaḥ .

krūrakarmavidhātā ca sarvakarmāvarodhakaḥ .. 13..

tuṣṭo ruṣṭaḥ kāmarūpaḥ kāmado ravinandanaḥ .

grahapīḍāharaḥ śānto nakṣatreśo graheśvaraḥ .. 14..

sthirāsanaḥ sthiragatirmahākāyo mahābalaḥ .

mahāprabho mahākālaḥ kālātmā kālakālakaḥ .. 15..

ādityabhayadātā ca mṛtyurādityanandanaḥ .

śatabhirukṣadayitā trayodaśītithipriyaḥ .. 16..

tithyātmā tithigaṇano nakṣatragaṇanāyakaḥ .ortithyātmakastithigaṇo

yogarāśirmuhūrtātmā kartā dinapatiḥ prabhuḥ .. 17..

śamīpuṣpapriyaḥ śyāmastrailokyābhayadāyakaḥ .

nīlavāsāḥ kriyāsindhurnīlāñjanacayacchaviḥ .. 18..

sarvarogaharo devaḥ siddho devagaṇastutaḥ .

aṣṭottaraśataṃ nāmnāṃ saureśchāyāsutasya yaḥ .. 19..

paṭhennityaṃ tasya pīḍā samastā naśyati dhruvam .

kṛtvā pūjāṃ paṭhenmartyo bhaktimānyaḥ stavaṃ sadā .. 20..

viśeṣataḥ śanidine pīḍā tasya vinaśyati .

janmalagne sthitirvāpi gocare krūrarāśige .. 21..

daśāsu ca gate saurau tadā stavamimaṃ paṭhet .

pūjayedyaḥ śaniṃ bhaktyā śamīpuṣpākṣatāmbaraiḥ .. 22..

vidhāya lohapratimāṃ naro duḥkhādvimucyate .

bādhā yā'nyagrahāṇāṃ ca yaḥ paṭhettasya naśyati .. 23..

bhīto bhayādvimucyeta baddho mucyeta bandhanāt .

rogī rogādvimucyeta naraḥ stavamimaṃ paṭhet .. 24..

putravāndhanavān śrīmān jāyate nātra saṃśayaḥ .. 25..

nārada uvāca ..

stavaṃ niśamya pārthasya pratyakṣo'bhūt śanaiścaraḥ .

dattvā rājñe varaḥ kāmaṃ śaniścāntardadhe tadā .. 26..

.. iti śrī bhaviṣyapurāṇe śanaiścarastavarājaḥ sampūrṇaḥ ..

शनैश्चरस्तवराजः 

श्री गणेशाय नमः ॥

नारद उवाच ॥

ध्यात्वा गणपतिं राजा धर्मराजो युधिष्ठिरः ।

धीरः शनैश्चरस्येमं चकार स्तवमुत्तमम् ॥ १॥

शिरो मे भास्करिः पातु भालं छायासुतोऽवतु ।

कोटराक्षो दृशौ पातु शिखिकण्ठनिभः श्रुती ॥ २॥

घ्राणं मे भीषणः पातु मुखं बलिमुखोऽवतु ।

स्कन्धौ संवर्तकः पातु भुजौ मे भयदोऽवतु ॥ ३॥

सौरिर्मे हृदयं पातु नाभिं शनैश्चरोऽवतु ।

ग्रहराजः कटिं पातु सर्वतो रविनन्दनः ॥ ४॥

पादौ मन्दगतिः पातु कृष्णः पात्वखिलं वपुः ।

रक्षामेतां पठेन्नित्यं सौरेर्नामबलैर्युताम् ॥ ५॥

सुखी पुत्री चिरायुश्च स भवेन्नात्र संशयः ।

सौरिः शनैश्चरः कृष्णो नीलोत्पलनिभः शनिः ॥ ६॥

शुष्कोदरो विशालाक्षो दुर्निरीक्ष्यो विभीषणः ।

शिखिकण्ठनिभो नीलश्छायाहृदयनन्दनः ॥ ७॥

कालदृष्टिः कोटराक्षः स्थूलरोमावलीमुखः ।

दीर्घो निर्मांसगात्रस्तु शुष्को घोरो भयानकः ॥ ८॥

नीलांशुः क्रोधनो रौद्रो दीर्घश्मश्रुर्जटाधरः ।

मन्दो मन्दगतिः खंजो तृप्तः संवर्तको यमः ॥ ९॥orअतृप्तः

ग्रहराजः कराली च सूर्यपुत्रो रविः शशी ।

कुजो बुधो गुरुः काव्यो भानुजः सिंहिकासुतः ॥ १०॥

केतुर्देवपतिर्बाहुः कृतान्तो नैरृतस्तथा ।

शशी मरुत्कुबेरश्च ईशानः सुर आत्मभूः ॥ ११॥

विष्णुर्हरो गणपतिः कुमारः काम ईश्वरः ।

कर्ता हर्ता पालयिता राज्यभुग् राज्यदायकः ॥ १२॥orराज्येशो

छायासुतः श्यामलाङ्गो धनहर्ता धनप्रदः ।

क्रूरकर्मविधाता च सर्वकर्मावरोधकः ॥ १३॥

तुष्टो रुष्टः कामरूपः कामदो रविनन्दनः ।

ग्रहपीडाहरः शान्तो नक्षत्रेशो ग्रहेश्वरः ॥ १४॥

स्थिरासनः स्थिरगतिर्महाकायो महाबलः ।

महाप्रभो महाकालः कालात्मा कालकालकः ॥ १५॥

आदित्यभयदाता च मृत्युरादित्यनन्दनः ।

शतभिरुक्षदयिता त्रयोदशीतिथिप्रियः ॥ १६॥

तिथ्यात्मा तिथिगणनो नक्षत्रगणनायकः ।orतिथ्यात्मकस्तिथिगणो

योगराशिर्मुहूर्तात्मा कर्ता दिनपतिः प्रभुः ॥ १७॥

शमीपुष्पप्रियः श्यामस्त्रैलोक्याभयदायकः ।

नीलवासाः क्रियासिन्धुर्नीलाञ्जनचयच्छविः ॥ १८॥

सर्वरोगहरो देवः सिद्धो देवगणस्तुतः ।

अष्टोत्तरशतं नाम्नां सौरेश्छायासुतस्य यः ॥ १९॥

पठेन्नित्यं तस्य पीडा समस्ता नश्यति ध्रुवम् ।

कृत्वा पूजां पठेन्मर्त्यो भक्तिमान्यः स्तवं सदा ॥ २०॥

विशेषतः शनिदिने पीडा तस्य विनश्यति ।

जन्मलग्ने स्थितिर्वापि गोचरे क्रूरराशिगे ॥ २१॥

दशासु च गते सौरौ तदा स्तवमिमं पठेत् ।

पूजयेद्यः शनिं भक्त्या शमीपुष्पाक्षताम्बरैः ॥ २२॥

विधाय लोहप्रतिमां नरो दुःखाद्विमुच्यते ।

बाधा याऽन्यग्रहाणां च यः पठेत्तस्य नश्यति ॥ २३॥

भीतो भयाद्विमुच्येत बद्धो मुच्येत बन्धनात् ।

रोगी रोगाद्विमुच्येत नरः स्तवमिमं पठेत् ॥ २४॥

पुत्रवान्धनवान् श्रीमान् जायते नात्र संशयः ॥ २५॥

नारद उवाच ॥

स्तवं निशम्य पार्थस्य प्रत्यक्षोऽभूत् शनैश्चरः ।

दत्त्वा राज्ञे वरः कामं शनिश्चान्तर्दधे तदा ॥ २६॥

॥ इति श्री भविष्यपुराणे शनैश्चरस्तवराजः सम्पूर्णः ॥

ശനൈശ്ചരസ്തവരാജഃ 

ശ്രീ ഗണേശായ നമഃ ..

നാരദ ഉവാച ..

ധ്യാത്വാ ഗണപതിം രാജാ ധർമരാജോ യുധിഷ്ഠിരഃ .

ധീരഃ ശനൈശ്ചരസ്യേമം ചകാര സ്തവമുത്തമം .. 1..

ശിരോ മേ ഭാസ്കരിഃ പാതു ഭാലം ഛായാസുതോഽവതു .

കോടരാക്ഷോ ദൃശൗ പാതു ശിഖികണ്ഠനിഭഃ ശ്രുതീ .. 2..

ഘ്രാണം മേ ഭീഷണഃ പാതു മുഖം ബലിമുഖോഽവതു .

സ്കന്ധൗ സംവർതകഃ പാതു ഭുജൗ മേ ഭയദോഽവതു .. 3..

സൗരിർമേ ഹൃദയം പാതു നാഭിം ശനൈശ്ചരോഽവതു .

ഗ്രഹരാജഃ കടിം പാതു സർവതോ രവിനന്ദനഃ .. 4..

പാദൗ മന്ദഗതിഃ പാതു കൃഷ്ണഃ പാത്വഖിലം വപുഃ .

രക്ഷാമേതാം പഠേന്നിത്യം സൗരേർനാമബലൈര്യുതാം .. 5..

സുഖീ പുത്രീ ചിരായുശ്ച സ ഭവേന്നാത്ര സംശയഃ .

സൗരിഃ ശനൈശ്ചരഃ കൃഷ്ണോ നീലോത്പലനിഭഃ ശനിഃ .. 6..

ശുഷ്കോദരോ വിശാലാക്ഷോ ദുർനിരീക്ഷ്യോ വിഭീഷണഃ .

ശിഖികണ്ഠനിഭോ നീലശ്ഛായാഹൃദയനന്ദനഃ .. 7..

കാലദൃഷ്ടിഃ കോടരാക്ഷഃ സ്ഥൂലരോമാവലീമുഖഃ .

ദീർഘോ നിർമാംസഗാത്രസ്തു ശുഷ്കോ ഘോരോ ഭയാനകഃ .. 8..

നീലാംശുഃ ക്രോധനോ രൗദ്രോ ദീർഘശ്മശ്രുർജടാധരഃ .

മന്ദോ മന്ദഗതിഃ ഖഞ്ജോ തൃപ്തഃ സംവർതകോ യമഃ .. 9..orഅതൃപ്തഃ

ഗ്രഹരാജഃ കരാലീ ച സൂര്യപുത്രോ രവിഃ ശശീ .

കുജോ ബുധോ ഗുരുഃ കാവ്യോ ഭാനുജഃ സിംഹികാസുതഃ .. 10..

കേതുർദേവപതിർബാഹുഃ കൃതാന്തോ നൈരൃതസ്തഥാ .

ശശീ മരുത്കുബേരശ്ച ഈശാനഃ സുര ആത്മഭൂഃ .. 11..

വിഷ്ണുർഹരോ ഗണപതിഃ കുമാരഃ കാമ ഈശ്വരഃ .

കർതാ ഹർതാ പാലയിതാ രാജ്യഭുഗ് രാജ്യദായകഃ .. 12..orരാജ്യേശോ

ഛായാസുതഃ ശ്യാമലാംഗോ ധനഹർതാ ധനപ്രദഃ .

ക്രൂരകർമവിധാതാ ച സർവകർമാവരോധകഃ .. 13..

തുഷ്ടോ രുഷ്ടഃ കാമരൂപഃ കാമദോ രവിനന്ദനഃ .

ഗ്രഹപീഡാഹരഃ ശാന്തോ നക്ഷത്രേശോ ഗ്രഹേശ്വരഃ .. 14..

സ്ഥിരാസനഃ സ്ഥിരഗതിർമഹാകായോ മഹാബലഃ .

മഹാപ്രഭോ മഹാകാലഃ കാലാത്മാ കാലകാലകഃ .. 15..

ആദിത്യഭയദാതാ ച മൃത്യുരാദിത്യനന്ദനഃ .

ശതഭിരുക്ഷദയിതാ ത്രയോദശീതിഥിപ്രിയഃ .. 16..

തിഥ്യാത്മാ തിഥിഗണനോ നക്ഷത്രഗണനായകഃ .orതിഥ്യാത്മകസ്തിഥിഗണോ

യോഗരാശിർമുഹൂർതാത്മാ കർതാ ദിനപതിഃ പ്രഭുഃ .. 17..

ശമീപുഷ്പപ്രിയഃ ശ്യാമസ്ത്രൈലോക്യാഭയദായകഃ .

നീലവാസാഃ ക്രിയാസിന്ധുർനീലാഞ്ജനചയച്ഛവിഃ .. 18..

സർവരോഗഹരോ ദേവഃ സിദ്ധോ ദേവഗണസ്തുതഃ .

അഷ്ടോത്തരശതം നാമ്നാം സൗരേശ്ഛായാസുതസ്യ യഃ .. 19..

പഠേന്നിത്യം തസ്യ പീഡാ സമസ്താ നശ്യതി ധ്രുവം .

കൃത്വാ പൂജാം പഠേന്മർത്യോ ഭക്തിമാന്യഃ സ്തവം സദാ .. 20..

വിശേഷതഃ ശനിദിനേ പീഡാ തസ്യ വിനശ്യതി .

ജന്മലഗ്നേ സ്ഥിതിർവാപി ഗോചരേ ക്രൂരരാശിഗേ .. 21..

ദശാസു ച ഗതേ സൗരൗ തദാ സ്തവമിമം പഠേത് .

പൂജയേദ്യഃ ശനിം ഭക്ത്യാ ശമീപുഷ്പാക്ഷതാംബരൈഃ .. 22..

വിധായ ലോഹപ്രതിമാം നരോ ദുഃഖാദ്വിമുച്യതേ .

ബാധാ യാഽന്യഗ്രഹാണാം ച യഃ പഠേത്തസ്യ നശ്യതി .. 23..

ഭീതോ ഭയാദ്വിമുച്യേത ബദ്ധോ മുച്യേത ബന്ധനാത് .

രോഗീ രോഗാദ്വിമുച്യേത നരഃ സ്തവമിമം പഠേത് .. 24..

പുത്രവാന്ധനവാൻ ശ്രീമാൻ ജായതേ നാത്ര സംശയഃ .. 25..

നാരദ ഉവാച ..

സ്തവം നിശമ്യ പാർഥസ്യ പ്രത്യക്ഷോഽഭൂത് ശനൈശ്ചരഃ .

ദത്ത്വാ രാജ്ഞേ വരഃ കാമം ശനിശ്ചാന്തർദധേ തദാ .. 26..

.. ഇതി ശ്രീ ഭവിഷ്യപുരാണേ ശനൈശ്ചരസ്തവരാജഃ സമ്പൂർണഃ ..

Lyrics in other languages will be updated soon.